جننت بيك 🔥 ( روايات ليبية )

حلقة 1🔥

جننت بك1
بقلم.. القطة الشريرة
أنا سمر مواليد 95أمي تبرت مني لأن بابا تزوج عليها وأنا وقفت معاه عندي أخت مواليد97 وثلاتة ولاد أكبر مني
حاليآ عايشة ف المدينة
مرات بابا فاطمة نوضي ياسمر عندك عمل تأخرتي
أني هيا نايضة
دوشت وغيرت ملابسي وكنت محجبة ولبسي كله عبايات
نزلت صبحت ع بابا وفطرت ورفعني للعمل طبعآ نشتغل مساعدة دكتور ممرضة يعني
أنا صباح الخير دكتور أحمد
دكتور أحمد صباح النور دخلي أول حالة
انا رقم واحد وين يتفضل
قعدت لأخر الدوام ونديت ع أخر حالة
كان شاب طويل قمحي لحيته سودة ومرسومة وعليه عيون يقتلو
الدكتور أسمك وعمرك
الشاب أسمي علي محمد عمري 24سنة من ندي يعني
الدكتور من شن تشكي
علي نشكي من ضيق ف النفس ونحس بوجع ف صدري والنوم مانشوفش فيه
الدكتوركشف عليه ياعلي كل شي عندك تمام وطبيعي والى تحس فيه من التفكير هلبة والقلق والتوتر
كان واضح عليه الهم وعيونه دبلنات من قلة النوم
انا فى شي جدبني ليه مانعرفش شن هوا
أني يادكتور نستأدنك شوي
دكتور احمد تقدري تتفضلي اصلآ الدوام تم
أنا علي
علي تلفت بإستغراب نعم
انا خاناتك ولاسيباتك
علي من تقصدي
أنا الى وصلاتك للحالة هدي
علي وأنتى شن دراك
أنا لأني مريت بنفس حالتك وحاسة بيك
علي أختى أنا إنسان عندي ماندير ومانحبش نوقف مع بنات لأني نخاف ربي
أنا وجعني كلامه وف خاطري الحق مش فيك إبتسمت باهي ممكن نقعدو مع بعض5دقايق
علي إنتي شن تبي منى الواضح من لبسك محترمة لو مش هكي راهو عرفت كيف نتعامل معاك
أنا نبي نساعدك ياعلي
علي بإنفعال ليش فهميني
انا لأني فاهمة أنت شن قاعد تحس هيا مش دحنسة لكن كنت نقدر نساعده
علي يابنت الناس بارك الله فيك ومشى وسيبني
أنا تنرفزت وبصوت عالي مغرور
علي سمعني وتبسم
نعطيكم موصفاتي متوسطة الطول ومربربة عيوني كباروسود لكن متوسطة الجمال مش نانسي ولاهيفاء وهبي هههه نبصر
رويدا صاحبتي من الطرفوش الى كنتي واقفة معاه يامجرمة لما دير حاجة الخير مايشوفوك لكن كان وقفتي على ولد يلقطوك زي الردار
أنا واحد غبي ومتكبر وجاء بابا وروحت
السلام عليكم
فاطمة وعليكم السلام
تغديت وصليت وفتحت نت
كنت نحب نزل مناشير ف قروبات ونرد ع التعليقات كان ف واحد اسم إيميله علي بالأنجليزي ديما يعلقلي
نزلت منشور كتبت فيه أكره الناس المغرورة علق علي وقال حتى هما يكرهوك
انا شفت الاسم ودكرت موقف المستشفى رديت عليه معاش تعلقلي نكره الناس الى أسمها علي
علي هههههه
يحسابني نبصر عليه صكرت نت ورقدت
فاطمة نوضي العصر أذن نضت صليت ومشيت عند الجيران
فاتو أيامات لاجديد
نحنا كنا عايشين بالأجار بحكم جدد ف المدينة بابا حصل حوش وشراه وحولنا الدبش وسلمنا المفتاح لصاحبه ومشينا لحوشنا الجديد وأول مانزلت من السيارة نصدمت يتبع