الوسواس القهري ( روايات ليبية )

حلقة 5🔥

#الوسواس القهري5

بقلم .. القطة الشريرة

انا.. درتله💪بإيدي البطلة اسرار لاتخشى الاشرار
علي.. قعد يضحك بهزوة
انا.. بحماس هيا
علي .. ان شاء الله تقعدي متحمسة لما تسمعي شن هوا التحدي الأول
انا.. هيا قول
علي.. بوسة 😉
انا.. وين تبيها
علي.. 🙄😧 قصدك عادي
انا .. طبعآ مش زوجي
علي.. اوكي معناها نبيها من هنا واشر ع فمه
انا.. تمام خليك مكانك لحظة ونجيك
علي.. شن هذا الى قاعد ندير فيه مش هوا هذا التحدي شن هوا الشي الى خلاني نطلب منها طلب زي هذا مستحيل نكون علي مستحيل
انا.. انا جيت
علي .. وكان
انا.. تعرف شن يعني انا جيت يعني جت الذوق جت الإحساس جت الضحكه الحلوه وراح النكد وراح الملل ويارب تروح انت
علي.. بنبدو يعني
انا.. هيا مش تبي البوسة
علي.. قرب مني تعجبني جرأتك
انا.. قربت عليه
علي .. كان منسجم
انا.. حطيت يديا ع كتوفه وبديت نقرب
علي.. ليش مش قادر نوقفها
انا.. قربت ع فمه وفتحت فمي
علي.. دفني اااعععععع شني هذا
انا.. نشوفله شن
علي .. فمك ريحته بصل يامقرفة
انا..🤭😂
علي.. هذا ليش مشيتي كليتي بصل يانعجة
انا.. باش تبطل دير تحديات سخيفة زي وجهك
علي..قعد يصب ف المطهر ف يديه ويشم بس مش هذا التحدي
انا.. أعطيني من الأخر
علي.. انا ف الشركة عندي شوية لخبطة بنعطيك أسماء الموظفين ونبيك ترتبيهم حسب التسلسل الابجدي من الألف للياء بالعربي والإنجليزي
انا.. وليش بالإنجليزي يخدمو ف البيت الابيض مثلآ
علي.. بدون تكثير دوة
انا.. تم
علي.. نبيك تسلميهم غدوة الساعة5 الفجر
انا.. 😰 قصدك مش حانرقد الليلة
علي .. هدي حاجة ترجعلك الا لو كنتي ماتبيش بوك يرجعلك
انا.. لانبيه يرجعلي
علي.. تمام معناها وريني شطارتك
انا.. بس ماعنديش لابتوب
علي.. توا نعطيك واحد
انا.. تمام ومشيت نجري وقعدت نغني انا حانرجع بابا انا حانرجع بابا
علي.. تنهد وركب للمكتب
انا.. نقز ع السرير انا بنرجع بابا انا بنرجع بابا لازم عقلي البطن يصدق هالشي والا مش حانقدر نرجعه
علي.. بطلي تنقيز وانزلي
انا.. بنرجع بابا نانانانا بنرجع بابا
علي.. انزلي قلت
انا.. قفزت قريب منه وكنت حانطيح ومسكت فيه لدرجه لصقت فيه
علي.. يشوفلي شكلك ع سبلة تحبي تحضنيني
انا.. دفيته لو تبدا أخر شخص مانتمنى حضنك
علي.. مسكني من شعري عشان مجربة حضن الكلب متاعك والا عشان انا مش راجل
انا.. بعد عني الكلام الى قاله باسط كله كذب ف كذب
علي..أخر همي يكذب والا لا الى نبيك تفهميه بما انك ع دمتي خليك عاقلة لأن اي حركة غلط منك حانقتل بوك قدام عيونك
انا.. ف أحلامك رجعلي بابا وطلقني نكرهك نكرهك نكرهك
علي.. كملي شغلك وانتي ساكته وماتنسى تسلميلي الشغل الساعة 5 الفجر
سهيلة .. هكي قاتلك قصدك
ساجدة.. ايه قالت ولدها مالك بيجي الأول وبعدها هيا تلحق
سهيلة.. اختك كوثر عليها حركات وخيرهم مايجو مع بعضهم
ساجدة.. حتى انا قلتلها هكي قالت عندها مشكله ف جواز السفر
سهيلة.. باهي حتى هكي كويس 7 سنين وهيا ف امريكا وأخيرآ بترجع لليبيا
ساجدة.. ايه وأخيرآ الدكتورة كوثر بتفتح عيداتها هنا
سهيلة.. الحمد لله ع كل حال وانتي ماكلموك جماعتك عشان العرس
ساجدة.. مزال لكن مهيمن قالي قريب
سهيلة.. ع خير ان شاء الله
انا.. لبست بجامة وردية حرير وقمت شعري الفوق وفرشت ع الارض وبديت نكتب
علي.. يدوش زي العادة وكل مايطلع من الدوش لازم يطلع معبي جروح وقعد يفتح ف الباب ويسكر كل ماكان متعصب ومتوتر كان الوسواس يسيطر عليه لدرجة الضي يولعه ويطفيه اكثر من مرة يغسل اكثر من مرة يسكر ويفتح الباب أكثر من مرة
انا.. حي عليك ياأسرار اليوم بتولي فضايح كاني قاعدة مع عمتى ام الخير احسنلي من عيشة العذاب هدي بس ف أحلامه انا نسهر طول الليل وهوا يقعد راقد
علي .. طلع ومشى عند أمه
فات اليوم كله وانا نشتغل لازم عشان بابا
المغرب ..رجع علي للفيلا وكانت هادية بشكل غير طبيعي
انا.. وواك هدي شركة والا مقبرة مزالي هلبااااا
علي.. قعمز ف الصالة سلمة ياسلمة
سلمة .. نعم
علي.. ديري طاسة قهوة
سلمة.. تمام ومشت
علي.. سند راسه ع الصالون ف اقل من اسبوع قدرت تسيطر ع تفكيري ليش شن هوا الى عندها وماعند الى قبلها لدرجة انى حاليآ نبي نشوفها نبيها قدامي
سلمة.. مدتله القهوة
علي.. وين أسرار
سلمة.. من بكري انا مايشوف هيا
علي.. تمام
انا.. قعدت ندير ف رياضة لأنى نعست ننزل ندير طويسة قهوة أحسن ومنها نفد الخطة متاعي عشان علي يقعد سهران ومايرقد متريح
علي.. كيف نخليها تنزل كيف
انا.. وووووويييييييي ونزلت وانا متزحلقة
علي.. بدا قلبه يدق وحط ايده عليه تي هذا شن سماه حاس قلبي بيطلع من مكانه
انا.. حاسة روحي كنت سنة ف الحبس
علي .. اصلآ مكانك الطبيعي غادي
انا.. وانت مكانك الطبيعى ف شيشة البلاستك متع ديتول
علي.. نوضلك راه
انا.. سلمة ياحبي وينك ياعيوني
سلمة.. نعم
انا.. كسدت معاها وقعدنا نضحكو ونهدرزو
علي.. حتى سلمة اول مرة نسمع ضحكتها
انا..طلعت وكنت رافعة طاسة القهوة مانبيش عشاء ماتحسبيني
علي .. انتي ياحاجة
انا.. ماتقوليش حاجه مزال ماحجيت لكن مشيت للعمرة تقدر تقولي ياعمري 🤭
علي..🤦‍♂️🤦‍♂️
انا..🙂🙃 انا عارفة انك تبي تعطلني عشان نخسر بس انا لن أقبل بهذا
علي.. تمام وريني شطارتك
انا.. ركبت وكملت شغلي
علي.. حس بنوع من الإحباط لأنه مش حايقدر يشوفني
باسط.. جبت كل المعلومات عليه عنده شركة استيراد وتصدير ملابس
سالم.. مسرع جبت معلومات عليه
باسط.. لأنى حطيته ف راسي توا تشوف كان ماغرمته وخليته يفلس وبعدها للحبس
سلمة .. العشاء واتي
علي.. بري نادي اسرار
سلمة .. هيا يقول مايبي يتعشى
علي .. قوليلها تنزل
سلمة .. اوكي
انا.. الساعة 9.30 اوووف مليت
سلمة.. تعالي تعشى
انا.. مش قتلك مانبيش
سلمة.. استاذ علي هوا يقولي نادي انتي
انا.. قوليله تسمسم بروحك
سلمة.. شنو
انا.. باهي توا نجي ع الاقل نغير جو شوي ونزلت وراها
علي.. قعمز مقابلني
انا.. مكرونة بشاميل بابا يحبها هلبااااا وبديت ندمع
علي.. مش هاين عليه يشوف لدموعي مش وقت دموعك توا خلينا ناكلو
انا.. انت سبب دموعي حرمتني من بابا
اليوم عمري 23سنة مافي يوم فارقني اكثر من نص يوم
علي.. تقدري تسكري فمك وتاكلي
انا.. سكتت هما ساعات بس ساعات ونرجعه لازم نصبر وبعدها ناخده ونهربو
علي .. كل شوي يشوفلي كولي والا نغير راي وتنسى بوك مرة وحدة
انا.. مش غصب هوا
علي .. عندي انا غصب بتاكلي ولاشن
انا .. مانعرفش ناكل من غير بابا باهي انت دير زيني انا وبابا ف الماكلة
علي .. بكل برود لا طبعآ
انا.. باهي هدرز معايا
علي.. لاطبعآ
انا.. توا نجي نضت من الطاولة جري جبت وساد وخطاط
علي شنو هدا
انا.. رسمتلها عيون وفم ضاحك وحطيتها جنبي ع الكرسي
علي .. شنو هذا
انا.. بابا حبيبي هيا نلعبو لعبة الزيتون الطائر وقعدت نحدف ف الزيتون ونتلقى فيه بفمي هيا بابا دورك وعلى اساس نوكل فيه احلا باباف الدنيا وتوا لعبة طحن الطعام وقعدت ناكل وندير ف صوت
علي.. فعلآ تشوف هم غيرك تنسى همك
انا.. الحمد لله راضية بيهم همومي وعايشة حياتي الحمد لله هيا بابي نمشو نلعبو الفوق ورفعت وسادتي وركبت
علي.. كانو عيونه عليا ويتبسم من غير وعي مجنونه البنت هدي
انا.. الليل كله وانا نخدم
علي .. ااوووف فيه ريحة ف الدار
يتبع