سلطـانة شهم

بارت قصير

#سلطانة شهم
بارت قصير
لــ فاطـمةُ الــسلام

تعال لخاطر الله وخليني ارتاح..
من زمان ما شافتك عيني..

ولك هم تشتاقلي بالغربه مرات..
لو ناسي الذي بينك وبيني..

لو تدري الدمع ما فارق العين..
ولا قلبي بغيابك مل ونيني..
_______________________
...ملاحضةة..بارت قصير لعيون المتفاعلين..

سلطانة...من الخوف غمضت عيوني حسيت على ضربة براسي وبعدها اغمه عليه..
كعدت على ضوة الشمس الي بعيوني كل عقلي اني بالبيت جان اكول اسراء وينج...باوعت ماكو انتبهت للغرفه جبيرة وديكور تركي وفخمة كلبي كام يدك على السريع كمت من الفراش راسي يأذيني مديت ايدي جان اشوفه ملفوف كمت على كيف..

انتبهت ملابسي متغريات هاي شنو راح اتخبل منو مسوي هيج نزلن ادموعي وكعدت بالكاع رجليه مايحملني بعد الخوف متسرب لكل جسمي اني وين جنت وين صرت ليش هيج ياشهم مو تحبني انت ليش تخليت عني وحاولت تعتدي عليه...

دخلت للحمام شفت بي شغلات رجالية انتهيت من الخوف يعني شعور صعب كوم افكار شيطانية اجتي ببالي غسلت وجهي انتبهت اكو اثار مال ضرب رأسا نزلن دموعي بس مسحتهم طلعت لبست حجابي وكلت لازم اطلع من هنا ما اعرف شنو هالبيت والمن طلعت من الغرفة هاي شقة مو بيت اوف بيه طلعت واني اعصر بأديه خاف يطلعلي احد...
سمعت صوت وراية يكول...هاي وين رايحةة
سلطانة...شهكت وطفرت يمة
كيان...اسم الله شبيج
سلطانة...شفت كيان لابس الزي العسكري مالته وجاي من برا...كيان ءءااني منو جابني هنا
كيان...اول شي اهدي ولازم اكلج شصار
سلطانة...كيان هاي الشقة المن
كيان...اليه
سلطانة...بس شلون لكيتني
كيان...شوفي البارحه جنت انتضرج لحد الساعه بالوحدة أيست ورجعت بس كلت خلي ابقه لل2 واذا ما اجت يعني ماكدرت رجعت جان اشوف من بعيد 3 شباب وراح واحد ضربج على راسج ووكعتي
اني الدم ثار بعيوني ركضت عليهم طلعو حرامية يخطفون ويطلبون فدية
سلطانة...هه ومن منو يطلبون فديه من اهلي الي تبرو مني اي كمل
كيان...وكفت مقابيلهم طلعو سجاجين طلعت مسدسي وتراجعو كلتلهم ماتتحركون اخذتج وحطيتج بالسيارة وهمه خابرت صديقي ضابط اخذهم واني جبتج للشقه ضمدت راسج وبقيتج نايمه
سلطانة...كيان ما اعرف شنو اكللك والله انت رغم مصارلي هواي اعرفك بس وثقت بيك واتمنه ماتخيب ثقتي
كيان...كتلج اني ماعندي لا اخ ولا اخت لذلك ساعدتج وماراح اتخله عنج
سلطانة...فرحت واتشكرته
كيان...اقتصدي بالشكر احسلج
سلطانه...هههه... واتذكرت الملابس فتحت عيوني على وسعهم ووجهي صار طمامه كل ضني هو الي مبدلي ملابسي
كيان...شو رفعي راسج شبيج
سلطانة...كيان الملابس
كيان...هاا ءءشبيهم حلوات
سلطانة...كيان منو بدلي الملابس
كيان..توترت خرب هسه تفكر غير شي..ءءهاي جارتي شقتها قريبه طلبت منها وبدلتلج
سلطانة...تركته ومشيت سمعته يضحك وراي رحت تمددت على الفراش واذكر كلشي حلوو شويه واندكت الباب
كيان...سلطانة تعالي تغدي يله بسرعة
سلطانة...اي جاية كمت طلعت شفته جايب مقبلات ولفات همبركر وبيتزا وكولا...ليش تعبت نفسك
كيان...غير انتي تعبتيني
سلطانة...هاا لعد ما اريد كمت جان يجرني من ايدي كعدت بس صارت كعدتي غلط ووكعت على رجله
ااخ راسي
كيان...اسف اسف يمعودةة يله صيري حبابه وتعالي اكلي..
سلطانة...كعدنه ناكل ماكملت شويه وكمت رحت غسلت ويه الغسول اشوف دم يطلع شوية من حلكي
تعودت ومابجيت مسحته وكلت خلي اصير قويه ولو مرة بحياتي وكافي ضعف وبجي التفتت جان اشوف كيان صافن وراي ومكتف ايدينه
كيان...سلطانة اسألج سؤال
سلطانة...اتفضل
كيان...اذا هسة اهلج عرفو بمرضج ترجعين لو لا
سلطانة...همه اتبرو مني حتلو عرفو اكيد ماراح يطلبون مني ارجع ولو طلبو ارجع ما ارجع لان ما انطوني فرصة احجيلهم ولا سألوني ولا استفسرو مني

كيان...ماشي سوي الي تشوفينه
سلطانة...كيان شنو اسوي بسالفه المرض
كيان...بالليل تعرفين شنو نتصرف
سلطانة...طيب اهلك يعرفون لو لا
كيان...اهلي مايعرفون شي وماراح اكللهم ما اعتقد يتقبلون هاي الفكره لازم اروح البيت بيتج اتصرفي على راحتج
سلطانة...وين رايح والله اخاف..جنت احتمي باهلي وهسه اخاف منهم واحتمي بشخص غريب ماصارلي كم يوم من عرفته بس كلبي مطمأن من ناحيته

كيان...يمعودة شويه واجي لا تفتحين الباب ماشي.
سلطانة...ماشي..طلع كيان وقفلت الباب رحت صليت وبدلت ملابسي شديت شعري وكمت انضف بالبيت مسحته ورتبته دخلت لغرفته مابيها شي عزلتها تعزيل بسيط في سبيل يمشي الوقت شفت شاحنه موجودة رحت حطيت موبايلي على الشحن..

فتحته لكيت كوم مكالمات من شهم واسراء وفهد وحته صلاح وسامر ونور اوف ياربي ادك لو لا ادك لو لا...
ضليت افكر بحيرة جان اسمع صوت الباب يندك طفرت
...رحت رأسا فتحت الباب ماانتبهت جان تطلعلي مرة جبيره بالعمر ردت اسدة بوجها جان تدخل على السريع

ام كيان...ولج منو انتي وشسوين بشقة ابني
سلطانة...ءءكمت امتمت بالحجي ما اعرف شنو اجاوب جان اسمع صوت من برا يكون

...يمه هاي جنتج سلطانة تصير مرتي...
يتبع.....

Love You Everyone
بارت قصير تصبيرة لعيونكم الباررت الجاي بي الاحداث تشوي ويله دللوني علمود ادللكم😁😁
وحدة بوحدة
احبكم