جننت بيك 🔥 ( روايات ليبية )

حلقة 4🔥

جننت بك 4
بقلم.. القطة الشريرة

نضت الصبح دوشت وفطرت ومشيت لحوش علي قست الضغط لأمه ولقيته معدل انا مبروك الضغط تعدل
عمتى زهرة تضحك وتوا بتفتكي من وجهي
زهرة لاماتقولي هكي والله متونسين بيك
سارة قصدك معاش بتجينا
أنا حسستيني بنهاجر الحوش خطوة
سارة تعودنا عليك
أنا نستأدنكم عندي عمل وطلعت
علي سمر
أنا نعم
علي أسمعي يابنت ردبالك من أحمد
أنا الحافظ ربي
علي خودي أحتياطك
أنا إن شاء الله خير
علي ليش خفت عليها ليش تصرفت هكي وشن دخلي بيها من الأساس
ف العمل أنا ورويدا
رويدا شن ياحبي مافيش كبيدة
أنا ومش مفكرة أصلا ومستحيل نعاود غلطتي
رويدا ماضي وفات عيشي حياتك
أنا بالله ماتنكدي عليا حبي
فتحت نت ولقيت علي فاتح
علي صباحو
أنا صباح النور
علي شن حالك
انا تمام ف العمل
علي ممكن النبر نسمع صوتك
أنا أسفة مانوزعش ف رقمي
علي ف البداية بس ع أساس ملائكة وبعدها تنطلقو
أنا لايابابا أصابع إيدك مش زي بعض
علي ممكن
أنا ترد فيها
علي لا
انا باليز
علي هههههه باردة
انا باي عندي عمل
علي باي
سارة الو سمورة
أنا أهلين
سارة بنقولك معزومة أنتى وفاطمة لعرس بنت عمي
أنا فاطمة أكيد حاتجي لكن أنا ف الشك
سارة لو ماجيتي نزعل منك
انا لا كل شي ولازعلك
جاء يوم العرس وكان يوم الحنة
انا مشيت عند سارة ولقيتها عالقة
انا هاتي نعاونك ودرتلها تسريحة ومكياج
سارة طلعتي خبيرة
أنا جويل تخرجت من عندي
طلعت تهبل سارة كانت بيضة وطويلة وشعرها طويل
سارة هيا دورك
انا لابنمشي بعبايتي
سارة اووف منك غدوة بتلبسي
انا غدوة ساهل
مشينا وكان الجو حلو بس أنا ضايقت من الزحمة والساعة11روحت
فاطمة حتى انى مروحة
زهرة خليك توا يروح بينا علي
فاطمة تمام وصلت للحوش بس طلعت ناسية المفتاح والنقال عند سارة رنيت الجرس ع أمل بابا يكون موجود كان حوش عمها قريب ف جيهتنا بس مافتحلي حد وفاتت من جنبي سيارة كان فيها شاب قعد يقولي ف كلام كبير انا خفت منه وبعدها نزل من السيارة وبدا يقرب مني وكان سكران ويتمايل انا مسكت رشادة وقعدت نوخر وطلع بطلي علي
انا لما شفته تشجعت وضربت السكران على راسه
علي جاء يجري وقعد يضرب فيه وركب السكران لسيارته وهرب
علي منور بوعجيلة مروحة ف الليل بروحك وتتعاركي مع السكارة حتى التريس ماداروها
انا شن دخلك اصلا هو خاف لما ضربته
علي ايه خاف هلبة منك
انا نرن ف الجرس
علي بوك طلع بكري خودي مفاتيح حوشنا واقعدي لين يروحو هلك
أنا لا
علي حق فيا أنا وريني شطارتك كيف بتخشي
انا.. تشعبطت ع الباب وقفزت
علي هالبنت غريبة
اناقعدت البرا ف الجنان نراجي لين جاء بابا
بابا.. شن ديري هنا وفاطمة وين
انا.. روحت بروحي ونسيت المفتايح والتليفون عند بنت الجيران
بابا.. معاش تعاوديها
خشينا وغيرت وسمعت فاطمة جت
انا.. مشيت نجريلها سارة عطانك التلفون
فاطمه .. خودي هاك
انا.. رجعت للدار وفتحت نت
لقيت علي باعتلي وينك
انا اهلين
علي ستاحشنا لمنشوراتك
انا كنت ف العرس
علي تحبو الاعراس انتو واللبس
انا مشيت ع خاطر بنت جيرانا ومالبست غير العباية
علي قصدك سلفية انتي
انا لا بس نحب نلبس عبايات
علي باهي كويس
علي خاطري نسمع صوتك
انا اسمع ياخويا علي انا جو المكالمات وهدرزة التلفون مانحبها ولوسمحت معاش تقولي بنسمع صوتك ولانحطك ف الحظر
علي تمام أسف
انا سعيدة وصكرت
جاء الخميس بعد العصر
سارة سمورة هيا تعالي معايا للحوش
انا خيرك
سارة باش نشوفلك لبسة حلوة
انا ووواك منك
سارة هيا ومشينا
وقعدت نقيس لين أذن المغرب صلينا
وجهزنا رواحنا سارة لبست قفطان بيج قصير ودارت تسريحة وطلعت حلوة
انا لبست قفطان ابيض منفوخ تحت الركبة
وكان عريان من فوق ودرت تسريحة ولبست تاج وكعب كانت سارة متفقة دير مكالمة فيديو مع خطيبها خويا ونعرفه اكبر صايع كنت انا وهيا ف الحوش طلعت وكنت ماشية للصالة كنت متغيرة وطلعت حلوة بالمكياج ولما خشيت الصالة لقيت علي خش ماحسينا بيه
انا وووواك ديما ف خلقتي
علي يشوفلي وساكت
انا الوووو خيرك نطمست
علي فاق ع روحه وطلع مشينا للعرس ورقصت وغيرت جو وروحنا
غيرت دبشي وفتحت نت
لقيت علي كاتبلي وين الحلو اليوم
حكيت معاه وصكرت
علي ليش انا بديت هكي لازم نحكي معاها ونظرتي ليها تغيرت لاياعلي ماتنسى زيها زي غيرها كلهم كدبات وخطر عليه احمد احمد توا يكشفها ع حقيقتها
نضنا الصبح ضميت الحوش وبخرت ودرت الغداء وجاء بابا من الجمعة وتغدينا
غسلت الماعين وكسدت مع علي قعدت نحكيله ع طفولتي وانه ف شارعنا كان لقبي عبسي وكان ميت بالضحك
العشية
علي سارة عطيني تلفونك
سارة ليش
علي نبي ننقل كاشف الارقام
سارة هاك وخدا رقمي
العشيةعلي هاك ياأحمد رقم سمر
احمد منور بس غريبة مانعرفكش هكي
علي نبي نكسرلها خاشمها لانها مدايرة روحها شريفة نبي نكشفها ع حقيقتها
احمد تم
عندي انا طلعت عند رويدا
وكان علي واحمد مقعمزين
اول ماوصلت تصل بيا رقم غريب
مارديت وقعد يتصل ف المكالمة الخامسة
انا الوو
المتصل اهلين بالصوت الحلو
انا تفضل من تبي
المتصل نبيك انتي
انا شن تبي
المتصل نحبك
انا شكلك عيل ومريض
المتصل مريض بحبك
انا صكرت وحطيته ف الحظر
احمد شكلها بتعبنا ياصاحبي
علي نعرفك قدها
روحت المغرب وقعدت نحكي مع علي
والحق تريحتله ودرته صديقي ولازم نحكي معاه
علي يتبع