احببتك رغم كل شي ❤

part 29

. - رغم انك بعيد عني ، لكنك"
- تسرق نصف يومي بِ تفكيري بك 🍂
.
.
.
#write:yaqeen.hassan
#احببتك رغم كل شيء ❤
.
.
..

ايلين : عذاب

عذاب : عيونة

ايلين : اريد اكلك شي

عذاب: كولي

ايلين : اني احبك هواي هواي _ اي ضعفت وجبنت من صارت السالفة صدك ماكدر اكلة جرني لحضنة ياترة شنو رح يصير موقفك اذا عرفت شنو رح تسوي بية

عذاب : والله عبالي بيج شي يلة المهم شتريدين تتعشين

ايلين : صاج

عذاب : خوش اروح اكلة واجي

ايلين : تمام لتتاخر _ طلع وتنفست ليش هيج ماكدر اكلة ليش اضعف من اكعد يمة مستحيل اكدر اكلة اخلي السالفة لعمو هوة يتصرف اجة ورة شوية وبيدة اكل كعدنة ناكل وساكتين صفنت على الشط شلون حلو والهوى يخبل جانت توهة تغورب حسيتة من لزم ايدي وباسني بيهة بتسمتلة

عذاب : شبيهة مرتي منو مضوجهة ليكون انة

ايلين : لا محد مضوجني بس دافكر شكد احبك

عذاب: كافي تحجين رحمة لعمج ترة شتعل جدي بكبرة من ورة حجيج ل تخلينة ننفضح هنا

ايلين : هههههه تمام سكتت _ اكلنة وكملنة غسلنة وحاسب الرجال وخابر كرار

عذاب : الوو ها كرار وينكم انتو

كرار : بيت عمك بابا

عذاب  : بيت عمي هههههه زين شيصير منك انت

كرار : شمدريني شكللهم ماعرف اكللهم عمو يرزلوني اكلهم جدو ميحاوبون عبالهم وية غيرهم شسوي والله دخت رح اتبرة من عمامك بابا

عذاب : نجب نجب كافي تحجي ليش مرحتو للبيت

كرار : البنات كالن نتونس شوية انتو وين

عذاب : احنة جايين بالطريق

كرار : تونست لا

عذاب : كرار مع السلامة

كرار : باااي

عذاب  : مدري وين جنت عنة هذا يمكن نسيت اربي

ايلين : ههههههههههه فات الاوان

عذاب : اي والله فات الاوان يلة نشالله يعقل على الزواج

ايلين : ميعقل اني عقلت على الزواج

عذاب : لا

ايلين : شوف لعد ميعقل لتحاول انت اخذلة وحدة مخبلة مثلة وهمة يتصافون سوة

عذاب : ههههه زين انة شنو ذنبي عاقل والله نطاني وحدة مخبلة

ايلين : مخبلة بعينك اصلا الله رضى عليك من نطاني الك