عهد حياتي

البارت السادس عشر

تاني يوم في الشركة تحديدا مكتب جاسر
*************
يجلس جاسر علي المكتب مرتديا بدلته السوداء واضعا مرفقه علي المكتب ويستند بذقنه علي ظهر كفه وهو شاردا , متذكرا تلك الصغيرة بمنزله حين استيقظ وجدها بالمطبخ ترتشف الحليب ليردف : ايه مصحيكي بدري يا عهد .

عهد بعد أن انتبهت إليه : ابدا مجرد تعود انت عارف الصعيد والأرياف عموما بنصحي من ٦ الصبح غير المدينة عندكم خالص.

جاسر وقد جلس علي طاوله المطبخ : امممم ماشي يا ستي طب تسمحيلي أفطر معاكي .

عهد بخجل: احم ده بيت حضرتك انتفضل.

جاسر بإبتسامة واستمتاع: انا شايف هنا وليمة .

عهد : لا وليمة ولا حاجة اتفضل يارب يعجبك.

جاسر بإبتسامة: انتي اللي عملاه.

عهد بخجل: اه مردتش اخلي حد يتعب معايا وخصوصا أن صحيت بدري.

جاسر : بس الخدم هنا بيصحوا مع ميعاد شغلي خصوصا عم محمد الطباخ ف كونتي سبتيه يعملك فطار بدل التعب.

عهد بإبتسامة: ههههههههه تعب من فطار أمال لو تعرف بنعمل ايه اول ما بنصحي عندنا .

جاسر بإنتباه: قوليلي يا ستي بتعملوا ايه.

عهد ؛ بصراحة مش انا اللي بعمل لأن بكون في المدرسة أما ماما  بتصحي معايا وبعد كدا تحضر الفطار وبعدها تأكل المواشي و الطيور اللي مربينها  وتروح لبيت جدو تعمل اكل معاهم وبعدها تاخد اكل لبابا في ألغيت ده بالإضافة انها سعات بتروح هية تعمل كل حاجة في الغيت وبابا يبقي وراه مشاوير تانية وبعد اما تيجي بتحضر الغدا لية واكون جيت من المدرسة ومتكملش حاجة تلاقيها بتعمل العشا وتشوف البيت ناقصه ايه  و ووو حاجات كتييييير.

جاسر بضحك : ههههههههه كل ده بيحصل ده احنا علي كدا هنا متدلعين خالص بس تعرفي الفطار طعمه تحفه تسلم ايدك .

عهد بخجل : دي حاجة بسيطة الله يسلمك .

جاسر وقد قام من مجلسه : عن اذنك انا بقي عشان الشغل.

عهد : اتفضل طبعا .

أومأ لها جاسر وكاد أن يذهب لكن تذكر شئ : عهد طبعا البيت بيتك وتصرفي فيه براحتك بس خلي بالك من مازن الميس بتاعته هتيجي تديله اللي فاته وقت السفر.

عهد بإبتسامة: متقلقش في عنية اطمن.

جاسر بتكملة : وصح عمك كلمني وهيجي بليل هكون موجود أن شاء الله يالا سلام انا .

عهد ':في امان الله مع السلامة .

جلست عهد شاردة في طيف هذا الوسيم كم كان رائع بتلك البدلة السوداء .

أما في المكتب افاق جاسر من شروده في تلك الصغيرة علي صوت قدره المزعج

اهلا فينك يا راجل ده انا كنت مستنيك قولت مش معقول الشركة هادية النهاردة وايه اللي جابك مع عماد .