Maaga kaming gumising ni Ken dahil maaga ang flight namin papuntang Zambales.
"May gusto ka ba? Bibili muna ko ng food. Baka nagugutom kana." tanong ni Ken sakin habang nagdadrive.
"Hindi, ok naman ako. Medyo antok lang ako."
"Sige na, umidlip ka na muna. Gisingin na lang kita."
Lumingon naman ako sa likod para kuhain ang maliit na unan. Napatingin naman ako sa damit ng babae na nakasampay sa likod.
"Kay Almira?" tanong ko.
"No. Kay mama yan." sabi nya habang nakatingin parin sa kalsada.
"Gaano na kayo katagal?" tanong ko. Para sakin ay wala namang mali sa tanong ko.
"2months." napatango naman ako sa sinabi nya.
Matagal na din pala kahit papano ang pinagsamahan nila.
"Maganda sya." nakangiting sabi ko sa kanya.
---
Pagdating nila sa Zambales ay hindi na mawala ang ngiti ni Rita. Tuwang tuwa sya sa simoy ng hangin. Bihira nga namang makaamoy sya ng hangin ng probinsya.
Dumiretso naman sila sa hotel na binook na ni Rita.
Isa lang ang kwarto na binook nya, at iisa lang ang kama. Ok na rin ito para di na sila maissue ni Ken.
---
"Ok lang ba na magkasama tayo?" tanong ko kay Ken.
"Oo naman. Asawa kita eh." nakangiting sagot nito. Umapir naman ako sa kanya. Ang galing talaga naming dalawa. Artista nga kami.
Pagpasok namin sa kwarto ay ibinagsak ko ang katawan ko sa kama.
"Maygad Ken, ang tagal kong di nagawa to."
"Alin ang humiga sa kama?" Sabay bato sakin ng tuwalya ng hotel.
"Hoy, grabe ka!!! Lumabas ka na nga don. Tsupi!" at tawang tawa lang sya sakin..
---
Pagkagising ko ay nagulat ako ng maramdamang nakayakap sakin si Ken. Nakatulog na pala kami. Mag gagabi na. Sayang oras. Imbes na nag gagala ako.
Nararamdaman ko sa batok ko ang hininga ni Ken. Mukhang ang sarap ng tulog nito.
Kinuha ko nalang ang phone ko saka nag scroll.
May mga fans na palang nakaka-alam na nandito kami ni Ken sa Zambales. Nakakatuwa talagang hanggang ngayon ay may mga taong walang sawang sumusuporta saming dalawa.
Bigla ko namang inopen ang Camera ko at nag selfie. Kitang kita na tulog si Ken sa likod ko at nakayakap ito sakin.
@missritadaniela
My husband sleeps a lot but I love it 💕
Wala pang sampung minuto ay madami ng nagco-comment at nag la-like sa post ko. Mga kaibigan, pamilya at fans namin. Mag asawang mag asawa kami sa Instagram.
"Hon?" narinig kong bulong ni Ken.
"Yes hon?" Nagulat naman ako ng tawagin kong hon si Ken. Ngayon ko na lang ulit sya natawag ng ganun.
"Gutom ka na ba? Sandali nalang ha? Inaantok pa ko eh." Hinarap naman nya ko sa kanya at humiga sa dibdib ko. Kinuha nya ang phone ko at inilagay sa lamesa.
"No phones please." bulong nya.
Napaka-clingy naman nitong si Ken. Nakakapanibago.
Nakaramdaman naman na ko ulit ng antok.
