#سلطانة شهم
البارت_10
بقلمي__ إيـفُـلَيـن
انا بيه حزن يترس فطور الكاع..
والعيون نواعير تصير من تدمع..
وبيه بالكلب شوف شكثر ونات..
يذوب الصخر كونه بونتي يسمع..
لاتغرك ضحكتي من اضحك وياك..
الجمر محروك وكبالك يظل يلمع..
شهم...شنو هذا الي بيدج
سلطانة...يمه جفلتني شبيك طالع هيج عبالك حرامي بنصاص الليالي
شهم..اتقدم اكثر..مو قصدي اخوفج بس شنو هاي الحبوب الي تاخذينها
سلطانة..اتوترت نسيتهن بيدي هسة شكول..ءءههاي ففيتامينات فيتامينات ومقويات لان عندي فقر دم اييي فقر دم
شهم..ببرود..وليش هيج متوترة عبالك راح اكطع راسج
سلطانة...اقترب مني اكثر احس كلبي يريد يطلع من مكانه..ها لا بس لان فزيت قبل شوية
شهم...اقتربت بعد اكثر وهيه تبتعد...منو هذا الي اليوم اخذج للمستشفى
سلطانة..اتوترت اكثر من قربه مني مااعرف ليش من يتقرب كلبي يدك على السريع وكأنو العالم كله يسمع دكاته...ماعرف منو هو ضابط شافني مغمة علية وماصحيت واخذني
شهم...وباوع على عيونج
سلطانة...شتحجي شهم شنو قصدك
شهم...مااريد اي احد يباوع بعيونج
سلطانة...ليش
شهم...لان هذني العيون محد يتمعن بيهن غيري فتهمتي
سلطانة...شهم تصبح على خير..ومشيت من يمه لان كلامة وترني زيادة جان يجر ايدي وحضني بكل قوته
شهم...ليش ماتفتهمين شنو حاطة هنا..وهو يأشر على دماغها..هذا عقل لو شنو شوكت تفتهمين علي
سلطانة...ءءءااششهم ووخر عني حباب
شهم...ابتعد وكال...لحد هسة زعلانه مني
سلطانة...مثلت الزعل وبرطمت..ايي زعلانه ويله صالحني
شهم...قربت وجهي من وجهه ولزمتة بين ايديه واخذت شفايفها بنص شفايفي
سلطانة...فتحت عيوني على وسعهم بقيت متصنمه مانطيج اي ردة فعل جانت بوسته حنينة ودافية مااعرف بوقتها حته مامنعته وخر عني واني ما اباوع عليه..
شهم...ديري بالج على نفسج اني راح اروح للبيت اتأخرت محد يعرف بية باقي هنا
سلطانة...راح شهم وتركني بصدمتي ابتسمت وضحكت شنو هالشعور اااخ كلبي يدك بسرعة لا مستحيل ما اريد افكر بي..صعدت للغرفة خلي اشوف كيان شعندة من برامج طلع عندة واتساب
سديت الموبايل وتمددت وبقيت افكر بشهم يوو شلون هسة اخر شي دزيت مرحبا لكيان
ورا دقايق ورد مراحب منو
اني سلطانة اسفة اذا ازعجتك بهيج وقت...وثول طبعا ازعاج شهالغباء
هلا بيج شلونج شلون صرتي
..هسة احسن
اخذتي علاجج مو
..اي طبعا قبل شوية اخذته
ماشي اي شي تحتاجينه اتصلي بيه اني اخوج وصديقج اوك
..تسلم ماتقصر يله تصبح على خير
وانتي بالف خير
...سديت الموبايل ورجعت نمت حسيت على اسراء تكعدني للمدرسة اول ماصحيت اجه على بالي شهم والي سوا البارحه..
نفضت الافكار من راسي وبدلت على السريع دخلت للمطبخ لكيت اثار تحضر بالريوك
سلطانة...صباح الخير
آثار...صباح النور شلونج اليوم
سلطانة...الحمدالله احسن اليوم ترحين لبغداد
آثار...اي وها اجه التكسي يله اني جاهزة راح اروح
سلطانة...حضنتها..بيبااي راح اشتاقلج
اثار...مو بكدي يروحي سلميلي على اهلي مالحكت اسلم عليهم
سلطانة...يوصل...راحت آثار حسيت على ضربة براسي التفت ولكيته فهد مبتسملي
فهد...شلون صرتي
سلطانة...زينة متشوفني راح اداوم يله جهز نفسك بسرعة علمود نتريك سوا
فهد...ماشي ..اسراء فوك
سلطانة...اي تبدل
فهد...ادري صدرية لو بدله غير تنزل..حجه وهو يطلع من المطبخ
سلطانة...تريكنه على السريع واتأخرنه كالعادة وصلنه للمدرسة شفت نور من بعيد تركض ..وصلت وحضنتني وتبجي
نور..حمدالله على السلامة يروحي شبيج
سلطانة...ردت ابجي بس سيطرت على نفسي..الله يسلمج يكلبي مابيه شي بس مجرد دوخة
نور...ومنو اخذج للمستشفى سمعت البنات يكولن اجه رجال شالها واخذها
اسراء...اهاا صدك ولج اني هم نسيت تعالي سولفيلي منو هذا شكد عمرة حلو لا
سلطانة...على كيفجن شبيجن اكلتني تعالن احجيلجن
...نسمعج
...هذا الضابط كيان
نور..هلو هلوو العب انوب ضابط
سلطانة..ووجع خلي اكمل شافني مددة على الطريق والبنات يصحني ما اصحة وجانت سيارته قريبة فشالني واخذني للطوارئ وهاي كوول السالفه
اسراء...زين حلو لو لا
سلطانة...واني شدخلني يوو عاد خلي اكوم..وتركتهن ايدردمن ومشيت لداخل الصف لان ادري بيهن مايسكتن
أنت تقرأ
سلطـانة شهم
قصص عامةطفلة تفقد اهلها منذ الطفوله ..لينقذها احد شيوخ الجنوب...لديه قلب قاسي وشكل بارد وعصبي بنفس الوقت...او ماشافها سماها سلطانة لانها اصبحت سلطانته...سلطانة شهم
