جننت بيك 🔥 ( روايات ليبية )

حلقة 3🔥

جننت بك3
بقلم.. القطة الشريرة
وكانت صورة وليد خويا انا ماكنتش مصدقة الى نشوف فيه عيوني تعبو دموع وجرحى نفتح من جديد
نحكيلكم قصتي ماما وبابا كانو ضحايا الزواج التقليدي لكن مع العشرة بابا حب ماما لكن ماما ماقدرتش تحبه وأنا كنت متعلقة ببابا هلبة ولما قرر يتزوج وقفت معاه وماما طلبت الطلاق وخوتي كلهم أختارو أمي وانا خترت بابا ومنها ماما وخوتي تبرو مني وليا أكثر من سنة مانعرفش أخبارهم ولاهم يعرفو أخباري
طلعت سارة من الحمام وشافت لتلفونها وقالت هدا خطيبي متصل
انا ماحبيت نحسسها بشي ربي يهنيكم شن أسمه وكيف تعرفتي عليه وكم عمره
سارة اسمه وليد مواليد 92 تعرفنا ع النت وجاب أمه وأخته وخاله وقال بوه ميت
أنا بغصة ربي يحفظكم لبعض
روحو أم علي وأخته
انا خشيت لداري وقعدت نبكي جاني بابا وحكيتله الى صار بابا قعد يصبر فيا ويواسي فيا
فاطمة هيا تعالو للعشاء
بابا شد ف أيدي هيا نتعشو وكيف قعمزنا ع السفرة رن الجرس
أنا طلعت فتحت نحب نفتح البيبان وكانت سارة
أنا خيره وجهك أصفر
سارة ماما طاحت علينا تعالي شوفيها أنا لبست عبايتي وخديت جهاز الضغط وطلعت
خشيت ولقيت علي يوعي فيها ورجعلها وعيها وقستلها الضغط وكان هابط تصلت بالدكتور وجاء وكشف عليها وعطاها علاج وطمنا عليها وطلب مني نقيسلها كل يوم لعند يتعدل الضغط
انا حاضر دكتور
كانو علي وسارة زعلانين وخايفين ع أمهم أنى قعدت نهدي ف سارة لين هدت
انا شني مافيش لاقهوة لاعصير
علي مشنوق وباله ف الحلوى
انا ياريت تجيب معاك سنكرس
علي بوعجيلة
أنا غبي
سارة ههههه ضحكو زي الصغار
خشيت مع سارة للمطبخ وحطينا العشاء وتعشيت معاهم وقعدنا نغسلو ف الماعين ونهدرزو لين قطع علينا صوت رنين تلفون سارة الى طلعت تحكي مع وليد
علي أحم أحم
أنا شكارة فحم
علي أنتي شن ديري هنا ياماما
انا نحضر ف الدكتوراة ومعاش تقول يماما قداش مستفزة الكلمة هيا
علي حولي من عن الدولاب ياماما
أنا تنرفزت وكبيت عليه طاسة مية وبدو دموعي ينزلو انت هكي بس لأنى حبيت نساعدك تعرف كانت هدي غلطة عمري الى ندمت عليها وطلعت وخليته مش عارفة ليش بكيت بس حسيت بالإهانة
علي معقولة بكت من كلمة ماما لا أكيد وراها قصة البنت هيا
أنى روحت وفتحت نت ولقيت علي تبع القروب خاشلي ع الخاص قتلك انسحبي من التحدي
انا حالي باهي وانت
علي إيه كيف حالك
أنا تمام
علي أسف خشيتلك خاص بس جاني فضول نعرف ليش تكرهي أسم علي
أنا لأن كل حد أسمه علي متكبر ومغرور ودراه كبد
علي أصابع أيديك مش زي بعض
أنا ممكن
علي أكيد مش ممكن
أنا نعست نحكو غدوة باي
علي باي
نضت الصبح دوشت وفطرت وتصلت بيا سارة
أنا صباحو
سارة صباحو عندي شغل ضروري خليتلك الباب مفتوح خشي طول علي راقد
انا تمام
خشيت لحوش سارة وانا ندعي مانشوف علي وانا خاشة من الباب الرئيسي وصلتنى رسالة وقعدت نقرا فيها ونمشي وبوووم خشيت ف علي وطاح تلفوني بس مادرناش جو النظرات زي المسلسلات الهندية
علي صبح وين عيونك
أنا يارب ينكسر عمودي الفقري لانقالي لا
علي هههه إن شاء الله أنتو الزوز
أنا رفعت تلفوني ولقيته سليم قعدت نبوس فيه طبعآ لأن تلفوني أهم من هلبة ناس
علي ربي يتبت العقل والدين
انا العقل خليتهولك
صبحت ع عمتي زهرة وكان علي معانا
أنا مازال نازل ياعمتي وعطيتها الدواء وغطيتها
علي كان معجب بمعاملتي مع أمه
خروج ع النص كان تبي تكسبي الراجل حبي أمه ودلعيها ولما تتزوجيه وريها العين الحمرة هههههه نبصر عليكم
وانا طالعة
علي سمر
أنا نعم
علي أسف ع أمس
أنا عادي وطلعت
علي ياغبي ليش تتأسف خليها تزعل ولاتنحرق كلهم زي بعض جنس عاطل احرف من الشيطان
كان يوم روتيني زي كل يوم
بعد العصر مشيت عند سارة وكان أحمد قاعد جنب الباب يراجي ف علي
أحمد أهلين ياحلوة
أنا ولاكلمة ورنيت الجرس
أحمد نكلم فيك
أنا مانكلمش ف المرضة
أحمد عاودي
أنا مريض
أحمد قرب جنبي وشدلي أيدي
أنا دفيته مع طلعة علي
علي خيركم
انا خشيت وسيبتهم
علي شن فيه خيركم
احمد حكاله
علي مريض وتستاهل ليش تكلم فيها
أحمد توا تندم حطيتها ف راسي
علي خاف من ردة فعل أحمد لأنه عارفه متع مشاكل ويدير أي شي
انا وسارة ضحك وهدرزة وفتحت الأغاني وحولت عبياتي وبديت نرقص
سارة تعرفي ترقصى يامنجوها
أنا نحب الرقص هلبة وقطع علينا صوت رنة تلفونها وكان وليد يتصل طلعت وسيبتني بروحي وأنا منسجمة ف الرقص وكانت دار سارة جنب دار علي والباب كان مفتوح وانا عاطية بالظهر ونرقص وعلي يتفرج ولما تلفتت لقيته يتفرج
أنا وجهي ألوان وعلي نزل راسه وكمل طريقه رجعت سارة وحكينا شوي وروحت
ف الليل فتحت نت ولقيت علي تبع القروب باعتلي رسالة وينك
أنا مش فاضية
علي ممكن نتعرف عليك
أنا ليش
علي نبي نكونو أصدقاء
أنا سمر مواليد95 نخدم ممرضة
علي لاياربي مستحيل تكون هيا نفسها بنت القروب نفسها جارتنا مستحيل
أنا الوووو وينك
علي أسمي عندك مواليد89 من الجبل وعسكري ...يتبع