احببتك رغم كل شي ❤

part 37

‏لو إني بمنتصف صدرك بدل مُنتصف الليل..✨❤

#write:yaqeen.hassan
#احببتك رغم كل شيء ❤

اسفة اسفة جدا على التاخير بس اليوم امي متوحمة على تنضيف وستلمتني من الصبح والعصر دخت فدمرة واني بية فقر دم مكدرت انشر والنت هم طنكر وراح يعني اليوم اسود المهم هسة يلة فرغت ونشرت 😭💔

قراءة ممتعة 💕

--------------------------

الدكتور : اسف مكدرنة ننقذهة البقية بحياتكم

عذاب : اسوء واصعب و اوجع 5 كلمات مرن بحياتي ماكدر اوصف الموقف ماكدر اخليكم تحسون باللي حسيتة شلون القنبلة نفجرت بداخلي شلون الطلقة الدخلت بكلبي شلون السجينة ويضلون يدخلوهة بيك ويطلعوهة هيج جان احساسي دموعي نزلت نزلت لان فراق التحبة صعب ومرح تغلة علي دموعك ضليت ثواني استوعب الفكرة يعني رح ادفنهة يعني بعد ماشوف ضحكتهة شقاهة يعني بعد ماكو ام لسانين بعد ماكو بت كلبي يعني رح تروح لا مستحيل مهتميت لاي شخص دفعت الدكتور وفتت جانو مغطيهة حتى راسهة وخرت الغطة ولزمت ايدهة واني احس روحي دتطلع وياهة فات الدكتور وراي ويريد يطلعني

_ دكتور دخيلك حاول ابوس رجلك بداعت جهالك وكل شخص تحبة حاول مرة ثانية ابوووس ايدككك حاول

_ طلع الجهاز وحضرة وكام يحط الجهاز وكلسع يضربهة ويرتفع جسمهة وينتضر النبض يرجع واني لازم ايدهة وضل يضرب تقربت كبال وجهة وحطيت كصتي على كصتهة

_ بنيتي كعدي لخاطري يلة كعدي حتى احققلج امنياتج كعدي ايلين كعدي يلة تمسكي بية انة مو امانج يلة حاولي لخاطري يلة _

ضرب الدكتور وماكو كال اخر مرة لزمت وجهة بايدي ومهتميت للموجودين حط الجهاز وقبل ميضرب وكعت دموعي واني بداخلي ادعي تعيش تمنيت من كل كلبي غمضت وتمنيت اصحى على حمد لله على سلامتهة يارب دخيلك لتكسرني دخيلك

صحيت على الدكتور  يطبطب على ضهري كمت واحس روحي جنت فاقد باوعت للدكتور وجهة يضحك وباوعت لجهاز القلب النبض يمشي مالتهة

فرحة الدنيا كلها اجتمعت بية رحت حضنت الدكتور قوووي لو شكد ما اشكرة ما اوفي حقة ضحكت ورحت بستهة براسهة وطلعت سجدت بالكاع ممصدك والله ممصدك الله رجعهة الي الف الحمد لله طلعت حضنت ابوية وبوكتهة حتى ردت احضن الممرضة نسيت انه شنو انة شيخ انة اللي اهز الدواوين بكلمتي كمت ابجي  كبال الدكاترة وحضنت شكو واحد بالمستشفى هههه والله ماعرف من فرحتي ماكدر اعبرلكم عن ال بداخلي

طلع الدكتور  وهوة يضحك

الدكتور : يعني ماعرف شحجي بس اللي صار معجزة ماعرف شلون نجت من الموت بس الف الحمد لله والشكر حالتهة ستقرت رح ننقلهة على الغرفة ونشالله وباذن الله يومين وتكعد لان بعد اثر الغيبوبة بيهة