جننت بك 6
انا شدني غدر
علي صدقتك
ام علي هيا نروحو
روحنا دوشنا وغيرنا وخشينا فراشاتنا
فتحت نت لقيت علي فاتح
علي وينك مغيبة
انا قاعدة
علي سمورة تعودت عليك
انا تسلم عليوا
علي اسهري معايا الليلة
انا بنقرا عندي امتحان غدوة
علي امتحان شن
انا امتحان قبول ف الجامعة
بنتخصص طب
علي بالتوفيق
انا نتلاقو غدوة
علي تمام
قعدت نتقلب والنوم طاير كنت ماشية بنشرب شفت علي طالع انى لحقته لقيته يدخن وشاد التلفون ويتفرج ع الرسايل ومخنوق
انا جيت وراه
مش حاتتجاوز المرحلة هدي لو ماطويت صفحات الماضي
علي نخلع وصكر التلفون ليش مارقدتيش
انا نفكر فيك
علي شني
انا مش تصدق روحك بس طاير النوم
علي خانتني كنت بنخطبها كانت حياتي كلها حبيتها من الاعدادي باعتني ع خاطر الفلوس قتلتني وانا حي ضيعتني انا نسمع بس انا عايش ع خاطر امي واختى والا كنت قتلت
انا حطيت يدي على فمه وهزيتله براسي بمعنى لا وقتله معاش تحكي ع الموت
انت حبيتها بصدق وهيا حبت الفلوس حايجي يوم وتندم صدقني
علي.. يشوفلي وانا حاطة ايدي ع فمه
انا.. حولت ايدي
علي مش قادر ننسى خيانتها مش قادر ننسى حبي ليها خاطري نرتاح ومعاش نفكر
انا بسم الله الرحمن الرحيم وعسى ان تكرهو شيئآ وهوا خيرآ لكم ووعسى ان تحبو شيئآ وهوا خيرآ لكم والله يعلم وانتم لاتعلمون انت انسان تخاف ربي وتصلي خلي املك بربي كبير والى صار معاك امتحان من ربي لازم تنجح فيه بالصبر والدعاء
علي تريح من كلامي نوض صلي ركعتين ادعي فيهم ربي
علي تمام ياشيخة
خش علي صلى ركعتين
وانا صليت وشديت المصحف وقعدت نقرا بصوت عالي ونجود كان صوتي حلو ف التجويد طلع علي وقعد يسمع فيا وقال ف خاطره يارب سامحني لاني ظلمتها
نضت الصبح لأمتحان مستعجلة وخايفة
سارة قوي قلبك انتي قدها
زهرة ربي معاك يابنتي
علي وقف قدام المحل شرالي شكلاطة وعصير
انا شكرآ تعبت روحك
علي توكلي ع ربي وماتخافيش
انا فرحت باهتمامه
وخشيت
حسيت ان قلبي بدا يدق لما نكون معاه ياربي شن الى قاعد يصير معايا
درت الامتحان وكان صعب
جاء علي بروحه بيروح بيا
انا وين سارة
علي سارة جتها صاحبتها
علي اركبي ركبت وكلمت بابا وقالي غدوة مروح انا تمام وفرحت هلبة
علي قلقتي عندنا
انا لاوالله بس مانبيش نكثر عليكم
علي كثرتي هلبة
انا غبي
وضحكنا
علي جاوبتي
انا يعني
علي معناها غير خسرت فلوس ع الفاضي
انا مصح وجهك توا نردهملك ماتجملش عليا
علي تعجبني فيك عزة نفسك
انا اول مرة تقول ف حقي كلمة حلوة
علي واخر مرة
انا الكلمة الطيبة صدقة
علي لسانك طويل
وصلنا ونزلنا سلمت عليهم وتغدينا وبعدها خشيت دوشت وانا طالعة من الدوش نسيت المنشف تلاقيت مع علي
انا كان راجلي راهو ماعمره شافني هكي
علي قرب عليا ولصقني ف الحيط
انا قلبي قريب يطلع مانعرقش ليش مابعدته عني
علي قعد يقرب مني وقرب من ودني وقالي من هوا الى بياخد بوعجيلة
انا خزي عليك وضربته بشعري ومشيت
علي مجنونة
انا فتحت النت
علي لقيته فاتح وباعتلي وينك
انا اهلين
علي مشفشفة جاوبتي
انا يعني
علي موفقة
انا شكرآ
علي شن جديدك
انا قلبي بدا يدق من جديد
علي بإستغراب مافهمتش
انا يعني بديت نحب
علي من سعيد الحظ
انا واحد اسمه زي اسمك
علي فرح هلبة
علي وهوا
انا مانعرف هو شن يحس
علي امتى بتخبريه
انا مش حانقوله لين نتأكد من مشاعره
علي تقدري تتحملي وتخبي مشاعرك
انا غصبآ عني
علي ان شاء الله خير
انا ان شاء الله
وخديت غفوة للعصر
نضت نسمع ف علي يقول خاطري ف بسبوسة طبعآ انا خشيت عليهم قلت خاطري ف بسبوسة
سارة هههههه حتى علي قال خاطره
انا بنديرها
ودرت البسبوسة وقلت لسارة ترفعله ضرب وليد طبعآ خويا مكبد فيها سارة بيموت عليها
سارة ارفعيله انتي
انا مشيت دقيت ع الباب وخشيت
علي خايف ناكلها نخش للعناية
انا لابتاكل اصابعك وراها
علي واثقة انتي
انا اكيد وشدني علي من يدي وبدا يقرب مني
انا خيرك انت مولي صايع
علي بهمس شن تحسي
انا كنت بنضعف قدامه دفيته وهربت
علي مجنونة لكن حانخليها تقولها
سارة خيره وجهك أحمر
انا شي
سارة ضحكت امتى بتعترفي
انا بإستغراب بشنو
سارة انك تحبي علي
انا حب شني
سارة عليا انا
انا تتخيلي
وفات اليوم عادي
جاء الليل وكنت نحكي مع علي
انا علي لحظة بنوض نشرب
علي تمام
طلعت وقابلتني دار علي مردودة
علي دار روحه راقد
انا خشيت بشويا كانت البلازما والعة قعدت نتأمل فيه وحق ربي يهبل غطيته وطلعت
علي فتح عيونه وتبسم معقولة بديت نحبها حتى انى
وكملت هدرزة معاه ورقدنا
تسريع للاحدات
جاء بابا وعمتى فاطمة وروحت للحوش
وقعدت نمشي للعمل ومرة مرة نشوف فى علي
ف الليل نراجي ف علي يفتح مافتحش قعدت نهدرز ع سارة
سارة علي مريض
انا بخوف خيره
سارة حرارة وكحة حالة
انا نار ولعت فيا
انا سارة نبي نشوفه
سارة غدوة تعالي
انا لاتوا بنشوفه
سارة توا نص الليل
انا مادخلي فيك بنجيكم توا
لبست وطلعت بشويا وتصلت بسارة وفتحتلي الباب وخشينا
انا شن حاله توا
يتبع
أنت تقرأ
جننت بيك 🔥 ( روايات ليبية )
Romanceللكاتبة : القطة الشريرة عندما يكون حب المراة لرجل اكتر من الرجل نفسه ، عندما يصل الحب الي حد الجنون ؟ كيف سيكون مصيره ؟ قصة غرامية بين طرفين 🔥 رواية ليبية 🔥
