احببتك رغم كل شي ❤

part 39

‏ونظرت في عيّنيكِ عليّ اهتدي
فتعاظمت بعد التأمل حيرتي..... ❤✨

#write:yaqeen.hassan
#احببتك رغم كل شيء ❤

قراءة ممتعة 💞

-------------------------

ايلين : محسيت الة واحنة طابين بغداد فتحت الجامة وضحكت وتنفست قوي اوووف شكد مشتاقتلهة كل ما تعبر السيارة من شارع اتذكر اني وبابا من نمشي بكل مكان بغداد عندي ذكريات ماعرف شوكت وصلنة للمنطقة مالتنه وحسيت ردتلي روحي تنفست قوي ووكعت دمعة من عيني باوعت لعذاب وضحكت بس شفتة مخنزر درت وجهي بياس بس بداخلي ممصدكة صارلي سنة مشايفة منطقتنة بيتنة وكفنة يمة مبين مهجور نزلت ركض لزمت الباب متروسة تراب كامت تنزل دموعي مثل الشلال نزل هوة فتح الباب ودخلت مشفت غير شي واحد شفت روحي اني وبابا وماما وبوبي نلعب بالطرمة شفت روحي العب وينة نور واضحك شفت ذكرياتي وية بابا باوعت لكل ركن بالبيت واني اشهك وساكتة كل هذني الذكريات راحت باوعت للكاع الطوبة موجودة بابا كالي من نرجع نلعب بيهة بس مشفتة بعد كوة مسيطرة على روحي مشيت خطوات ممتوازنة تلمست الحايط شميت ريحتة تمنيت الكة ريحتهم بالحياط او باي شي باوعت شلون التراب تارسة واكو وصخ هواي بالطرمة الحديقة الزرع صاير اسود وميت جان بابا يموت عليهة هسة ماتن وياه فتح الباب الداخلي اللي متروس تراب حتى ميبين مكان المفتاح فتتت جوة ومستحملن الموقف وكعت بالكاع ابجي واشهك قوي ابجي على  حال البيت شلون رايح لونة حتى ضوة مابي وابجي على حالي اللي المفروض هسة اني جاية لبيت اهلي يتلكوني بالاحضان اخخخ ياكلبي شرح تشوف بعد اجة عذاب كومني و وحار وين يكعدني المكان كلة تراب راح جاب  كارتونة من الكاع نفضهة وحطهة على القنفة وكعدني راح طلع من الجنطة مي وشربني

عذاب : اهدي شوية شبيج

ايلين : مقهورة على روحي وعلى حال البيت المفروض اني هسة بحضن بابا وماما المفروض البيت نضيف وريحة الاكل بالبيت بس ماكو كلشي عذاب ماكو كلشي

عذاب : كافي ايلين كافي

ايلين : تمام تمام مرح ابجي

عذاب : اي هيج صيري

ايلين : مسحت دموعي وكمت افتر بالبيت اول شي رحت لغرفتي وهوة يفتر وراي فتت نفس حالة البيت باوعت للمكياج منتهي اصلا العطور الجرباية الفراش صاير اسود مالتهة رحت وفتحت الكنتور شفت ملابسي بس زينة مو مثل البرة نضيفة تلمستهن كلهن تنانير قصيرو وبناطير مشككة وتيشيرتات قصيرة

عذاب : هااا اشو صفنتي لازم عجبنج ورح تاهذيهن

ايلين :ههههه لا اصلا نسيت شلون البسهن واستحي البسهن بس داشوف روحي شلون جنت

عذاب : اي وشلون جنت

ايلين : جنت طفلة شكد كبرت بس داخلي اضل طفلة بحضن ابوهة وامهة صح خسرت امهة بس تعوضت بحضن ابوهة ورادت تضل مدللة بحضن ابوهة بس خسرت حتى ابوهة