احببتك رغم كل شي ❤

part 9

.گعدنا الورد ويـاچ
ضاع بلمعةة خدودچ ..🖤

#writ:yaqeen.hassan
#احببتك رغم كل شيء ❤

قراءة ممتعة💞

----------------------

علياء : شوفي عذاب رجال ما اوصفلج رجال بمعنى الكلمة كل البصرة تشهد بي وبخيرة وباخلاقة ميعوف احد محتاج كل شهر ربع راتبة يوزعة وهاي من عدا اني والله كل شهر يمر علية ويجيب المسواك مال شهر كامل رفع شاني كبال رجلي مع كل الصار وياي وانت تعرفين سالفتي والله مخلة واحد يحجي علية بالموزين وكف وياي حتة امجد واحمد بالبداية عبالهم اني متواعدة وية صديقي بس هوة الوحيد الصدكني وكف وياي ورزلهم عذاب مثقف لتشوفي شيخ بس تفكيرة اكبر من هيج يتفهم الوضع مرات يتهور بس مرات يتفهم يكره شي اسمة جذب وخصوصا بين الازواج والعلاقة همة شلون خربت علاقتهم هوة وام كرار اني اكلج من كاللهة شربي مانع مشربت وكامت تاخذ مقويات ومنشطات حتى تحبل فهذا اثر عليهة لهذا حبلت بعد شكم سنة هواي وهوة عرف بيهة من تاخذ منشطات ضربهة ضرب عمرهة مشايفتة لان يمكن 5 سنوات هية تاخذ منشطات وهوة جان عبالة مانع حمل وداهة لاهلهة ومفاد وياهة تركت الحبوب حبلت بعد ماعرف شكم سنة وبالشهر السابع يمكن ماتتت الله يرحمها فاي شي ضامتة كليلة علاقة قديمة شخص يحبج هيج اي شي تشوفي ياثر او مياثر على علاقتكم احجيلة وهوة هم رح يحجيلج عذاب يحب المرة النادرة التهتم بي بملابسة انت مبتدئة متعرفين لان جنت عايشة وية ابوج اني اعلمج تعاليلي اسئلي ماما التعلم مو عيب عذاب يحب المرية التدللة مو بس هوة كل الرياجيل انت ماشالله تخبلين لتخسري وتخلي يتزوج عليج لان انت مناقصج حسن وجمال لبسج البسي مستور طولي لبسج بما ان انت لابسة الحجاب وماعتقد رح يجبرج على العباية لهذا انت من يمج لبسي شي طويل وتانقي براحتج بي والله تكسبي اذا سويتي هذا الشي رح يحطج فوك راسة وبعد شنو هااا مرادد لتراددين احجي وياه بهدوء صوتج لتعيطين كبالة يكره المرة الصوتهة عالي هذني الحجيتهن حتى تكسبي وحجيتلج عنة هم كليلي ماريدة

ايلين : علياء انت حجيتي اني وياه مرح نستمر بهذا الزواج

علياء : ياااااا صخام بوجهي ليش

ايلين : ههههه انتظري خلي احجي شوفي اني كتلة انطيني وقت افكر بالسالفة واردلك خبر كتلة انطيني اسبوع وهذا الاسبوع رح يخلص واني ممقررة

علياء : زين هذا الحجي ماثر عليج

ايلين : لا اثر واريد اعرف بعد عن حياتة

علياء : وانت متحجين وياه ترة مو عيب غير تتعرفين علي

ايلين : اي اعرف بس ماعرف من اكعد يمة اتلبك وكل الاسئلة تروح

علياء: انت هسة بكلبج وبعقلج من مية شكد تنطين حق ان تستمرين بهالعلاقة

ايلين : 70 بالمية