سلطـانة شهم

Part 15

#سلطانة شهم
البارت_15
لــ فاطـمةُ الــسلام

شلون تريد أعيش إني بلياك..
وإني أشتاقلك من إنت موجود..

من تبتع أظل لصبح ما أنام..
وإذا ما تصدك نجوم السما شهود..

أموت إني بغيابك لمن تروح..
لن حبك بكلبي ماله حدود..
___________________________
كيان...بعد ماطلعت من الشقة طلبت من صديقي كلشي عن شهم الي مخبلهه لسلطانة جابلي معلومات هواي ومن ضمنهن رقمة اصلت بي
..الوو السلام عليكم حضرتك الشيخ شهم لو اني غلطان
..وعليكم السلام اي اني اتفضل منو وياي
..وياك شخص عنده معلومات عن بنتكم سلطانة
..شنووو شتحجي انت ومنو انت اصلا
..شيخ لو يهمك الامر تعال نلتقي ب...
...ماشي جايك
كيان...سديت الخط واله اعيشكم بندم وماترجعلكم سلطانة ضلموتها وانتم اهلها هينه
رحت للمكان المتفقين عليه شفته من بعيد لوحتله بيدي اجه طاير وعيونه صارن بكصته
شهم...اجيت لزمته من ياخته لك سافل احجي وينه
كيان..بهدوء وخرت ايده مو كلشي ينحل بعصبيه
شهم...اسمع لك مالي خلكك وماعندي وقت فأحجي احسلك
كيان...كلتلك العصبيه ماتفيدك ودائما تخسركم اشياء ثمينه وبسبب عصبيتكم يا استاذ شهم خسرتو سلطانة
شهم...بصياح..لاتكلي عصبيه ومااعرف شنو اني مشلوع كلبي من عروكه وانت جاي تحجي بكل برود
كيان..بعصبيه...تدري ليش احجي وياك ببرود لان سلطانة بأماتني افتهمت
شهم...لزمته من قميصة اذا ماتحجي وين مكانها صدكني راح تشوف شي ميعجبك
كيان...تقصد تهدد
شهم...شتريد تعتبرة اعتبره وهسه كلي وين سلطانة
كيان...اني اضحك على غبائها حاولت ماتعيشكم بجو حزين وضمت عليكم اكثر شي خطر بحياتها وتالي من تشوفها ويه احد بدون ماتسأل ولا تستفسر منو هذا وشيسوي وياها مع الاسف عليكم انتم مو صالحين تكونوم اهل وخصوصا انت ماتستاهلها ولا تستاهل حبها

شهم...بقيت مصدوم من كلامه فرحت بشغله من عرفت هيه تحبني بس شنو السبب الي خلاها تطلع وياك
كيان...انت وين لكيتنا
شهم..بنفاذة صبر..بالمستشفى
كيان...والله حلو منتبه يعني بالمستشفى لا بمكان خاص ولا عام مافكرت ليش هيه بالمستشفى
شهم...احجي وخصلني
كيان...انت عديم المسؤوليه لان ماحافضتو على بنتكم سلطانة مريييضة بسرطان الدم افتهمت
شهم...فتحت عيوني على وسعهم من الصدمه الدم وصل لراسي عصرت ايدي بغضب وضربته على وجهه لك حقيير شلون تريدني اصدكك هاا

كيان...هذا اكبر دلييل على حبك الغير نقي لحضة لحضة كمت وشفت الموبايل يدك طلعت مساعدة الدكتور
كيان...شوف يشيخ راح افتح خط بس قسما بالله بعد ما افتح خط سلطانة ماكو ماشي...فتحت خط وسبيكر
الوو
...الوو السلام عليكم استاذ كيان
وعليكم السلام اتفضلي
...اني مساعدة الدكتور باقر انتم البارحة جان موعد اول جرعة كيمياويه للمريضة سلطانه باسم والتأخير مو من مصلحتها
اني اسف هواي صار عدنه ضرف طارئ انشاءالله نلتزم بالمواعيد
...استاذ كيان الموضوع خطير رجاءا التزمو بالتعليمات
حاضر ...سديت الخط وباوعتله
ها شيخ شهم شرأيك
شهم...احس نفسي انكطع احس الهوا كوه اخذه حطيت ايدي على صدري واحاول اتنفس اني شسويت شحجيت خربت كلشي ايي كسرتها من ماسمعت منها صرخت لايااااارببيييييي جانت عايشة يضيم واحنه شسوينه اني الشيخ شهم الي الكل تكول كلبه قاسي دمعن عيوني حجيت...كيان بداعت كل عزيز اخذني عليها