جننت بيك 🔥 ( روايات ليبية )

حلقة 5🔥

جننت بك 5
بقلم.. القطة الشريرة
علي سمورة عمرك حبيتي انتي
انا حبيت زمان
علي ممكن تحكيلي
انا كان عمري 18سنة لما حبيت ولد عم بابا كان عمره30سنة فى الاول كان اعجاب وبعدها بدينا نحبو بعض حبيته بجنون حب خمسة سنين راح ف لليلة
علي كيف
انا خاني مع اقرب صاحبة ليا رفيقة عمري
علي كيف عرفتي انهم خانوك
انا هو عترفلي وقالي يبي يتزوجها
علي وشن قلتيله
انا شن بنقول يعني كنت عايشة على امل يكون هالشي مقلب بس للأسف كان حقيقة
علي نفتح جرحه وحس بأنه ظلمني لما ماعطانيش فرصة نساعده وحس انه دار غلطة لما عطا لأحمد رقمي
انا الوووو
علي كيف تجاوزتي الخيانة
انا تقربت من ربي بالصلاة والدعاء وقعدت نعبي ف وقتي باش مانفكرش ف الموضوع هلبة وتجاوزتها القصة الحمد لله
علي احسن مادرتي
انا علي نستأدنك
علي نعستي
انا لا بس ف رقم يتصل بنقفل هاتفي
علي طارتله وعرفه احمد
علي تمام حطيه ف الحظر وصكري هاتفك
انا تغار عليا ههههه
علي عينك ياقردة
انا باي
علي سعيدة
ونضت الصبح ع صوت عياط عمتى نزلت نجري
لقيتها تبكي امها ماتت مسكينة وبابا يهدي فيها واهلها كانو يسكنو ف الجبل انا وتيتلها دبشها وكنت بنمشي معاهم بس كان عندي امتحان ضروري بابا طلع الدبش للسيارة عمتى سمر غدوة عندك امتحان اقعدي ماتجيش
انا مانقدرش نخليك ف الظرف هدا
عمتى لا امتحانك اهم
بابا وين بنخلوها بروحها مانقدرش نخليها
انا نقعد عند رويدا
بابا لاحوشهم معبي ولاد
عمتى نخلوها عند زهرة
انا لا
بابا ايه احسن علي ولد مشاء الله عليه وماينخاف منه
عمتى كلمت زهرة ووافقت وسارة فرحت هلبة
ودعتهم وجتني سارة ومشينا جميع لحوشهم
علي شبحلي وتبسم
كنت مش متريحة الصراحة
علي انى ليش فرحان لانها عندنا لازم نتفاداها
خشينا للمطبخ درنا فطور وفطرنا وغسلنا الماعين وتصلت برويدا باش ترفعني للعمل
رويدا والله ياسمورة السيارة واقفة رفعني خوي
انا تمام حبي مادوريش
سارة كيف بديري
انا ناخد تاكسي
سارة نكلم علي يرفعك
انا لا
توا نمشي ع رجليا
سارة بعيد
انا بينه
وانى طالعة علي وين ماشية
انى شفتله بنص عين
سارة ماشية للعمل على رجليها
علي سارة امشي البسي توا نوصلوها
انا مافيش داعي نمشي بروحي
علي بوك وصاني عليك فالذلك ماتصكريش دماغك
انا نفخت وجهي قريب ننفجر
علي طربقي انى شفتله وطربقت بالضحك مانعرفش ليش
علي بينه وبين نفسه محلاها وهيا تضحك
وركبنا ف السيارة ومشينا حسيته يشوفلي من المراية هلبة
سارة لما تروحي اتصلي نجوك
انا اممممم ولقيت علي يشبحلي ف المراية تمام
ونزلت كسدت انى ورويدا لعند تم الدوام
روحت رويدا وانا تصلت بسارة رقمها كان مقفل روحت على رجليا وفجأة وقفت سيارة مظلمة وطلعو منها زوز سكرولي فمي ورفعوني معاهم لشقة وحطوني ف دار وسكرو عليا
سارة حي تلفوني مقفل اكيدا سمر تراجي فينا
علي شوفيها
سارة رقمها مقفل
رن رقم علي
الو اهلين حميدا
احمد تعالا لشقة حسين
علي شن فيه
احمد تعالا بس
مشى علي وفتحله احمد وكان سكران
وقاله خش يابو رفيق شديتها اللبوة علي مش فاهم
احمد سمر شديتها عندي
علي عصب وشد احمد وضربه مش حركة رجالة الى درتها تخطف بنت ودير فيها هكي ضربه لين داخ
وفتح الباب ولقاني مربوطة فكني وانى حضنته وقعدت نبكي وهوا قعد يهدي فيا وشدني من ايدي وطلعني ركبت ف السيارة كان علي ساكت وخلاص وانى نبكي
انا علي
علي نعم وكان يشبحلي بحنية
انا الشي الى صار بيني وبينك
علي ليش
انا بابا مش ناقص مشاكل وعنده القلب
علي تمام
روحت دوشت وصليت كلمت بابا وعياله طمنت عليهم ورقدت بدون غداء
سارة خيرها سمورة مش عاجبتني عليوا حبيبي
علي لا
سارة غير اسمع شن بنقول
علي تبي نطلعك
سارة سمر شكلها مضايقة نبي نطلعها نغيرلها جوها
علي وين بترفعيها
سارة نمشو نتعشو ف الحوازة
علي شوفي امك قبل
زهرة عادي شن المشكلة
سارة وتت كل شي العصر نوضتني وتينا رواحنا مشينا كانت الحوازة تهبل وفيها حوض سباحة وفيها حصان وشجر
قعدنا نتمشو انا وسارة ومشيت للحصان
قتلها نبي نركب عليه
سارة علي علي علي
علي.. جاء خيرك
سارة سمورة تبي تركب
على هههههه مش للبنات الحصان
انا طيح سعدك غبي متخلف
انا طلعه توا نركب بروحي
علي طيحي تموتي
انا خبرة فيهم اصلآ
علي توا نشوفو
رقيت عبايتي وكيف بنركب الحصان وقف ع رجليه وطحت على علي لانه ورايا وكانت اول مرة نحس بشعور غريب لاني قريبة منه
علي هدي مش خبرة يابقرة نوضي قتلتيني وقعدنا نضحكو
اقترحت عليهم انى ندير الشاهي الاخضر ع الحطب ومشيناها ضحك وهدرزة وتعشينا غادي
ليل الليل
ام علي نصلي ونروحو
سارة تصل بيها وليد ناضت من جنبنا قعدت انا والغبي
هو شن تحسي توا احسن
انا تمام التمام
علي باهي كويس
انا صاحبك مريض بالرسمي
علي انسيه
انا بعد ماضربته متأكد مش حايديرلك شي
علي خايفة عليا ولاشن
انا انت تخوف مش يخافو عليك
علي الى كاتبه ربك بيصير
انا غير كان جاء ف طريقك كلمني
علي ههههههه كان هدا ماخليتيه خطفك
يتبع