عهد حياتي

البارت ٢٦

في الصعيد
******
مكالمة هاتفية لعزيزة

......: الو أيوة يا ست الناس فين إيراد كل سنة

عزيزة: جوزي مش هنا هبجي اديك لما يرجع.

. : لو مجبتيش المعلوم سركم المدفون هيطلع وهتندمي

يا اخي اجفل خاشمك هية ناجصة امشي من اهنه جبل ما حد يشوفك .

مااااشي أما اشوف اخرتها

كل ده تحت انظار ميييييين ؟؟؟؟؟

هبة 😁( طبعا بخالف توقعاتكم كل مرة )

هبة قربت من امها : في ايه يا ماما مين الراجل ده والفلوس اللي له عندك دي تطلع ايه

عزيزه بتوتر :ابدا يا بتي ما لهوش حاجه اه اه يا بنتي دي فلوس الجمعيه انت عارفه الظروف و ابوك مسافر لازم اقبض على بدري.

هبه بعد انقتناع: طيب يا ماما كنت عايزه استاذنك اطلع اروح لبسمله صاحبتي

ماشي بس ما تعوجيش

هبة بعد مبعدت بصت تاني علي امها اللي قاعده ع كرسي بتفكر : شكلك عاملة مصيبة يا ما بس علي مين هعرف يعني هعرف.

مشت هبة من البيت وهية يتألف حوالين منها عشان تعرف حد وراها ولا لا

لكن يصادف أن منار كانت برة البيت بشتري طلبات لمرات عمها زينة وشافتها

منار بإستغراب: ايه ده مالها هبة ماشية من ناحية الزراعة كدا ورايحة فين وعمالة تتلفت كدا شبه الحرمية كدا ليه

طبعا منار من غير تفكير قلقت علي اختها وقررت تروح وراها لأن طريق الزراعة محدش بيمشي فيه غير اللي نازل يشوف الزرع بتاعة أو يحصد منه أو يأكل الماشية بتاعته .

منار لفت الطرحة بتاعة العباية علي وشها وطلعت ورا اختها ومشت وراها وحدة وحدة عشان تعرف هية رايحة فين

بعد مشي عشر دقايق وقفت هبة فجأة لقت منار أنها وقفت قامت مستخبية جوة الزرع

هبة اتأكدت أن محدش شايفها قامت داخلة كوخ معمول من البوص والقش في وسط الارض والزرع حواليه

منار استنت شوية وبعدها فضلت تقرب منهم شوية بشوية لحد مسمعتش الكارثة.

هبة بتتخانق: يعني ايه انت ضحكت علية .

رامي بسخرية: والله يا حبيبتي محدش ضربك علي ايدك انتي حبتيني بمزاجك.

هبة : يعني أنا كدا ضعت انت عارف اني استحالة اتجوز حد تاني .

رامي بخبث: يبقي خلاص يا روحي خلينا زي ما احنا لكن جواز موعدكيش ويالا بقي عشان ورايا مشاوير.

هبة لسة هتتكلم سمعت شهقة جنبها ناحية الباب

لفت هبة رأسها ناحية الباب وكانت صدمتها وهية: مناااار