عهد حياتي

تكملة البارت ٣٨

في منزل جاسر
تحديدا في القبو الذي يحتجز به سعيد

سعيد بصراخ :طلعووووني من اهنه انا معملتش حاجة

ياعااااالم يا خلج محدش سمعني ولا ايه

فجأة دخل جاسر بهيبة ووقار
لطالما أرهب الجميع بهما واردف بهدوء: ليه الازعاج ده كله يا عم سعيد ده حتي محدش لمسك ولا داس ليك علي طرف

سعيدبخوف: عايز مني ايه

جاسر بهدوء: بحب ادخل في المفيد علي طول بص بقي يا سيدي هتبقي حلو معايا وتعترف باللي تعرفه بخصوص سبب جواز ابنك من عهد بنت النبرواي والمسلسل السخيف اللي عمله ابنك عشان يتجوزها ولا اوريك احنا بنرحب بالزوار الغير مرغوب فيهم ازاي

ها اختار انا شخص ديموقراطي ومبحبش اغصب حد.

بص سعيد ورا جاسر وشاف وفهد ومعاه اتنين تانين جاهزين للهجوم وافتراسه في اي لحظة.

ابتلع سعيد ريقة بخوف: ححاضر هقولك علي كل حاجة

جاسر : الله عليك يا عم سعيد انا بحب الناس اللي متتعبنيش اتفضل قول انا كلي آذان صاغية

سعيد بدأ يحكي لي سبب جواز امجد من عهد

جاسر بزهول : يا ولاد ال*** دي عصابة بقي وابنك يعرف أن عهد مش بنت عامر وساكت وعشان كدا كنتم عايزين تجوزوها ليه

اهو تضمن حق ابوها الميت في جيبك ومنها عماد ميعرفش حاجة ولا انا اقدر اعرف انكم قتلتم ابويا صححححح

ارتعد جسد سعيد من صوت جاسر الغاصب: انا مليش دعوة يا بيه ده واحد هوة اللي بيدينا الأوامر.

جاسر وقد طفح به الكيل وأمسك سعيد من تلابيب قميصه: مين الراجل ده.

سعيد بخوف: انا مليش صالح أسأل فتحي ابن النبرواي هو اللي يعرف لأن هو اللي اخد البت وسلمها لأخوه علي انها بنته .

جاسر : وايه تاني

سعيد : والله يا باشا ده اللي اعرفه بس هتلاجي كل اللي انت عايزه عند فتحي .

ترك جاسر سعيد بعنف ونده فهد
: ففففهد

امرك يا باشا

عايز حفلة شاي تتعمل علي اكمل وجه عايزين نرحب بالضيوف ومتنساش الكيك يا فهد هااا

فهد نظر لسعيد بخبث: كيك بس ده انت هتشوف تورتة سبع ادوار.

أيوة كدا أنا ماشي اوعي يفلت منك

متقلقش يا باشا .

طلع جاسر من عند سعيد وفضل يتمشى في الحديقة الأمامية إلا أنه لاحظ عهد من بعيد قاعدة علي حافة البسين وسرحانة في الماية

جاسر وفق بتأمل وحب فيها وفي نفسه: اد ايه يا عهد انتي شبه الحوريات وجميلة في كل حاجة