Pag pasok ni Rita sa sala ay nakita nya si Ken na nakaupo.
"Kanina ka pa dyan? Sorry natagalan ako." Sabi ni Rita habang nilalock ang main door nila.
Wala pa namang trenta minutos ng magusap sila sa phone kanina.
"Mabuti naman umuwi ka pa." pabalang na sabi ni Ken.
"Syempre bahay ko to eh." sagot naman ni Rita.
"Nagkita na ba kayo?" nanginginig ang kamao ni Ken ng tanungin nya si Rita.
"Ano na naman yan Ken!"
Naglakad naman na si Rita paakyat sa kwarto nya. Sumunod naman si Ken.
"Pag kinakausap kita, wag mo kong tatalikudan." sabay hatak sa braso ni Rita.
"Ken, wag ngayon pagod ako." sabi ni Rita habang nagpapalit ng damit. Nakatingin lang si Ken sa kanya habang nagpapalit ito.
"So, nagkita na nga kayo?"
"Ken!!!" sigaw ni Rita kay Ken.
"ANO?" halos mamula na si Ken sa galit.
"Pagod ako ngayon, bukas mo ko sigawan. Bukas mo ko awayin, pwede ba yun? Mag aalas kwatro na oh. MADALING ARAW KEN. Madaling araw lang naman!"
Lumapit naman si Ken kay Rita. Inamoy nito ang asawa.
"Anong ginagawa mo?" iritang tanong ni Rita.
"Inaamoy lang kita, malay ko ba kung may nangyari na naman sa inyo kaya iba na naman ang amoy mo."
Nakatikim na ng sampal si Ken. Isang malakas na sampal.
"ANONG AMOY? AMOY POKPOK? GANUN BA? PUTANGINA KEN. NAKAKAGIGIL KA!"
Sabay talikod ni Rita. Tinuloy nito ang pagpapalit ng damit.
"Sawang sawa na ko Ken. Sawang sawa na. Paulit ulit nalang tayo dito."
"Hahahahahaha. Kagabi lang gusto mong maayos to, tapos ngayon sawa kana?" sarkastikong sabi ni Ken.
Bigla namang tumunog ang phone ni Rita. Tiningnan sya ng masama ni Ken.
"Yes?" sabi ni Rita sa kabilang linya. Nakatitig lang si Ken sa kanya. Tila binabantayan ang mga sasabihin nito.
"Oo. Nakauwi na ko. Ok naman si Ken. Tulog na nga pagdating ko eh. Sige na, sige na. Magpapahinga na ko." sabay baba ni Rita ng phone.
"Ano!? Hindi ka pa ba tapos? Kailangan kong magpahinga. May recording pa ko bukas."
"Recording o schedule nyo bukas?" Talagang hindi pa din tumitigil si Ken sa paghihinala sa asawa.
Lumapit naman si Rita para sampalin ulit si Ken pero napigilan ito ni Ken.
"Galit ka?" Tanong ni Ken. Nakikita nyang tumutulo na ang luha ng asawa. Nanginginig si Rita sa galit.
"ALAM MO KEN HINDI NA KITA KILALA!"
"Ikaw din Rita, malayong malayo ka na sa Rita na nakilala ko. Lalo na nung nagawa mong makipag ano---" Hindi na natuloy ni Ken ang sasabihin dahil nasampal na naman sya ni Rita.
"ILANG.BESES.KO.BANG.SASABIHIN.SAYO.NA.WALANG.
NANGYARI.SAMIN?!!!" Nanlalaki na ang mata ni Rita.
"At sa tingin mo maniniwala ako sayo?"
"Edi putangina wag!!! Ganto gawin mo!!! UMALIS KA DITO, kahit ngayong gabi lang. Hayaan mo kong makapag impake. Hayaan mo kong makaalis. Tapos tsaka na natin pag usapan ang annulment pag nasa korte na tayo."
