احببتك رغم كل شي ❤

part 8

احب صَوتك عندما تُحاول
تَقليد لَهجتي وتَتَكلم كأنك انا 🖤.

#write:yaqeen.hassan
#احببتك رغم كل شيء ❤

قراءة ممتعة💞

----------------------

ايلين : مرن يومين واني عقلي وموتني بالتفكير داومت وجانو يزن ومريم مطرودين كالو معقولة هوة السبب تماشيت وية السالفة واللي عرفتة عزام جاي وعذاب متعارك وية وطاردة واني ضليت افكر ومدالكة جواب لحد هسة رجعت اليوم من الدوام صعدت بدلت مريم جانت ماكو بالدوام و حوراء دتباوع فلم صعدت ولاكيت كرار على الدرج

كرار : هلة بالغالية ام الطيبة

ايلين : هلوو شلونك صايرين لا انت ولا ابوك نشوفكم

كرار : اسكتي والله نهد حيلي من ورة الشغل صارلي يومين مثل القرد اكمل من مكان لمكان

ايلين : الله يساعدك يلة ميخالف استحمل تهون

كرار : اي تهون على كولتج

ايلين : صعدت بدلت ونزلت تغديت واجة كرار هم اكل وياي ضليت اقرة سمعت صوت عذاب يعيط جوة هاي صايرة حالتة من يرجع بس يعيط ويصيح ضليت كاعدة ومريم جتي ضايجة خطية واكعة بيهة لان جايبة درجة ناصية ميصير هيج رح تكره الدراسة رحت يمهة كعدت قريتهة وضحكتهة نزلنة اني وحوراء نسوي العشة ورشا تعبانة حضرت جنابهة ضلنة نكلي واجوي تعشينة وسوالفنة بالليل من نامو طلعت للحديقة لمكاني المفضل جوة الشجرة رحت وشفت احد كاعد طلع عذاب _ اوه اسفة عبالي نمت

عذاب: تعالي كعدي

ايلين : عادي

عذاب : انة موداكلج كعدي شنو فائدة السؤال هذا

ايلين : شبيك شبيك هسة اني شكلت اووي

عذاب : اسف بس هالايام ضايج وتعبان

ايلين : اي والله مبين عليك صاير حقنة كولشش

عذاب : كولشش ههههههه

ايلين : ضربتة بالملزمة بجتفة وبرطمت _ لتقلد ابو لجن

عذاب : هاي لهجتنة شسوي

ايلين : اني هم هاي لهجتي اسكت كافي داقرة

عذاب : فكرتي بالموضوع

ايلين : لا يالله باوعت علي بسرعة وكمت افرك بايدي توترت.دنجت راسي وبين علية كولش

عذاب : خلاص خلاص براحتج مامش مستعجل انه اهدي لتتوترين

ايلين : اني عندي هواي اسئلة وانت ماعندك مجال

عذاب : سئلي هسة

ايلين : اخاف تعبان

عذاب : لا هوة بكل الحلات مرح انام مثل البشر احجي حتة انعس