عهد حياتي

البارت السابع عشر

في منزل نور
********
طرقات علي باب المنزل تعلمها سهى جيدا فهرعت لكي تفتح الباب

عزت نورت تعالى حمد لله على السلامه

وحشتوني يا سهى الكام يوم دول

وانت كمان والله

امال البنات فين

اللي في المدرسة واللي في كليتها هيروحوا فين يعني.

اه صح نسيت الواحد بقت دماغه مكربسة ع الآخر.

ربنا يكون في عونك يا حبيبي روح يالا غير هدومك علي ما احضر الفطار واجيلك.

امسك عزت يد زوجته ( متتعيش نفسك يا حبيبتي انا اكلت في الطريق)

ابدا والله ما هطمن الا أما تاكل قدام عنيا واعرف انك شبعت انا هتوه عنك.

عزت بحب : ههههههههه انتي مشكلة يا سهى حتي بعد العمر ده مهتمه بأكلي .

ان ما كنتش اهتم بيك بس ههتم بمين ده انت حبيبي وجوزي وتاج راسي ويالا بقي عشان الحق احضرلك تاكل .

ذهبت سهى لتحضير طعام زوجها وذهب هو لتبديل ملابس وهاتف جاسر علي أنه سيأتي مساءا الي عهد ليروا معا ماذا سيفعلوا؟؟

في جامعة نور
*******""""
قبل دخول المعمل لنور وندي

ندي : ياغبائك يا ندي نسيت البالطووووو هتنفخ .

نور بمحاولة لكتم ضحكتها: اي اللي واخد عقلك ياختي و منسيكي الباطلو هو ده بيتنسي .

ندي مصطنة البكاء: كان في مسلسل حلو امبارح تركي ،كنت بتفرج عاليه ،ونسيت احضره زي كل يوم .

نور بتشفي: احسن ادي اخرت المسلسلات ابقي خليها تنفعك لما الدكتور ميدخلكيش.

ندي بغيظ : انتي فرحانة فية يا نور .

نور : ابدا يا روحي و ده معقول .

بدأ الجروب الخاص بعهد ونور يتجمعوا عشان المعمل وبعدها جه الدكتور ودخل وكل ده ونور وندي برة المعمل مش عارفين يعملوا ايه في البالطو اللي اتنسي ده .

جه الدكتور وقف قدامهم : ايه مش شايفين أن دخلت هتفضلوا عندكم كتير .

ندي بتوتر: ااابدا يا دكتور بس أصل انا نسيت البالطو بتاعي ...

الدكتور مقاطعة: طب خليكي بقي عندك لما تبقي تجيبي البالطوا ( ثم التفت إلي نور ) وانتي يا آنسة معاها ولا داخلة.

نور بتوتر ولا تعرف ماذا تفعل: ااابدا يادكتور اااص...

ندي مقاطعة : ادخلي يا نور انتي يالا انا هقف هنا وامري الا الله.

نور : بس..

من غير بس يالا ادخلي.

وفعلا دخلت نور المعمل في محاولات منها للتركيز ولكن يأتي شاب لاول مرة تلاحظه وهو ينظر إليها بتمعن إلي أن وقعت عيناها عليه فأبتسم .