جننت بيك 🔥 ( روايات ليبية )

حلقة 7🔥

جننت بك7
بقلم.. القطة الشريرة
سارة حي عليك كان مايلقوك ف الحوش
انا نبي نشوفه
سارة خشي قاعد ف داره
انا خشيت نجري ولقيته ف حالة وينادي بإسم أية
انا خنقتني العبرة قاعد يحبها ينادي على اسمها سارة جيبيلي خل ومية مثلجة
سارة حاضر
انا حولتله سوريته وقعدت نديرله ف الخل
والكمدات وهو ينادي ع اسمها
كانت سارة تراقبلي ف الوضع خوفآ من ان امها تجي فجأة حطيت يدي ع راسه وقريت عليه ايات الشفاء وقعدت للفجر أذن خفت الحرارة
وكيف بنطلع نسمع ف سارة تكلم ف امها انا تخبيت تحت السرير
خشت زهرة لولدها تطمن عليه لقت حرارته نازلة طلعت وخشت للحمام
انا طلعت من تحت السرير
وجري طلعت للحوش
كنت خايفة نفتح الباب ونتلاقى مع بابا والا عمتى توكلت ع ربي وفتحت باب الشارع وخشيت وقلبي يدق ولما فتحت الباب الرئيسي تشوفني عيال بابا انا شويا ودخت شدتني من ايدي
فاطمة وين كنتي هكي بوك رباك معقولة هكي تخوني الثقة الى عطينهالك انا بنمشي نخبر بوك
انا لابخوف بويا مايتحمل قلبه ضعيف غير اسمعيني علي كان مريض ومشيت شفته بس وطمنت عليه مش بيدي وحق ربي حبيته مش مني قلبي هوا الى رفعني ليه
فاطمة حضنتني يابنتي الغلط يقعد غلط تخيلي بوك الى شبحك مش انا شن كان صار فيه
انا والله مش بقصدي معاش نعاودها
فاطمة مسحتلي دموعي اسكتي خلاص معاش تبكي
انا نحبك ياأمي
فاطمة قعدت تبكي من الفرحة مش مصدقة قتلها أمي
عند علي
ناض الصبح حاله باهي
سارة صباح الخير
علي صباح النور
سارة شن حالك اليوم
علي احسن من امس
سارة هدا كله بفضل البطلة سمر
علي شن قصدك وحكتله سارة القصة
علي البنت هدي مجنونة
سارة البنت هدي تحبك تموت فيك
علي مافيش حاجة اسمها حب
سارة الى دارته سمر عشانك امس أكبر حب مسكينة ان شاء الله مايكونو شدوها وهيا خاشة للحوش
علي كلميها
سارة قاتلي ماتتصلي لين نكلمك انا
علي قعد مشغول باله عليا ويفكر فيا وشن درت عشانه
نضت نعسانة وفاشلة دوشت وفطرت وصحصحت قررت نودع اللبس الاسود ولبست بشت ازرق كحلي ووشاح وردي
بابا خودي مفتاح السيارة واستنيني برا
انا تمام
فتحت الباب لقيت علي واقف قدام حوشهم واشرلي بمعنى تعالي
انى مشيتله شدني من ايدي ودخلني
علي صباح الورد ياوردة طالعة حلوة اليوم
انا وجهي أحمر
علي ع اساس متحشمة
انا طمني عليك شن تحس توا
على نحس انى بنموت
انا عيوني تعبو دموع معاش تتكلم ع الموت جنبي بعيد الشر عنك
علي انتى ليش خايفة عليا عطيني سبب مقنع يخليك ديري هكي تطلعي ف نص الليل على خاطري
انا لاني ممرضة وهدا واجبي
علي واجبك مايقولك اهربي من حوش بوك باش تعالجي شخص
انا دموعي نزلو لأني خفت عليك مانعرفش كيف طلعت من حوشنا ف الليل
علي دموع التماسيح فكينا منهم
انا حرام عليك شن درتلك
علي جنسكم عاطل كدبات
انا وجعني كلامه وقتله انت الى مافيك خير
طلعت وانا مقهورة بنموت لقيت بابا كيف طلع
بابا وين كنتي
انا عند سارة
ركبت ومشيت
علي ليش انا درت هكي ووجعتها
سارة كانت تسمع ف كلامنا حرام عليك ياخوي لوشفت منظرها امس ماكنت درت فيها هكي
انا قعدت نلهي ف روحي ف الدوام وبعدها روحت وقعدت لاناكل لانحكي لانطلع مضايقة مخنوقة حتى النت معاش فتحته مر عليا اسبوع وانا ع الحالة هدي
بداية الاسبوع التاني كنت ماشية للعمل مع بابا كيف طلعنا من الباب شفت علي راكب ف سيارته وكيف بنركب بوووم طحت دخت علي نزل يجري
بابا خيرك يابنتي ياساتر حطوني ف السيارة ورفعوني للمستشفى وعلي كان معانا
بابا ديما نقوللها كولي هاملة صحتها وشوف شن صار فيها
علي كله مني انا السبب وصلنا للمستشفى ونزلوني جاني الدكتور وعلي وبابا البرا
طلع الدكتور
باباطمني عليها
الدكتور عندها هبوط حاد وسوء تغدية لازم تقعد تحت الملاحظة
بابا لاحول ولاقوة الابالله نقدر نشوفها
الدكتور تفضل لكن ماتعطلش عندها
علي ماخشش قعد يلوم ف روحه
بابا باس ع راسي الحمد لله ع سلامتك شفتي هذا نتيجة اهمالك لصحتك
انا.. مافي شي يابابا انا حالتي كويسة
بابا طلع و كلم فاطمة
فاطمة .. توا تجي ترفعني مستحيل نقعد ع بنتي
بابا علي معليش اقعد مع سمر نمشي نجيب امها ونجي مش معطل
علي تمام
بابا مشى وعلي خشلي
انا شفته قعدت نبكي
علي اسف ياسمر كان زعلتك
انا نبكي بس
علي قرب جنبي اخي وجهك وانتي تبكي زي شرشبيل
انا نشوفله بس
وقعد يديرلي ف حركات بوجهه يضحكو
انا كنت شادة الضحكة لعند طربقت بالضحك
علي محلاك وانتي تضحكي ومعاش تخوفينا عليك
انا على اساس عند مشاعر انت
علي لسانك يبي القص
خشت ممرضة شكلها من مواليد97قعدت ديرلي ف التغدية تشوف لعلي وتضحك وتتبسم واني نار الغيرة دايرة عرس الداخل
علي بدا يتبسملها
انا شديت ف يده عليوا حبيبي عطشانة
علي قعد شاد الضحكة من موقفي
وهيا تشوفلنا وطلعت
علي قرب من وجهي غرتي عليا
انا لا بس
علي بس شن
انى بس سارة وصتني عليك
علي ههههههه ماتعرفيش تكدبي انتي
انا مش ع اساس كلنا كدبات
علي شد خدودي انتي ليش ماتنسيش ف شي
انا لاني نفطر بالزبيب
علي دمك ولاعصير خيار
انا دمي ولاكيني
يتبع