Manera nan sa bisa na hulandes; "zo gezegd, zo gedaan." Raïna a logra infiltrá den Joël su bida i ya nan tin par di siman ta kombersá. Topa so nan no a topa otro personal ainda pero awe ta e gran dia! Awe nan dos por fin lo topa otro. Raïna no sa dikon pero e ta sinti tur tipo di kishi kishi den su paden kada bes ku su mente pasa riba Joël. E kos aki tabata pa yuda Ronaiska tuma e bendita vengansa ei pero... ai ya, ta ki ke hasi?!
E ta sintá riba kama di Naiska ta tende papia e meskos nan kada bes. Na prome instante e no tabata wòri mashá pero tantu luna di tende e mes disko si a kuminsá kansa su chip. Lew ayá e ta kontentu ku su mente ta riba otro kos paso e no ta skuchando ni mitar di loke Ronaiska ta bisando tòg.
'HEY, mi a hasibo un pregunta Ra! Unda bo mente ta anto?!' Naiska ta grita. Su gritu ta saka Raïna kompletamente for di su mundu di fantasia.Pa kalma asuntu i pa no mester kontestá su pregunta, Raïna ta rèk su man i pas'é mei mei di Ronaiska su pianan. Haragán manera su so, Ronaiska ta drumi plat i habri su pianan pa duna Raïna akseso na loke e ke. E sa bon bon ku na e momentu nan aki e ta hungando ku kandela paso aki mei ora John lo ta serka dje pa nan dos por papia i wak kiko ta bai pasa ku nan relashon. For di dia ku su mama a fayese, kosnan tabata kana masha straño entre nan dos. Pero ta parse ku e simpel echo ku e por bolbe gara nan, ta hasi'é eksitá.
Su punt'i pechu nan tabata pará ta warda nan turno pa wòrdu karisia. Ku un mirada sèksi e tabata invitá Raïna pa hasi loke e tabata ke kun'é. Raïna mes tabata sintá ta deliberá ku su mes si e ta tuma aden òf laga para. Despues di poko sekònde di deliberashon, el a disidi numa pa tuma aden paso kon ku bai bin ta un bon manera pa entretene su mes mientras e ta warda ora yega pa bai topa Joël.
E ta lanta para, ranka su paña nan for di su kurpa i bula subi kama banda di Ronaiska ku ainda tin su pianan hanchu habri. E ta kuminsá pasa su dede nan for di Ronaiska su kara sigui bin abou. Na su pechu nan e ta wanta un ratu i keda marka rònchi rondó di e punta nan sin mishi ni un momentu ku nan. E ta hisa kara wak Ronaiska i mira ku e ta serka di eksplotá di tur e sensashon ku ta kore rònt den su kurpa. E ta sigui su kaminda bai abou na su barika, su lombrishi, bolbe bai ariba na altura di su pechu kaba bolbe bai abou den area di su barika. Ronaiska su rosea a bira pisá manera un hende ku ta sufri di astma. E tabata buska palabra pa zundra Raïna i bis'é pa stòp di tent'é pero e palabra nan no tabata por a sali.
Raïna tabata disfrutá inmensamente di e echo ku e tabatin Ronaiska asina tantu bou di su kòntròl. Pa hasi e kosnan un tiki mas kayente, e ta bai drumi mei mei di Ronaiska su pia i kuminsá sunchi'é na e parti paden di su bèl i atrobe sin mishi ku e parti di mas importante. Sin mishi ku e parti nan ei tòg Ronaiska tabata papa muhá i e no por a drumi ketu. E tabata move su kurpa, trèk na e paña di kama i krul su tenchi nan kaminda Raïna praktikamente no a hasi nada ainda. Den su mes Raïna ta pensa: 'ta speshi mes òf ta payasada e mucha aki ta bezig kun'é?! Anyhow, ta te aki e kos a yega tòg.' E ta pasa su boka nèt na e kònòpi skondí mei mei di Ronaiska su pia na moda ku e por sinti su rosea kayente. Despues e ta dun'é un sunchi einan, bula lanta i kuminsá bisti su paña nan pa e bai.
Ronaiska a bula lanta i kai sinta riba kama tur turdí. Su mente no por a kaba di prosesá tur e loke ta pasando. Si poko ratu pasá su rosea a strob'é di papia, awor aki ta su mente ta lagando e na kaya. Te na ora ku el a logra rekobrá su mes ya Raïna tabata pará den port'i kamber kaba ta bis'é ku e ta bai i ku e ta bèl e akiratu pa lag'é sa kon a bai.
Manera el a tende e port'i kas sera un rabia a drenta su kurpa. 'Ta ki ko'i koño esaki ta? Ta pa pendew mes Raïna tin mi! Hasi tur e kos nan ei pa despues lanta bai lagami ku gana?! Ègt un yuku di sarchi!' E ta pensa den su mes. Furioso e ta lanta kuminsa drecha su kamber i sala promé ku John yega. E no tin gana di papia niun karaho ku niun hende mas pero awor aki no tin mod'i hasi. Ta muchu lat pa e bèl i pone nan sita pa otro dia. E konosé John komo un hòmber puntual pues e no tin ningun klase di duda ku e lo ta dilanti su port'i kas un bes aki.
E zonido skèrpi di su telefòn ta sak'é for di su pensamentu nan. E ta kana bai den kamber, kue su telefòn i wak ken a mand'é un mensahe. Na momentu ku el a habri e mensahe aki, tur koló a trèk sali for di su kueru, su kurpa a bira friw friw i el a kuminsá sinti tur su kuminda ta bin ariba. E ta benta su telefòn riba kama i kore bai wc pa e arohá.
Nèt na e momentu ei John ta drenta kamber i mira e telefòn bentá riba kama ketu bai habri na e mensahe anonimo ku a wòrdu manda pa Ronaiska. E video di Romina drumi riba tap'i mashin di outo mientras John su kabes tabata kompletamente derá mei mei di su pianan....
JE LEEST
Vengansa
RandomTahely ta hañ'é obligá na hasi kosnan ku nunka el a pensa pa hasi. Na komienso el a hasi esaki pa salba su mes pero mas kos pasa, mas su set di vengansa lo krese!