احببتك رغم كل شي ❤

part 35

‏لو إني بمنتصف صدرك بدل مُنتصف الليل.....

#write:yaqeen.hassan
#احببتك رغم كل شيء ❤

قراءة ممتعة 💞

--------------------------

بعد مرور سبوعين :

ايلين : مرت اسبوعين مثل السم على كلبي زنوبة مكفت شرهة عني ونضمت رشا الهة ويضلن يحجن واني اضل ساكتة تعبت واني اكتم بكلبي شنو من كلب عندي اني اضل اكتم بي بس متاكدة رح يجي يوم واطك واموت عذاب ابو راس اليابس اللي ماعرف شلون اتصرف وياه غريب من باسني تخربطت كل احوالة يريد حجة حتى بس يجرحني ويذمرني بالطلاك واربعة وعشرين ساعة خازرني ماعرف شجاه مريم ستلمت نتيجتهة ناحجة بس معدلهة بال80 فرحتلهة وعذاب مشتريلهة سوار ذهب وكرار يغم روحة هههه وهذا الشي المفرح الوحيد الي صار بهالاسبوعين عذاب سوالنة الحايط وبدل الجامات مال الغرفة ورجعت الغرفة الحمد لله ولساعني انتضر عذاب يطلع عمر واخلص العرفتة ضاربة من هذاك اليوم الحجيت وياه ودينتضر جروحة تطيب حتى يجيبة طبعا اني اسمعة بالليل هوة ميحجي وياي ابد ضل هيج الوضع لحد ذاك اليوم.....

حطيت ملابس عذاب بالغسالة وطلعت رحت للمطبخ اساعد البنات جانت طالعة روحي دنيا عصر ودنطبخ للعشا وعمت عذاب هيلة ام انتصار جاية هية وانتصار وصارن فرقة علية ضليت اطبخ واني ساكتة سمعت صوت رشا

رشا : ايلللللين

ايلين : خيرررر

رشا : انت حاطة ملابس عذاب بالغسالة ولج اكو وحدة ذكية تخلي الملابس البيضة وية الملونة انت شلون وية غبائج

ايلين : ضليت ساكتة ورحت للغسالة صدك البيض صاير لونهن بيجي لان حاطة دشداشة جوزية وياهن تنفست بضيق طلعتهن ودافوت من يم الدرج وكفني صوتهن

هيلة : والله يالله عذاب عاف كل البنات راح لهاي الفاشلة امداج وامدة الاخذج

رشا : اي والله عمة غبية متفتهم

انتصار : هة ليش شتريديهة تطلع ترباية بغداد

زينب : اي والله الله اعلم شلون مترباية هناك مو زين عذاب لفاهة ورباهة شوية

رشا : هههه والله بنات بغداد هم صلفات وفاشلات

ايلين : تحطم اخر عصب عندي حجيت ودموعي تجوي خدي
_ اني اتشرف بتربية اهلي وتربية بغداد اللي دتحجن عليهة انتن مطلعتن من بطن امهاتجن تعرفن تطبخن وتمسحن اكيد جان عدجن امهات وعلمتحن بس اني خسرت امي من عمري 10 سنوات فمو عيب ان ما اعرف اطبخ او اغسل هدون المفروض انتن تكونن بمقام امي وتعلمني بس انتن بالعكس تذلني وتهينني وتضلن تغلطن علية اني تربيت عند اب عند رجال عوضني عن كلشي خسرتة مخلاني المس اي شي وجان يكلي رح ازوجج واحد مثلي بس زماني ذبني هنا حتى انذل وانهان وللاسف ماكو احد بضهري يوكف وياي ويدافعلي بس الله موجود ويعرف باللي ديصير وحاس بية ومثل مكالو كما تدين تدان رح يجي يوم وكل وحدة بيجن تحس باللي داحس بي اني