#سلطانة شهم
البارت_18
لــ فاطـمةُ الــسلام
عيناك بحر وللسفان مرساه...
غدا لها الجفن دون الفجر يلقاه...
عيناك اغنيه اهدابها وتر ورمشها لحنه...
والقلب غناه...
________________
سلطانة...نمت على دموعي حسيت على شي رطب بوجهي كعدت الغرفة ضلمة كمت من السرير وشغلت الضوة رحت للمراية جان اشوف وجهي ملطخ بالدم ونازل على ركبتي من الخوف عطت حييل وبعدها ماحسيت..
كيان...نايم وفزيت على صرخة لحضة هذا صوت سلطانة كمزت على السريع دخلت للغرفه واشوف منضرها من صدك يخوف مددة بالكاع ووجهه بي دم ونازل من حلكها على ركبته وعيونها متروسه دموع ركضت وحطيت راسها بحضني واضرب على وجها
...سلطانة سلطانة يعمري كوومي لاتخوفيني عليج يربي ماتصحة..بسرعه اتصلت بصديقي دكتور خفر للطوارئ وكتله حضر غرفه الطوارئ
غسلت وجهها والشعر يومع بكميات مو طبيعيه انترست شعر حطيتها بالسيارة...واحجي ويها
سلطانة حبيبتي ماراح يصيرلج شي وعد مني راح تتعافين وتعيشين حياتج يكلبي انتي يتيمة اكيد تستحقين الحياة الافضل من هاي ونزلن دموعي..
مو هينه اشوف حبيبتي وكلبي وكلشي بحياتي على حافة الموت الرعب والخوف الي بداخلي مثل البركان الهايج وصلت بأقل من خمس دقايق شلتها لكيتهم محضرين السدية اخذوها للطوارئ ماقبلو ادخل وياهم اجه الدكتور..يعرفني لان ضابط
اسمعني دكتور لو صارلها شي صدكوني مايبقالكم مكان بالمستشفى
الدكتور...استاذ كيان اهدئ هسه نشوف وضعها وانشاالله خير
كيان...دخل الدكتور واني التوتر فوول اروح وارجع يمنه ويسرة ومحد طلع مرت فترا يله طلع الدكتور ومعصب
الدكتور...استاذ كيان المريضة حالتها بخطر والمرض ينتشر بسرعه خصوصا اذا جان عدها رغبه بهذا الشي فالدماغ ماراح يستقبل العلاج
كيان...اي شي اسوي بس كون تتعافى من هذا البلا دكتور ما اتحمل يصير بيها شي والله العضيم
الدكتور...اذا تبقه هنا بالعراق اعتقد تتبهذلون
كيان...لعد شلون
الدكتور...اني بأمانتي ومعرفتي اعرف دكتور شاطر بتركيا كل مرضا السرطان بهاي المرحله تعافو عندة وبشكل تام
كيان...وين بتركيا وشنو اسمه
الدكتور...دكتور آزاد بأسطنبول بوسط العاصمة اذا تريد ادزلك المكان بالضبط
كيان...مشكور دكتور احاول بأسرع وقت نسافر واعالجها
الدكتور...معافايه انشالله هسه نايمة من تصحه تكدر تاخذها واهم شي المعنويات علمود جسمها يستقبل العلاج بشكل احسن
كيان...انشالله دكتور...راح الدكتور ودخلت للغرفه مشكليلها مغذي ونص بطل دم وجهه اصفر كركم والشعر متناثر كعدت يمها ولزمت ايدها ودنكت
..سلطانتي وة اروحلج لا تعذبيني وتبتعدين عني والله ما اتحمل بعدج احجي وتنزل دموعي بغزارة
أنت تقرأ
سلطـانة شهم
قصص عامةطفلة تفقد اهلها منذ الطفوله ..لينقذها احد شيوخ الجنوب...لديه قلب قاسي وشكل بارد وعصبي بنفس الوقت...او ماشافها سماها سلطانة لانها اصبحت سلطانته...سلطانة شهم
