Vengansa

5

Tahely, nos ta ban? Mi a kansa dje café aki kaba' Ronaiska ta bisa. Tahely ta kontesta ku e no tin gana di bai kas ainda i ku e ta bai kana rònt un ratu ku Joël. Ronaiska ta bira wak e i bisa; 'Oh prima, bo'n ta hasi wega! Pero ami ku John si ta bati fugansa aki. Lagami sa ora bo yega kas.' Naiska ta lanta duna su prima un brasa, bis’é algu den su orea i kana bai.  Joël ta bira puntra Tahely si e tambe ta kla pa bai pero e no a skucha. Fo'i ora su prima a bras'é el a keda masha pensativo. Joël ta ték e na su man i bolbe puntra; 'Mama, bo ta kla pa nos fuga? Kiko a pasabo? Bo ta pensativo ei!' 'no yu, nada un pasa mi, gewón mi mente ta lew. Mi ta kla pa bai.' Tahely ta kontestá spantá. 

Un par di ratu despues nan ta yega parker dilanti Tahely su port'i kas. Joёl ta bira wak Tahely i bis'é ku el a pasa hopi dushi den su kompania. Tahely atrobe ta hasi kos di mucha timido i benta su kara masha lew mes. Joël ta rèk su man i suavemente e keda move su dede bai bin na e kara lisu di Tahely. Ni un pѐshi òf mancha no tin riba su kara. E ta sigui pasa su dede na Tahely su kara te na ora e yega na su lep nan perfektamente formá. Poko poko e ta pasa su dede na e forma di Tahely su lep nan pa despues e lèn un tiki den su direkshon i dun'é un sunchi riba su lepnan.

Tahely ta sera su wowonan i ta sigui ku e koriente. E ta sinti Joël su lenga ta drenta den su boka, su man nan den su kabei  i su punt'i pechu nan ku ta lanta para i bira steif. Tahely ta hala su kabes patras i ku un zonido di bos poko hes e ta puntra Joël si e ke baha bai paden. Joël naturalmente no ta ninga e oportunidat aki i ta bira habri port'i outo lihé prome ku Tahely kambia di desishon. Pará den balkon Tahely ta buska su yabi pa e por habri port'i kas pero e ta asina nervioso ku e no por haña nan. Joël ta hala para Tahely su tras, pasa su mannan rondo di dje i primi su erekshon kontra su atras. Tahely ta bira bis'é; 'asina aki mi'n ta haña e yabi pa nos bai paden si.'  Ku un zonido di bos abou i hopi sѐksi Joёl ta kontestá: 'tur loke mi lo bai hasi kubo paden, mi por hasi aki'fo tambe.'

E ta drai Tahely, peg'é kontra e porta i dun'e un sunchi hopi pashoná. Atrobe Tahely ta sinti kon e ta muha. Su karson tabata papa papa muhá. Normalmente e no sa eksitá asina lihé. E no sa si ta paso e tin basta ten sin hasi nada òf ta paso e aktrakshon seksual entre e ku Joёl ta asina fuerte.

E ta hala su kabes patras i outomatikamente su wowo nan tambe ta sera. Kosnan ta bayendo asina lihé. Ta sinti el a sinti un man na su garganta i un otro den su karson. E dede nan maskulino di Joёl ta karisiá su clit, pone ku e ta kuminsá keña duru sin tene kuenta ku bisiña nan por tende. Mas e keña mas eksitá Joël ta bira. E ta hala patras, hisa su shimis i baha su panty. Goloso manera su so Tahely ta habri su pianan fo’i  otro.

Joël ta ta sak bai na su rudia, pusha su kabes mei mei di Tahely su pia i kuminsá pasa lenga na su clit manera kacho ku tin basta dia sin haña poko awa pa bebe. Nan dos tabata parse di ta kompletamente deskonektá for di mundu pero algu a kapta Tahely su atenshon paso diripiente e ta kai den un paniko inmenso. E ta pusha Joёl un banda, baha su shimis i kana purá bai para na porta di balkon.  Joël ta bula lanta i puntr'é; 'Kiko ta pasando Tahely?' pero e no por a saka niun palabra for di su boka. Uniko kos ku e por a hasi ta saka su dede i mustra den e direkshon di Joël su auto. Joël ta bira wak patras i e no por a kere su wowonan. Nan tabata asina den nan momentu ku nan no a realisá mesora ku algu tabata pasando. E ta drai kara wak Tahely i puntr'é spantá; 'Pakiko i ken lo hasi algu asina aki Tahely? Dikon e kos ei ta skibi? Kiko e ke men ku 'Kuidou e no mata bo tambe?!!!' Tahely a keda pará sin por a saka ni un palabra fo'i su boka. Su kurpa tabata tembla manera hende ku kalafriw. E ta sinti kon poko poko su pianan ta ninga pues e ta laga su kurpa sak i kai sinta plat abou den balkon. Ku hopi esfuerso e ta trata na tene su rosea bou di kontròl.

'Nami bo tas, mi ta atende e kos aki i despues mi ta bin yudabo.'  Joёl ta bis’é. Tahely ta kue e tas i dun'e. E ta bira saka e yabi, habri port'i kas, drenta i buska su kaminda pa kushina. E ta kue un paña ku e ta haña riba aanrecht, muh'é un tiki i sali bèk pafo pa e bai limpia e disparate ku nan a pinta riba su bentana di outo. Unabes dilanti dje bentana e ta mira ku e 'mensahe' riba su bentana tabata skibí ku lipstick kòrá. E ta dal un rònchi rondo di e outo pa wak si e outo no a sufri otro tipo di daño material na momentu ku e ta tende un krak bou di su pia.  E ta hisa su pia i mira ku ta un renchi orea di un hende muhé. El a sak kue e renchi, tene den laira i puntra; 'Ta dibo e renchi aki dushi?'  Tahely ketu bai den paniko ta hisa kara wak i mesora su wowo nan ta haña tamaño di un bagòn. 'Nò, e renchi ei ta di Junaily's mi amiga! Ki mishibo ku su renchi?!'  e ta grita. 'Ki mishi AMI ku su renchi? Ta akibou mi a haña e kos ei bentá. Kiko ta bo amiga a hasi e kos aki bo ta kere?'  Joël ta puntra. Tahely ta kontestá ku e no ta kere. Junailys ta su amiga di basta aña. E ta simplemente ninga di kere ku su amiga ta kapas di hasi algu asina.