جننت بيك 🔥 ( روايات ليبية )

حلقة 9🔥 ما قبل النهاية 🔥

جننت بك9
بقلم القطة الشريرة
علي من هوا الولد
زهرة زياد ولد خليفة
علي هدا كان قاري معايا امتى ولاراجل
زهرة الولد قاري وفلوس وفيلا وسيارات ماناقصه شي
علي أكيدا بتوافق عليه لانه فلوس
وجتنا زهرة وكلمة امي
امى نشاور البنت وبوها
زهرة تمام
امي سمر جاك عريس ولد كويس وفلوس شن رايك
انا ولاكلمة
امي خبرت بابا وقاللها سمر شن رايها
امي .. سألتها لكن ماردت عليا
بابا خليها ع راحتها
امي تمام
فتحت نت لقيت علي فاتح
وينك ليك وحشة
انا قاعدة
عاي شن جديدك
انا بنتزوج
علي كيف
انا اليوم جاني عريس وبنوافق عليه
علي سكر النت وطلع للحوازة وكان مخنوق ويبكي ليش ياسمر طلعتي زيها ليش درتي فيا هكي ليش
فى الليل روح علي وكان مضايق
علي مانبيش عشاء بنرقد
زهرة تعالا ياولدي هدرز عليا شويا
علي لعن الشيطان وقعمز جنب امه
رن تلفون زهرة
اهلين فاطمة
زهرة ايه فهمت عليك تمام تصبحي وتربحي
سارة خيرها عمتى فاطمة
زهرة قاتلي سمر رفضت زياد وقالت ماتبيش تتزوج
علي قريب طار من الفرحة وقعد يقول ليش قالت بتوافق
زهرة خسارة الولد فلوس ومنصب مايتعوض
سارة ياماما سمر اخر همها الماديات
زهرة نصيب
علي خش يجري فتح النت لقاني فاتحة
علي سمورة
انا اهلين
علي شن جوك
انا تمام
علي احكيلي ع عريسك
انا مافيش عريس
علي كيف مش بكري قلتي خطبوك وبتوافقي
انا ايه بس حبي لعلي كان اقوى من انى نوافق
علي انى نستأدنك
فجأة وصلتني رسالة سمر ردي نبيك وتصل بيا
انا الو
المتصل غدوة نبي نشوفك
انا علي
المتصل علي مني
انا علي محمد مواليد95 مايرقدش ف الليل ويحس بخنقة وضيقة
علي هههههه قاعدة متفكرة اول يوم لينا
انا ومش حاننسى
علي نبي نشوفك
انا لا
علي ليش
انا لاني كل مانشوفك لازم نبكي
علي نبيك ضروري
انا تمام
علي غدوة نرفعك من المستشفى
انا تمام
علي ارتاحي تصبحي ع خير
انا وانت من اهله
جاء الصبح لبست بشت اسود ووشاح زهري
ومشيت للعمل
انا رويدا غطي عليا بيجي علي
رويدا تمام
جاء علي وتصل بيا وطلعت معاه
ف السيارة مسكتين
علي خيرك ساكتة
انا عقلت
علي يوم السعد لما بتعقلي
انا باه
علي بجد جوك اخي هكي
انا دوام الحال من المحال
علي افرديها خلاص
انا ماعنديش شوبك
علي هههههه ياباردة
ووصلنا للبحر ونزلنا
كان الجو حلو
علي سمر
انا نعم
اول حد يعرف مكاني السري هوا انتي
انا وليش جبتني هنا
على لأني بنقولك على حاجة مهمة ونبيها تكون هنا لانها لحظة مميزة
انا بتقتلني وبتلوحني فى البحر
علي هههههه قردة
أنا هيا قول
علي قرب مني ومسكلي يديا الزوز ويشوفلي ويبتسم ياربي من عيونه يقتلو
علي نحبك يابنت ونموت فيك
انا عيوني 😍😍مش مصدقة
علي قلبتي حياتي أنتي غيرتي نظرتي للبنات خليتيني نرجع علي الأول من لما خشيتي حياتي وانا مرتاح ومبسوط وأسف لو زعلتك وكسرتلك قلبك
انا يلا أنزل على ركبتك واطلب أيدي ولو ماعجبتني طريقتك بنرفضك
علي مجنونة أنتى وحضني كنت أسعد أنسانة ف العالم وأخيرآ تحقق حلم حياتي قعدنا نتمشو وعلي ماسك أيدي
علي لو عطاني ربي عمر مش حانسيبك طول عمري
انا ياعيني رومانسيتك متحسنة
علي نغير الأسلوب
انا لاياصايع
علي نوريك الصياعة شن شكلها هنا
أنا عيب ياسخيف وقطع علينا رنين التلفون
انا الو أهلين بابا
بابا كيف حالك كنت بنقولك روحي مع رويدا أنا عندي عمل ضروري
انا تمام
علي انا بنروح بيك
انا لاحطني ف المستشفى نخاف يشوفنا حد
علي انا شن قلت
انا مش حاضر
علي نضربك
انا ماتخليني نتحول لجون سينا
علي ههههه ٱنتي بوعجيلة
وروحنا ونحنا كيف نازلين سمعنا صوت يقول الله الله ع عصافير الحب وتلفتنا وكان أحمد شاد مسدس وسكران
علي أنت شن دير هنا
أحمد جاي بناخد حقي ياصاحبي معقولة تضربني عشان بنت
علي حط المسدس ونتفاهمو
أحمد يضحك
علي سمر خشي
أنا لامستحيل نخش ونخليك
علي متعصب ويعيط قتلك خشي
انا لامش خاشة
احمد قريب تبكوني الى يشوفك ياعلي مايقول إنك انت الى عطيتني رقمها وقتلي شوف روحك معاها
انا نصدمت معقولة علي يدير فيا هكي مستحيل
أحمد بتموت ياعلي وسمر حاتكون ليا
انا جيت قدام علي أقتلني أنى قبل
علي يبعد فيا من قدامه حولي يابنت حولي
أحمد تعصب حاتموتو أنتو الزوز وسمعنا صوت رصاصة
أنا نشوف لعلي ومصدومة
علي يشوفلي ومصدوم يتبع