جننت بيك 🔥 ( روايات ليبية )

حلقة 2🔥

جننت بك2
أنا نصدمت شفت علي واقف جنب الحوش الى جنبنا
علي شاف فيا ونزل راسه
أنا حي هدا الغبي ان شاء الله مايطلع جارنا
بابا سمورة خيره وجهك تغير
أنا لا شي
خشينا للحوش وكان حلو يهبل قعدنا نرتبو ف الحوش أنى وفاطمة كملنا ودرنا العشاء وتعشينا وفتحت النت لقيت علي الى حكيتلكم عليه منزل منشور فيه تحدي أجمل بروافيل وتحديته أني
علي أنسحبي أنا بنفوز
أنا أنت أنسحب أنى الفايزة
وقعدت نقرا ف التعليقات لساعة2 وهوا الى فاز طفيت نت ورقدت
ف الصبح دوشت وصليت وصبحت على بابا وفاطمة وطلعنا
بابا السيارة خيرها ماتبيش تولع وقعد يحاول معاها
انا واقفة بيعها الرابش ملينا منها كبرت خلاص
بابا يضحك قتلك ناخدلك سيارة مارضيتي
أنا نخاف نسوق ف المدينة
مع طلعت الغبي علي كان لابس سروال جينز وقميص أزرق كحلي ولابس نظارات شمسية
انا كنت نلبس غير ف العبايات السود والأوشحة السود ديما لاصقة فيهم
جاء علي وسلم على بابا وتعرف عليه وتبو الحق عينه ماحطها فيا وقعد يساعد ف بابا
بابا شكرآ ياولدي بارك الله فيك
أنا هيا بابا عطلت
بابا تشبحي فيا نلعب
علي ف خاطره غبية
بابا وين الوالد ياعلي
علي الوالد متوفي من زمان
أنى سخفني الحق
بابا الله يرحمه البركة فيك أنت
علي تسلم
بابا أنت ولد واحد بوي يحب يقصقص
علي نحنا ولدين خوي الكبير متجوز وعايش ف الخارج وانا عايش مع أمي وأختى
بابا ربي يحفظكم
أنا بصوت عالي لا لا لا
بابا وعلي نخلعو
بابا خيرك
أنا القطوسة فوق الحيط قريب طيح
أنا عاشقة للقطط نموت فيهم نحبهم
بابا أنتي وين وانا وين
أنا بابا نزلها مسكينة
بابا زي ماركبت توا تنزل
أنا بابا نزلها بالله عليك
بابا لا
علي يشوفلي ويضحك ع حركاتي
بابا خش باش يقول لفاطمة دير القهوة
انا أركب أنت ونزلها
علي أستغفر الله وأتوب أليه
أنا😡😡
علي جاه إتصال وقعد يتكلم
أنا ركبت ع سيارة بابا وركبت ونقزت للحيط
علي شن ديري
أنا مادخلك
بابا كان ماتنزلي نقتلك حشمتينا
أنا مارديت عليه وشديت القطوسة بابا تعالا شدها
بابا شدها مني أنزلي بسرعة
علي يشوف وساكت
أنا بابا تعالا نزلني حصلت
بابا كيف ركبتي إنزلي
علي ههههه خلي القطوسة تنزلك
انى بصوته خلي القطوسة تنزلك
انى نزلت بصعوبة وبابا كشخ فيا عيب راكي كبرتى أنسيها طفولتك المتشردة توا أنتى ف المدينة مش ف القرية
ولعت السيارة ومشيت للعمل وبعد روحت كان علي مقعمز مع صاحبه جنب الحوش
أحمد صاحب علي مني الحلوة هدي
علي تحشم ياراجل
أحمد عجبتني البنت هلبة
علي قعد يحكي لأحمد عليا
أحمد ياريتك عطيتها فرصة مرات طلعاتك من الى انت فيه لين أمتى بتقعد هكي
علي فوت الموضوع ماتنكدش عليا
أني وفاطمة حطينا الغداء وتغدينا
أم علي اسمها زهرة تعالا ياعلي تغدا
سارة أخت علي وانا ليش ماتنادو فيا
علي لأنك قردة
سارة تحشم أكبر منك
علي بسنة بس ياعزوز
أم علي اليوم بنمشي لجيرانا الجدد
سارة اليوم شفت بنتهم تبسمتلي شكلهم ناس كويسة ومتواضعة
علي المظاهر خداعة
سارة لاواضح عليهم ناس كويسة
علي أمتى بتمشي يام
أم علي بعد العصر
رويدا أهلين
أنا أهلين بيك
رويدا بنجي نكسد عندك بعد العصر
أنا تفضلي مرحبتين بيك
ودرت كيكة وشوية حاجات
أم علي برا سلم ولدي للجيران وقلهم بنجوهم
علي مش ضروري بري وخلاص
ام علي لامش هكي الأصول
علي حاضر
رويدا ايو قريب نخش لشارعكم
انا تمام
وشوية ورن الجرس
انا فتحت الباب وكنت توتا لونها زهري وشعري مفتوح وكان علي
أنا تحشمت
علي يشوفلي من فوق للوطة كانت اول مرة يشوفني من غير حجاب
انا خيرك تشبح مش مسلسل هوا
علي أحم وحول من جنب الباب امي بتجيكم بعد شوي
انى بدل مانقول يتفضلو قلت كل سنة وانت طيب تصير معاكم المواقف العبيطة الى كيف هدي عار وخلاص
علي مات بالضحك وكانت ضحكته تهبل وفرحت لاني شفته يضحك
علي معاش تفتحتي الباب قبل ماتقولي مني شن دنبنا ترعشي فينا بمنظرك الى زي الغولة
أنا قول نسحرت من جمالي
علي بوعجيلة أحلا منك
انا مقهور من الملكة
علي ربي يهديك
انا مغرور وغبي وقرد وطربقت الباب
فاطمة خيرك من جاء
أنا جيرانا بيجونا زيارة
فاطمة يتفضلو مرحبتين بيهم
وصلت رويدا وجو ام علي وأخته والحق كانو ناس طيبة ويهبلو انى نسجمت مع سارة بنت طيوبة وتخش القلب وعطيتها رقمي وخديت رقمها وحكيتلها على قصتي من طق طق لسلام عليكم أنتو زيني لما ترتاحو لحد تحكوله فضايحكم كلها ولا غير أنا وحاتعرفو بعدين شن هيا قصتي وقصة علي
سارة وجعتيني تعرفي
انا لاياسارة ماحكيتلك باش تسخفي عليا هدا أمر ربي وأنا راضية بيه رويدا جاها تلفون وروحت من قبل ماتقعد معانا
سارة معليش نبي الحمام ودخلت
رن تلفونها وكان جنبها بأسم عنوني وكانت حاطة صورة خويا يتبع
جننت بك6
أنا لأن كل حد أسمه عاي متكبر ومغرور ودراه كبد
علي أصابع أيديك مش زي بعض
أنا ممكن
علي أكيد مش ممكن
أنا نعست نحكو غدوة باي
علي باي
نضت الصبح دوشت وفطرت وتصلت بيا سارة
أنا صباحو
سارة عند شغل ضروري خليتلك الباب مفتوح خشي طول علي راقد
انا تمام
خشيت لحوش سارة وانا ندعي مانشوف علي وانا خاشة من الباب الرئيسي وصلتنى رسالة وقعدت نقرا فيها ونمشي وبوووم خشيت ف علي وطاح تلفوني بس مادرناش جو النظرات زي المسلسلات الهندية
علي صبح وين عيونك
أنا يارب ينكسر عمودي الفقري لانقالي لا
علي هههه إن شاء الله أنتو الزوز
أنا رفعت تلفوني ولقيته سليم قعدت نبوس فيه طبعآ لأن تلفوني أهم من هلبة ناس
علي ربي يتبت العقل والدين
انا العقل خليتهولك
صبحت ع عمتي زهرة وكان علي معانا
أنا مازال نازال ياعمتي وعطيتها الدواء وغطيتها
علي كان معجب بمعاملتي مع أمه
خروج ع النص كان تبي تكسبي الراجل حبي أمه ودلعيها ولما تتزوجيه وريها العين الحمرة هههههه نبصر عليكم
وانا طالعة
علي سمر
أنا نعم
علي أسف ع أمس
أنا عادي وطلعت
علي ياغبي ليش تتأسف خليها تزعل ولاتنحرق كلهم زي بعض جنس عاطل احرف من الشيطان
كان يوم روتيني زي كل يوم
بعد العصر مشيت عند سارة وكان أحمد قاعد جنب الباب يراجي ف علي
أحمد أهلين ياحلوة
أنا ولاكلمة ورنيت الجرس
أحمد نكلم فيك
أنا مانكلمش ف المرضة
أحمد عاودي
أنا مريض
أحمد قرب جنبي وشدلي أيدي
أنا دفيته مع طلعة علي
علي خيركم
انا خشيت وسيبتهم
علي شن فيه خيركم
احمد حكاله
علي مريض وتستاهل ليش تكلم فيها
أحمد توا تندم حطيتها ف راسي
علي خاف من ردة فعل أحمد لأنه عارفه متع مشاكل ويدير أي شي
انا وسارة ضحك وهدرزة وفتحت الأغاني وحولت عبياتي وبديت نرقص
سارة تعرفي ترقصى يامنجوها
أنا نحب الرقص هلبة وقطع علينا صوت رنة تلفونها وكان وليد يتصل طلعت وسيبتني بروحي وأنا منسجمة ف الرقص وكانت دار سارة جنب دار علي والباب كان مفتوح وانا عاطية بالظهر ونرقص وعلي يتفرج ولما تلفتت لقيته يتفرج
أنا وجهي ألوان وعلي نزل راسه وكمل طريقه رجعت سارة وحكينا شوي وروحت
ف الليل فتحت نت ولقيت علي تبع القروب باعتلي رسالة وينك
أنا مش فاضية
علي ممكن نتعرف عليك
أنا ليش
علي نبي نكونو أصدقاء
أنا سمر مواليد95 نخدم ممرضة
علي لاياربي مستحيل تكون هيا نفسها بنت القروب نفسها جارتنا مستحيل
أنا الوووو وينك
علي أسمي عندك مواليد89 من الجبل وعسكري
يتبع