سلطـانة شهم

بارت قصير

#سلطانة شهم
بارت قصير
لــ فاطـمةُ الــسلام

أي سرّ يعتري شوقي إليك..
إنّ شوقي حائر في مقلتيك..
______________________
هلاوو
___________________

سلطانة...كيااااااااان ركضت عليه كياان كياان حاجيني كياان لاتغمض عيونك كياان فدوة احجي وياي لا لااا وبدن دموعي ينزلن مثل الشلال

عمر... ماما شبي بابا ليش نايم بنص الشارع
سلطانة... كياااااان كووووم الله يخليك كووم ابنك يعاتب ويكول ليش نايم بالشارع كووم حباب اروحللك فدووة كووم لاتعوفني وحدي اني وابنك منو النه جان اسمع صوت مو غريب عليه لا مستحيل هو ااااخ كلبي انفتحت جروحك من جديد مجرد انو سمعت صووته يكول ابتعدوو

شهم... طلعت من البيت عندي قضية لازم احلها صعدت بالسيارة نص الطريق ووكفت اكيد حادث ردت انزلن جان اتدكر حادث سلطاتة ببغداد وشلون جبتها هسه خايف هم الكه طفله واخذها نزلت جان اشوف الناس ملتميين عليهم ماشوف بس ضهر البنيه وتصيح كيان كلبي نغزني صحت ابتعدووو باوعت ااااه هاي انتي يبنت كلبي انصدمت صدمه عمري شسوي هنا ومنو هذا لحضات بقيت صافن عليها

سلطانة... لا لاا مو شهم هذا اكيد يشبها حطيت راسي على راس كيان وابجي منو اليه من بعدك لاتعوفني حبيبي انت

شهم... انعاد شريط جزء من حياتي احله جزء الي سلطانة موجودة بي واني اشوف ضحكتها وسوالفها وعركاتها شفت طفل اجه اتقدم عليه ويبجي

عمر... عموو عمو اخذ بابا للمستشفى حباب
شهم... عيوني صارت بكصتي شنو بابا بس لا ابنهم والله اشرب من دمهم رحت اخذته وصعدته بالسيارة

سلطانة... اجه شهم بدون كلام شكله مايكصه السيف من العصبيه مو مهم بالنسبه اليه كل عقلي هو كيان اخذه وصعدة بالسيارة ورحنه للمستشفى
عمر... ماما بابا راح يموت ويعوفنه

سلطانة... لا حبيبي بابا مايتركنه مثل باقي الناس
شهم... يصير خير يسلطانة اني لكيتج بعد شلون تفلتين مني اريد افتهم سالفتج كلها بس خلي نوصل

سلطانة... نزلنه واخذوو لغرفه العمليات واني كعدت بالكاع ابجي واشهك اجه شهم يريد يكومني وخررر ديربالك تتقرب مني

شهم.. صوتج مايعلة خلينه نشوف تالي الكوا.. الي وياج وحسابج بعدين احجي وصاك سنوني

سلطانة... كعدت وادعي ربي مايصيرله اي شي هذا رجلي وابو بيتي وابني ما الي احد غيرة وما اكدر افاركة لا مستحيل يتركني شوية نزلت راسي واشهك اشوف ملابسي متروسه دم دزت بالبجي بعد فترة طلع الدكتور منزل راسة رحت ركض عليه

دكتور فدوة كيان بي شي زوجي بي شي حباب احجي وطمن كلبي
الدكتور... الله يصبرج بنتي بس نسبة بقاءة على قيد الحياة 2 % وما اعتقد يعيش لان نزف ونبضة كلش ضعيف
سلطانة... لا دكتور خلي اشوفه
الدكتور... بس انتي ادخلي