سلطـانة شهم

part 2

#سلطانة شهم
البارت2
لــ فاطـمةُ الــسلام

يقولون اننا لانعرف قيمة مالدينا الى ان نخسره..
لكن الحقيقة المألمة أننا نعلم مالدينا لكننا لم نفكر ابدا بأننا سنخسره

سلطانه...من البچي رجعتلي حادثة قبل 14سنة من جان عمري 4 سنوات لمن جنت ببغداد جنت طفله ماافتهم جنت اول مولود لبابا وماما الحقيقيين صح ماتذكر شكلهم بس اذكر انو اسمي سرور وجنت بوقتها لابسة بنطرون اسود وقميص احمر وفاتحة شعري اذكر انو ماما كرديه وماعرف شي عن اهلها وبابا اذكر جان بعيد عن اهله ويمكن لو مرة لو مرتيين شفت عمامي بس ماجنت اعرفهم...

جنه اني وبابا وماما طالعيين بالسيارة بمناسبة عيد ميلادي وجنت فرحانه لدرجه مو طبيعيه واغني اغاني اطفال وبابا وياي بس ماما جانت شويه ضايجة وكل شويه تكول مختنكة

دخلنه للمطعم وجابو كيكه صح بسيطة بس بالنسبة اليه فد شي احتفلنه وبوقتها ماما انطتني كلادة ذهب بسيطة ونازكه عباره عن زنجيل وبي كلب والكلب ينفتح واذكر بي صورت بابا وماما بس ماذكر شكل الصورة
طلعنه من المطعم وافترينه في سبيل اتونس صعدنه بالسيارة جانت المغربيه دخلنه بطريق سريع وبابا يضحك ويتشاقه ويه ماما وماما تصيح لان تخاف من السرعه وبابا يزيد بيها ويباوع على ماما ويضحك ومانحس اله والسيارة طايرة وتتكلب واطخ بالكاع جانت سيارة شويه قديمة صرخت و اني صرت جوا الكشن والكشن مال السيارة انكلب فوكايه وصارت تتكلب لحد ماهدء الوضع اغمه عليه

وشويه وصحيت اشوف الشرطة والناس والاسعاف ملتمه علينه اني احس ايدي انشلت من الوجع متت  وجان اشوف منضر ماكدرت انسا شفت اهلي مدمايين والكزاز بنصهم واغمه عليه واني جوا الكشن

حسيت على نفسي بالمستشفى واكو شاب كاعد يمي
شهم...هاا حمدالله على سلامتج شلون صرتي
سلطانه...صرت ابجي واكول ويين بابا وماما وينهم هاا فدوا اريدهم

شهم...هسه اصيح للدكتور واشوف الوضع
راح وشويه اجه هو والدكتور
الدكتور...بابا شنو اسمج
....اسمي سرور
....باباتي اسمعيني اهلج توفوا بالحادث وبس انتي بقيتي عايشة صارلج 4 ايام نايمه وفاقدة الوعي بس انشالله باجر تتطلعين ويه اخوج
....بس اني ماع
.....اني اخوج شبيج
....سكتت وماحجيت

الدكتور...المهم تكدر همات بالليل تطلعها
شهم...مشكور دكتور

طلع الدكتور واجه شهم جان عمرة 20
...اسمعيني اهلج من اخذتهم الاسعاف جنتي جوا الكشن  واني جبتج ليهنا بس اريدج تكليلي على اقاربج وينهم علمود ارجعج عليهم

....اني ماعندي اقارب اهل امي اكراد ماعرف عنهم شي وعمامي بس مرتين شايفتهم بالمانسبات وبعدين اني ماريد اروح عليهم اريد اهلي