قناعة ثم ابتسامة..لاتحتاج الحياة اكثر من ذلك!!
#سلطانة شهم
البارت 8
لــ فاطـمةُ الــسلام
سلطانة...حسيت بالليل ماعرف شوكت شفت اسراء نايمة ومتكشفة احس نفسي صرت احسن كمت وغطيتها باوعت للساعة ب1 وربع حييييل شكد نايمة وجوعانه
اتذكرت نور ماعرف شوكت راحت ...دخلت للحمام بدلت جان احس بدوخة ووكعت ع الكاع دنكت راسي بالحمام جان اشوف دم يطلع من حلكي بقيت صافنه كلبي كام يدك على السريع من الخوف...
رحت للمغسله وغسلته انكطع بس احس عيوني يردن ينفجرن...
طلعت من الغرفة توجهت للمطبخ اسوي اكل وافكر شنو هذا الدم معقوله من شفتي خاف مجروحه او متعورة لالا اكيد مجروحة بحلكي وبدون مادري...
_______________
نور...صعدنه اني واسراء شفنه سلطانة نايمة جوا عيونها سواد ومبين عليها التعب خفت عليها كلش مو بس صديقتي اختي همات...نزلت اسراء تحضر بالعشا واني شفت على الميز مكياج مال سلطانه...
والله واجه بوقته اني اعلمك استاذ صلاح اريد اشوف على منو تمشي كلامك..اخذت كحلة وحطيت مسكارة وحمرة خدود ومرطب وردي..ورخيت الشال..نزلت شفت الشيخ واخوهم الجبير سامر كاعد سلمت على الشيخ...السلام عليكم
الشيخ باسم+سامر..وعليكم السلام
نور...شلونك شيخ شلون صحتك
الشيخ باسم...بخير بنتي وانتي شلونج
نور...الحمدالله..
الشيخ باسم...طبعا اني ممنون منج لان اعتنيتي بسلطانه اثناء غياينه مشكورة بنتي
نور...تدلل شيخ هيه كم سلطانه عدنه هيه مو بس صديقتي اختي والقران اروحلها فدوا
سامر...والنعم منج خيتي ماتقصرين
نور...والنعم منكم ومن اصلكم
الشيخ باسم...بارك الله بيج بنتي
....
اثار...تعالي نويرة هنا يمنه بالمطبخ
نور...من رخصتكم اروح يم البنات عن اذنك شيخ
.....مرخوصه براحتج
اسراء...نورة حبيبتي انطيني هذا الماعون
نور...تفضلي حبيبي...صدوك اثار شوكت تتزوجين انتي وعماد
اثار...والله ع اساس بعطله الصيف انشالله
سمر...نور اني سمر زوجت سامر تعرفيني مو
نور.. اي اعرفج بس ماشايفتج يعني هلا بيج اتشرفت
سمر...يكلبي اني الي الشرف
ام فهد...يله بنات استعجلن الولد يردون يطلعون
....حاضر
....نور..ضلت سمر تسأل عليه وعن اهلي ودراستي وهيج شغلات اخير شي طكتها وكالت
سمر...هاهيه والله قررت
....شنو قررتي
سمر...قررت نور لأخويه حازم
نور...جنت اشرب مي من كالت لاخوية غصيت وكحيت بقيت اتكحكح..
....شجاج يمعودة
حسيت ايد اطبطب على ضهري بخفة باوعت ليورا واشوفه صلاح مخنزر عليه جان يكول...على كيفج يابه انتبهي لاتغصين مرة ثانيه
نور..هزيت راسي بس اني ميته خجل ضعت بهدومي طلع من المطبخ يووو هسه شجابك هنا
....ههههه خرب بيومج شلون موقف
نور...وسم وزحير وولج اسكتي يبوو شكد فشلةة هسة وكتك ...حطينة السفر استحيت منهم كلش لان غربة وكذا كعدت بين اسراء واثار وصلاح مقابيلي...
كل شوية يخزرني كلت هاهية اذا مااترزل ماارتاح اففف ليش يريد يتحكم بيه...كضيتها اكل بس زلاطة من الخوف شكلة عصبي هواي...كل شوي يكوم واحد...اخذنه المواعين وحضرنه الجاي كعدت بصف ام فهد اسولف وياها جان يجي حسين ابن سامر يمه فدوا ابيض ومربرب يخبل والشعر سرح
...اخذته كعدته على رجلي وابوس بي يمه فدوا شنو اسمك حبيبي
...اسمي حسين..وباسها بخدها
نور...اروح فدوة لهلحلك بسته وعضيته هو يضحك عيني راحت على صلاح يمممةة..العيون حمر ياالله شمسويه اصلا بعد ماالتفت للبيت من ورا
اسراء...تعالي نور نشوف سلطانة اذا محتاحة شي
نور...ماشي تركتهم كاعدين وصعدنه للغرفة شفناها بسابع نومة..
اسراء.. اكلج اني وفهد متواعدين بالغرفة مالته يعني نريد نسولف
نور...اي اي عبريهن على غيري تسولفين العينتيين مو😏
اسراء..وهيه تحط عطر وترتب بنفسها...انجبي شتردين تعتبريها اعتبريها المهم بس شويه ابقي يم بداية الدرج من يجي احد دكي الباب ودخلي للغرفه بسرعه اوك
أنت تقرأ
سلطـانة شهم
قصص عامةطفلة تفقد اهلها منذ الطفوله ..لينقذها احد شيوخ الجنوب...لديه قلب قاسي وشكل بارد وعصبي بنفس الوقت...او ماشافها سماها سلطانة لانها اصبحت سلطانته...سلطانة شهم
