احببتك رغم كل شي ❤

part 38

سَمارك وَ الوطن وعيونك ، حِرگن گلوب ألناس 🖤✨..

#write:yaqeen.hassan
#احببتك رغم كل شيء ❤

قراءة ممتعة 💞

--------------------------

ايلين : حسيت روحي دخت فد مرة كعدت على الصبة ولازمة راسي وفجا سمعت صوت يمي رفعت راسي شفتهة مرة كبيرة يعني تطلع اكبر من عمة بشوية

المرية : شبيج بنيتي عيني عليج من طلعتي شنو ضايعة

ايلين : خالة زوجي دلاني على مكان واني تيهت وطلعت من غير باب

المرية : انت جاية قبل هنا

ايلين : جاية بس قبل سنة

المرية : كومي بنيتي كومي انة ادليج

ايلين : لا خالة اخاف ازعجج

المرية : متزعجيني يمة كومي الشباب كومة هنا وانت مشااله عليج مبسلة وتخبلين
(مبسلة هاي كلمة بيبيتي تكولهة يعني حلوة حتى لتكولون شنو وشنو 😂😂)

ايلين : كمت وياهة وفوتتني من البوب وماكو انوب حتى نسيت المكان دنمشي وحسيت احد جرني من ايدي وصرت بحضنة اي عطرة هذا لزمت سترتة قوي ووكعت دموعي باوعت عيونة بيهة لمعة عبالك مدمع وعركان ويلهث

عذاب : اوووف ولج وين جنتي وكفتي كلبي والله

ابلين : ماعرف تيهت

المرية : هذا رجلج يمة

ايلين : اي خالة عذاب هاي المرية ساعدتني

عذاب : تسلمين حجية ماعرف شلون اجازيج هاي مرتي فاهية شسويلهة مو مال اعرفهة

ايلين : ضربتة بايدة وخنزرت

المرية : ههههه اي وليدي مبينة مرتك جكليتة لتحطهة بالشمس اخاف تموع يلة مع والسلامة

ايلين : بتسمتلة بنصر

عذاب : اخخخ لج شسويتي بية والله وكفتي كلبي ردت افوت يم النسوان

ايلين : اي والله هاي الناقصة

عذاب : اي وكت غيرتج امشي يلة ورانة طريق

ايلين : مليق _ مشينة بالسوك وتسوكنة شغلات للكل ولملاك المار جابلهن لعابة  من هاي الجبيرة باوعتلة براءة وهوة ضحك ونزلي وحدة الي متت فرح بدي اكمز بنص السوك شلناهن ورحنة للكراج اخدنة السايرة وطلعتة شايلة اللعابة واكلب بيهة تخبل

عذاب : ههههه شبيج ولج مشايفة لعابات

تيلين : اموت عليهن شكرا استاذ مليق

عذاب : هههه العفو

ايلين : طلعنا من الامام ورحنة للمقبرة نزلت دموعي من نزلنا صفنت ورجعت ذكرياتي بذاك اليوم من توفى بابا مشينة بهذا الطريق جنت ضايعة وافكر شرح يصير بحياتي بس هسة حياتي ستقرت نزلنة وراح جاب مي ورد وبخور رش على الكبر واني كاعدة بين كبر بابا وبين كبر ماما وابجي بسكوت كعد يمي وجرني لحضنة كمت ابجي بحضنة قوي وهوة يجر حسرات ضليت هيج ابجي يمكن ربع ساعة وخرت ومسحت دموعي هوة بتسملي تقرب بست كبر ماما وبست كبر بابا وكمنة قرينة الفاتحة وجرني من ايدي رحنة لكبر جدة وبيبيتة وعمة ابو رشا ومرتة وابنة دنج غسل كبورهم احسة ختنك ويريد يبجي بس كوة مسيطر على دموعة كملهم وكعد شوية صفن على الكبر وبتسم ووكعت دمعتة حجة بصوت مبحوح ومخنوك