جننت بيك 🔥 ( روايات ليبية )

حلقة 10🔥 النهاية 🔥

جننت بك10 والأخيرة
بقلم.. القطة الشريرة
بس لا انا ولاعلي كان فينا حد ينزف والصدمة ان أحمد هو الى نضرب برصاصة ومن تتوقعو ضربه وليد خوي أصلا خوي يخدم عسكري
أنا بصدمة وليد ونزلت على الأرض
علي..وهو مصدوم من وين تعرفيه
وليد قرب منا وقامني هدي أختي وحضني وقعدنا نبكو الحمد لله نسى يسألني شن ديري مع علي
علي سلم ع وليد ورحب بيه
انا احمد شن بيصير فيه وكان يعيط ويتوجع
وليد توا بنسعفوه وبعدها نتصرف معاه خشيت للحوش وحاولت نكون طبيعية
ف العشية رن الجرس وفتحت الباب
وليد مرحبا
أنا مرحبتين تفضل
بابا من جاء ياسمر
انا حولت ع الباب وخش وليد
وليد بخطوات مسرعة قرب من بابا وحضنه وقعدو يبكو وخشينا
فاطمة بدورها دارت عالة الشاهي وقعدنا نهدرزو
ف الليل وبعد العشاء قعدت جنب وليد
أنا امي كيف حالها ستاحشتها
وليد حتى أمك مستاحشتك
أنا بجديات وليد
وليد أكيد غير أمك تكابر تعرفيها أنتي طبعها كيف
أنا ان شاء الله تسامحني وخليته يرتاح
خشيت لداري وفتحت النت ولقيت علي فاتح
علي وينك
أنا نحبك
علي كيف شن تقولي
أنا عليوا حبيبي
علي أخ منك من أمتى تعرفى أنا من ياخطيرة
أنا فى اليوم الى شدتيني فيه وراء الشجرة زي الخانب
علي خانب صار نسيتي روحك يامتع البيبان والحيوط يابوبريص
أنا هههه أسمه تسلق ياغبي وتعتبر رياضة يافالح
علي ههههه ومن يمارس فيها غير القرودة ياقردة
انا قريدتك
علي لكن تعرفي لين توا مصدوم من موقف بكري كيف قدرتي توقفي قدامي وماخفتيش من أحمد
أنا لأنى مستحيل نقدر نعيش ف هالدنيا من غيرك ومن كثر حبي ليك مستعدة نفديك بروحي
علي فعلآ ربي عوضني يابختي فيك نموت فيك أنا
ف المستشفى عند أحمد فاق من البنج وتجاوز مرحلة الخطر والرصاصة جاته ف كتفه
وريدا كانت مع الدكتور المسؤول عن حالة احمد
رويدا تركب لأحمد ف التغدية
أحمد عيونه عليها كانت رويدا بيضة وقصير وعيونها عسليات ومن النوع الى تحب تطرح
اما أحمد طول وعرض ونقشه ع الأسود وشعره طويل لكتافه
رويدا شعرك شن تستعمله كثيف وناعم
أحمد ندهن فيه بزيت سيارات
رويدا هههه ارتاح توا ونرجعلك بعدين باش ناخد الوصفة
عندي أنا وعلي
علي الو حبي
انا أهلين ياروح حبك
علي نبي نشوفك
أنا لا
علي باليز
أنا لا بنعدبك زي ماعدبتني
علي كنت غبي
أنا غبي بس
علي غبي وحبيب سمورة
انا حليلي منك وخلاص
علي هيا بنشوفك
أنا حبي بعدين نجي عندكم وتشوفنى
علي نبي توا
أنا خلاص مش حانشوفك لين نتزوجو
علي لا خلا نبصر حبي
أنا نحبك
علي نموت فيك
وليد يابوي انا غدوة مروح وحددنا العرس الشهر الجاي
انا.. وليد ماتروح زيد اقعد معانا بالله
وليد.. الاسبوع الجاي بنرجع
انا.. كان هكي تمام
عند علي
علي .. ياغالية بنقولك حاجة
زهره.. خير ان شاء الله
علي.. نبيك تخطبيلي سمر
زهرة.. واخيرآ ياولدي ونعمة الإختيار الحق
علي.. فرح هلبة لأن امه وافقت
سارة.. وأخيرآخوي بيتزوج
رن الجرس وفتحت سارة الباب وكان خوهم الكبير الى كان عايش البرا
سارة.. محمد
محمد.. اهلين ياوشة
كانو معاه مرته وصغاره
فردوس..اهلين بسرو
سارة.. نوستي ستاحشتك
وسلمت ع يارا ومؤيد
محمد .. عليوا اهلين وحضنه وسلم ع امه وباس ع راسها
زهرة.. الو يافاطمة اليوم معزومين عندي ع العشاء ولدي محمد روح
فاطمة.. الحمد لله ع سلامته ان شاء الله نخبرهم ونجو
انا.. طيبت بسبوسة لأن حبيبي عليوا يحلها 😍😂
لبست سروال جينز وبلوزا عنابية ودرت شعري ديل حصان ودرت مسكرا وروج ولبست عبايتي ومشينا
علي.. فتحلنا الباب انى من الفرحة قريب حضنته خشينا الداخل وبابا ووليد خشو للمربوعه
انا.. سلمت عليهم وتعرفت ع فردوس وحولت عبايتي وخشيت مع سارة للمطبخ
سارة .. حبي سمورة بري للمخزن جيبي المناديل
انا.. شن يديرو غادي
سارة.. انا نسيتهم غادي
انا.. ليش مخزنكم البرا نخاف
سارة.. غير بري مافي شي
انا.. مشيت وأول ماخشيت للمخزن ينطفى الضي ووواك وقته توا حتى تلفوني نسيته وكيف بنعيط لسارة هووب ف حد سكرلي فمي ودفني ع الحيط وفتح الضي
انا.. علي يادراه خلعتني
علي.. شن مدايرة اليوم طالعة تهبلي
انا.. نشوفله ف عيونه ونضحك من طول عمري نهبل غير انت أعمى
علي..ياووووك من لسانك وباسني ع خدي
انا.. عيب ياولد
علي.. اس خير مانزيدك
انا.. عيب ياغبي يامتخلف ياجاهل يا
علي.. ويبوسني ع فمي😋
انا.. وجهي الوان 😊😊
علي.. نحبك ياقريدتي
انا.. نموت فيك
علي.. سارة تتصل شكله ف حد جاي بري خشي
انا.. قصدك خطة منك انت وسارة
علي.. ايه خلاص بري خشي خير مانخطفك
انا.. خشيت وتعشينا والجو حلو وروحنا ف الليل متأخر فتحت النت وقعدت نحكي مع علي
علي.. اسمعي بنقولك حاجة
انا .. شنو
علي.. اليوم كلمت أمي باش تخطبك
انا.. من الفرحة عيطت بصوت عالي
بابا.. بسم الله شن فيه
فاطمه .. هدي سمر نوض اجري
علي.. يامجنونة نقصي صوتك
انا.. نسمع ف صوت حركه خليك ع الخط وماتتكلمش
بابا.. فتح الباب وولع الضي سمر خيرك يابنتي شن فيه
انا.. شفت كابوس يابابا
فاطمة.. اشربي مية وتعودي من الشيطان
بابا .. ايه اقري المعوذات وأرقدي تصبحي ع خير
انا .. تصبحو ع خير وطلعو ومسكت تلفوني عليوا
علي.. يما منك يامتع الكوابيس
انا.. هههه ماعرفت شن نكدب
علي.. عاجبك درتي العار
انا.. من الفرحة حبي بس نبي نطلب منك طلب
علي.. عيوني ليك
انا.. قول لأمك تطلبني من أمي مش من عيال بابا
علي .. بس أمك
انا.. عارفة انها متبرية مني بس نبيها تكون ف الصورة وتعرف انى نحبها ومش كارهتها
علي.. ياروحي انتي حاضر ياقلبي نحبك
انا.. نموت فيك ورقدنا
ف الصبح
علي قال لأمه
زهرة كلمت ماما
ماما اهلين زهرة كيف حالك
زهرة سلمك وانتي
ماما فى نعمة
زهرة بنكلمك ف موضوع
ماما ان شاء الله خير
زهرة نبو نخطبو بنتك سمر لولدي علي
وهدا طلب بنتك سمر ياوفاء
ماما دموعها نزلو بس انا
زهرة لابس لاشي ف النهاية هدي بنتك والدم مايوليش مية خلاص سنتين هلبة عليكم
ماما انى موافقة لو هيا موافقة
زهرة قعدت تزغرط
خبرنا ماما فاطمة وشاورت بابا ووافق
كل ليلة نحكي انى وعليوا وحبنا لبعض يزيد أكثر وأكثر وتفقنا نديرو بيان نهاية الأسبوع
فى الصبح
انا هيا سارة معاش بنلحقو
سارة تي باهي
رفعتنا رويدا ف سيارتها
كملت وشريت قفطان طويل دهبي مفتوح من الصدر وروحنا اول مانزلت من السيارة نشوف ف سيارة جنب حوشنا ونزلت منها وحدة تلفتت فيا وكانت امي انا عيطت ومشيت نجري حضنتها وقعدت نكب على راسها وايديها ونبكي وهيا تبكي
انا سامحيني ماما والله ستاحشتك
ماما يابنتي وقعدت تبوس فيا طلع علي وقعد يشوفلنا وكلهم ثأترو سلمت ع خوتي وأختي وخشينا وجاء وقت الحفلة
لبست القفطان ودرت مكياج وتسريحة حلوة وطلعت نهبل طبعآ علي يتحشم مش هوا الى بيلبسني
جت ام علي وخواتها وناسه وعلى اساس سارة بتلبسني وفجأة نسمع فيهم يقولو بيخش بيخش لعند خش علي كان لابس سروال جينز وجاكة ازرق كحلي كان يهبل
لبسني وباس على راسي وصورنا وطلع بعتلي رسالة تهبلي مانعرفش كيف شديت روحي مبروك علينا نحبك
عند رويدا
احمد رويدا نبيك ف موضوع غدوة بنجيك للعمل
رويدا تمام
فات الليل وجاء الصبح
احمد صباح الخير
رويدا صباح النور
احمد انا نحبك
رويدا نعم
احمد نحبك وتغيرت عشانك ونبي نفتح صفحة جديدة معاك
روايد حتى انا حبيتك ونبي نكون حلالك
احمد خلاص بنجي نخطبك
رويدا تمام
وحددنا عرسنا يكون مع خوياوليد
بعد شهر تزوجنا واخيرآ كانت من اجمل ايامات حياتي صدرنا انا وسارة وجو وليد وعلي رفعونا وكل وحدة مشت لحوشها
محلاها لما تتزوجي بشخص قلبك اختاره وحبه تحسي روحك خشيتي للجنة
بعد سنة
متجمعين عند عمتى زهرة
علي تعالي لبنتك ياسمر
انا وانت مش محسوبة عليك ولاشن
علي طالعتلك تتشعبط ع الحيوط ناديتك لانك قردة وتفهميلها
كلهم ضحكو
سارة عندها ولد وهيا حامل
وبابا رجع امي على دمته وعايشه هيا وماما فاطمة زي الخوات وأعز
وانا بديت نقرا ف الجامعة وعايشة مع علي حياة سعيدة انى وبنته الشيطانة
علي نحبك ياقردة
انا مانحبكش
علي ليش
انا انا مانحبكش انا مجنونة بيك
النهاية