الوسواس القهري ( روايات ليبية )

حلقة 11🔥

#الوسواس القهري11

بقلم.. القطة الشريرة

وفاتت من جنبنا سيارة عالية ومظلمه وقعدت تسكر علينا ف الطريق
علي.. قعد يتجاوز فيها بس كان متعمد يسكر علينا
انا.. خفف السرعه خليه يفوت
صاحب السيارة قعد يضرب ف سيارته ع سيارتنا
علي .. تي خير امه هذا
انا.. بابا انزل تحت الكرسي
صاحب .. السيارة خفف السرعه وفتح الروشن وشافلي
انا..😱😱
علي.. الحقير الواطي
انا.. نرعش هذا باسط شن وصله هنا
علي.. ماتخافوش أكيدا وحدين سكرانين
انا.. خايفة نقوله يطلعني انا الى مكلماته
علي.. يشوفلي من المراية خيرك وجهك أصفر قتلك متخافيش
انا.. لازم نتصرف بشكل طبيعي ووصلني مسج طالعة تهبلي ياحبي الحقير التافه
باسط.. ههههههه بعد الحركة هدي أكيد حاترد ع اتصالاتي غصبآ عنها
علي.. أهو وصلنا مافيش داعي تقوليلهم شن صار معانا
انا.. تمام
علي.. فتح الباب وخشينا
مالك.. أسرار 😍
علي.. هي انت وين تبي بالزبط 😠
مالك.. خالو شن اخبارك وسلم ع بابا
انا.. ايه مالك فيه ايه
مالك.. هههه والله احسن حاجة درتيها انك جيتي والله مكسد
علي.. وين أمي وساجدة
مالك.. طلعو للسوق
علي .. قعمز ع الصالون
مالك.. قعمز جنبي وقعد يرقيلي ف حواجبه
انا.. خيرك 🙄
علي.. يعني شن عندك جديد بلإنجليزي
انا.. هههه والله برا ديرها للبنات ف الشارع وحاتسمع بلاوي
علي.. احم احم وفنص فيا
مالك.. شن هوايتك انتي
انا.. نغني أجنبي
مالك.. وواووو ترا سمعيني
انا.. اوكي اوكي اوكي ياجميعه اوكي إفري تينك أوكي جميعة ردي علي دونكي
مالك .. ههههه جميعة ردي
انا.. علي مونكي
علي.. 😠😠 نوض راه
انا.. مش عليك نغني ع علي ولد خالتي
علي .. غنيها ف حوش خالتك غادي
مالك.. هههههه والله حلوة هيا نغنوها جميع
انا.. هيا
مالك اوكي اوكي ياجميعه اوكي افري تينك اوكي جميعة ردي
انا.. بشوية علي مونكي
مالك.. وهو يضحك جميعة ردي
انا.. بشويا علي كاااو
علي .. حدف عليا ريموت التلفزيون قلنا خلاص
مالك.. خليها بالله شوفها كيف بريئة
انا..🥺🥺🥺
علي..😠😒غير مزال ماتعرفها
مالك .. شن عندك هويات تانية
انا.. إلقاء الشعر
مالك.. الله تلقى ف الشعر
انا.. ايه نحطه ف كيس ونلقيه ف اقرب مكب
مالك.. ههههههههه هيا سمعينا
انا .. نشوف لعلي
علي.. خيرك تفنصي
مالك.. فوتيه شوفيلي انا وألقيه
انا.. تمام وقعدت نشوفله
علي.. كان مقابلنا وحاط رجل ع رجل ويشوفلنا
مالك .. هيا
انا.. شفت لعلي نكرهك نكرهك نكرهك
علي.. 😨😨
مالك..😱😱
انا.. خيركم هذا شعر الى نقول فيه
علي..😡😡 من بدايته واضح زي وجهك
مالك.. خليها هيا تقولي فيه انا
انا.. والله كل شي خاش فيه
مالك .. كملي
انا.. نكرهك نكرهك نكرهك ياخي انت ماتحس ماعندك كرامة خليني ف حالي شن هالصقة هدا مبرد دمك
علي.. وقف ووجهه احمر خيرك تقولي فيه وتشوفيلي
انا.. يعني معاش نشوف ولاشني
مالك.. وقف هدو ياجماعة والله ياخالو اسرار تحبك وتموت فيك بس هذا شعر صح أسرار
انا.. ايه صح
علي.. قعمز وطلع المطهر من جيبه وكيف بيحطه ع يديه تفكر لما قتله ريقات بابا حطه ع الطاولة
انا.. نشوفله ونتبسم
مالك.. كملي
انا.. خليني ف حالي شن هالصقة هذا وجودك يخنقني ومش قادرة نتنفس وهنا التنفس ينقسم الى قسمين او شقين معايا ولامش معايا
مالك.. قلبت حصة علوم شكلها ايه معاك😂😂
انا.. شهيق ونهيق
علي&مالك..😂😂😂😂😂
مالك.. مش نهيق
انا.. زهير
مالك .. ههههههه لا
انا.. شفيق
علي .. عيونه دموع من الضحك
مالك.. والله انتي جوهرة المفروض خالي يشكر ربي ليل نهار عليك
انا..😎😎 الكلام ليك ياجارة
علي..😒😒خليني ساكت أحسن
انا.. تعرف خالك بمن يدكر فيا
مالك.. بمن
انا.. بلأم الى ديما تقول ع بنتها بايرة وماتنفع وبنات الناس أحسن منها ولما يمدحها حد البنت قدام أمها الأم تقعد تقول كان تندرو عنها كان تشوفوها ع حقيقتها
مالك.. هههههه تشبيه قاتل
انا.. لكن خالك من نوع الأم المرضعة شوف شيشة المرضعة الى ع الطاولة
علي.. 😡😡لاهكي هلبة
انا.. خشيت ورا بابا عاقلة ع بوي
بابا.. وقف وقعد يدف فيه
انا.. ماتخليه يديرلك الضربة القاضية
مالك.. ههههه خلاص سامحيه
انا.. عشان عيونك بس ملوكي
علي.. لما سمعني قتله الكلام هذا نجن وولعت فيه النار 🔥🔥🔥
سهيلة &ساجدة .. السلام عليكم
كلنا.. وعليكم السلام
سهيلة .. ياأهلآ ياأهلآ زارتنا البركة ونضت سلمت عليهم
ساجدة.. تشوف لمالك خيرهم عيونك حمر
مالك.. الفرخة أسرار ضحك فيا من بكري
سهيلة .. دوم يارب
علي.. خيرك انتي وجهك رايح اصفر
سهيلة.. خايفة ومتوترة وتوا قاتلك حسني بنبطل
علي.. مش لعب هوا
مالك.. عادي مادوريش خالتو خليك عادية
انا.. ايه عندها الحق تخاف خافي وإبكي وإرعشي
كلهم .. يشوفلي
علي.. انتي أسكتي
انا.. ليش نسكت والله طالعه من حوش بويا الى كنت مدلعة فيه وماشية بنعيش ف حوش تاني مع واحد غريب عليا وحياة جديدة وناس جدد ومسؤولية
ساجدة.. هذا الى نبي نوصله
انا.. فاهمة عليك خافي ياوخيتي من حقك ومعاش تاكلي وديما اسهري وفكري لعند يجيك ارهاق وتخشي للمستشفى وتموتي وخلاص تتريحي
سهيلة .. ووه ع بنتي بعيد السو عليها
ساجدة.. مش لهدرجة
انا.. والله انتي أقعدي هكي وتوا تشوفي كان مصار معاك هكي
علي .. أسكتي ياأسرار
ساجدة.. تحكي بجديات
انا.. والله
ساجدة.. لاياكبدي بنمشي ناكل ونشرب ومعاش مفكرة ومشت تجري للمطبخ
مالك.. واو انتى خارقة ياأسرار نحنا من امس نقنعو فيها تاكل وهيا رافضة
سهيلة.. قريب زعلت منك تعرفي بس فرحتيني
علي.. 😕🤔كيف صار
انا.. أمي الله يرحمها كانت ديرلي هكي
مالك .. هيا نطلعو للحديقة
انا.. تمام إسبقني انت انا بندور ع بابا
مالك .. تمام
بابا.. كان طالع من المطبخ وماسك شيشة الزيت
انا.. بابا هذا شنو وقعدت نفك منه ف الشيشة
بابا ..جبدها مني بقوة وطاحت وتبزعت
انا..🙊🙊🙊حي دبشي
بابا .. ميت بالضحك
انا.. اطلع عند مالك توا نجي خلي نظف
بابا..طلع وانا رفعت الشيشة وخشيت للمطبخ
علي.. الو مانسمعش فيك الو الو وبوووم نزلق وطاح ف الزيت
انا.. طلعت من المطبخ ولقيت علي طايح ع ظهره وقعدت نضحك عليه
علي.. بدال ماتضحكي تعالي ساعديني
سهيلة.. كانت نازلة من فوق وشافت ولدها ع الأرض وجت تجري
انا.. وقفت ضحك وساعدناه ينوض
سهيلة.. من وين جاء الزيت
انا.. بابا بزعه لكن توا نظفه
سيهلة .. توا الخدامة تنظفه انتي ارفعي راجلك للدار
علي.. اااه ياظهري
سهيلة.. توا نبعتلك المرهم متع العظام أدهنيله ظهره
انا.. 😰 ااااا انتي ادهنيله أمه وايديك حنينات
سهيلة.. انتي يعني انتي هيا بسرعة قدامي
علي.. ااااه ياظهري بنموت😇🥺
انا..😒😒 عليك كذب
سهيلة .. تسند ع مرتك هي
علي.. تسند عليا وقعدنا ماشيين
انا.. عيونك وين انت
علي.. منو الى بزع الزيت
انا.. سكتت
علي .. السكوت علامة الرضى
انا.. لا الكسوت علامة اني نسب فيك ف سري رضى هذي خالتك
مالك.. خش وين أسرار
سهيلة.. علي طاح ورفعاته للدار
مالك.. اها تمام كان طلعت قوليلها انا رفعت عمي عيسى للمحل
سهيلة.. ماتعطلش
ساجدة.. خبطت الباب
انا.. فتحتلها
ساجدة.. خودي هذا المرهم وهذا لبس غيري بيه
انا.. يسلمو
علي.. مقعمز ع السرير ويفتح ف بطم قميصه
انا.. شفتله شن دير
علي..😏 بتدهني فوق القميص يعني
انا.. مش شرط ارفعه الفوق وخلاص
علي.. تعالي ساعديني وحوليه ليا
انا.. حولت عبياتي والوشاح اووف منك وقربت عليه وقعدت نحوله
علي.. خاطري نحضنها
انا.. صلحتله الوسايد هيا تمرقد
علي.. رقد ع بطنه وانا قعدت جنبه وحطيت المرهم وبديت نمسد فيه
علي .. بشويا
انا.. تبيني نلمس يعني
علي.. نقلب ع ظهره وجبدني فوقه
انا..😳😳 مش ع اساس فيك الموت
علي.. مركز ف عيوني بنقولك كلمتين وأفهميهم مالك أبعدي عنه ونقصي من الهههههه ونكتك السخيفة
انا.. ليش والله مالك حلو وشخصية ومش نفسية
علي.. وهوا ضاغط عليا جبدني لعند وجهي لصق ف وجهه بتسمعي الكلام ولا تعرفي شن بندير
انا.. شن بدير يعني بتقضي عليا بشوية مطهر والا بتغسلني بلايف بوي
علي.. وهوا يتنفس ع وجهي حاتنسى حاجة إسمها جواز سفر ونحبسك ف دار ونعزلك عن العالم
انا.. حاولت نبعد عنه
علي.. كان ضاغط عليا فهمتي
انا.. تمام بعد عني حاسة روحي ف حمام بخاري من النفس متاعك
علي .. رخاني وناض قعمز
انا.. الله توا نمشي ندير تقشير لوجهي بعد البخار الى درته لوجهي
علي .. خش للحمام ودوش
انا.. حلوة داره الحقير وشفت صورته مع بوه غريبة مش حاطها ف حوشه بس بوه مش غريب عليا شايفاته وين مش عارفة خلي نغير دبشي أكيد بيعطل ف الدوش هوا حولت دبشي ولما جيت بنلبس دبش ساجدة كان عبارة عن روب أحمر قصير 🤬😡شن قلة الأدب هدي ونسمع ف علي يفتح ف الباب لبسته بسرعه لأنه اسهل واسرع وكان لفوق الركبة بهلباا
علي..كان حاط الفوطة ع راسه ويمسح ع وجهه
انا.. واقفة ف مكاني وحاطة ايديا ع وجهي🙈
علي.. حول الفوطة وكيف بيحدفها شافني واقفة وجمد ف مكانه
انا.. فتحت اصابعي ونشوفله
علي..🥵🤤وبدا يقرب مني
انا.. متجمدة ف مكاني
علي.. مسك يديا وحولهم
انا.. قعدت نزل ف الروب
علي.. حط إيده ورا شعري وفتحه
انا..🙄😳
علي.. وهوا ساكت نزل راسه لمستوى راسي وهوا رافع حاجبه
انا.. غمضت عيوني بخوف
علي.. شوفيلي
انا.. فتحت عين وحدة
علي.. يتبسم وشاف للجيهة التانية ورجع شافلي
انا.. شن تبي انت بالزبط
علي.. لما بديري إغراء ديريه ع أصوله مرة تانية الروب مقلوب
انا..قعدت نشوف لروحي ونشوفله اولآ انا مستحيل نغريك ولانحاول نفكر بالموضوع تانيآ اختك هيا الى جابتهولي ثالتآ مش مقلوب هوا هكي موضته
علي.. 😂😂😂 حاندير روحي صدقتك
انا.. رفعت دبشي ان شاء الله عمرك ماتصدق وخشيت للحمام وقبل مانسكر الباب شفتله ونفخت قصتي
علي.. قعمز ع السرير وقعد ياخد ف نفس الحمد لله انى قدرت نسيطر ع روحي وناض طلع
انا.. نازلة من الدروج ونشوف ف بابا ماسك كورة وفرحان
مالك.. اسراري تعالي جبتلك هدية
انا.. لاليش متعب روحك
علي.. كان مركز معانا هلباا
ساجدة.. واسطات وانا خيرني
مالك.. أسراري بس جبتلها تفضلي🎁
أنا.. شكرآ 😊😍
مالك.. أفتحيها
انا.. فتحتها محلاهم اساور يد
مالك.. تلبسيهم بالهناء
انا.. لابنلبسهم ف يدي
مالك.. هههههه
انا.. لبستهم وقعدت نوري فيه شوف
ساجدة.. ترا نشوف
انا.. من بعيد شن رايك
سهيلة&ساجدة.. حلوات
مالك.. صاحبتهم محليتهم
انا..😊 لاحظت صح
مالك.. الأعمى بس الى مايلاحظ
انا.. شفت لعلي
علي.. وكان😡😡😡 خيرك تفنصي
انا.. بابا شوف أساوري
بابا.. يوري فيا ف الكورة
انا.. حلو مالك صح نحبوه
بابا.. ايه
انا.. منو احلا مالك ولا علي
بابا .. مالك
انا.. من زيك بابا عطاك الافضلية
مالك.. منور عمو عيسى
سهيلة.. هيا ياولاد الغداء
مالك .. هيا قعمزي جنبي باهي
انا.. تمام
علي.. كان يشوفلي ويهز ف راسه
قعدنا ع الطاولة بابا ومالك جنبي وعلي قعد مقابلني
انا.. رفعت كمامي شوي عشان نغيظه بالهدية متع مالك
ساجدة.. هههه شوف كيف دير ف يديها
انا .. باينات تشوفو فيهم
مالك .. ههههه
انا.. بصوت واطي بابا ممنوع اللعب باهي
بابا.. يهز بكتافه ويبي يلعب
انا.. لما نروحو وعد نلعبو
بابا .. ناض من الطاولة وهوا زعلان
انا.. نشوف لعلي
علي.. 😒شنو
انا.. خالتي سهيلة عادي ناكل انا وبابا ف المطبخ
سهيلة.. وهيا مستغربة ليش
انا.. عشان عشان ونشوف لعلي
علي.. شنو متحشمة تقوليلهم تلعبي بالأكل انتي وبوك الزيتون الطائر ومضغ الطعام
انا.. اسمها طحن الطعام
سهيلة .. وهيا تضحك عادي ألعبو جنبنا
انا.. بجد😍😍 ومشيت جبت بابا
مالك.. حتى أنا بنلعب
انا.. خود موافقة بابا لأن بابا صاحب النادي
مالك.. عمو عيسى نلعب
بابا .. ايه
وقعدنا نحدفو ف الزيتون ونتلقو فيه
سهيلةوساجدة .. يضحكو اما علي كان يلقى ينوض يخنق مالك
ساجدة.. بنجرب حتى انا
علي..😡🤦‍♂️
مالك.. فعلآ لعبة حلوة وصعبة
انا.. مع التدريب حاتولي محترف
ساجدة.. أول مرة نحس بطعمة الأكل
سهيلة.. غيرتيلنا جو
مالك.. انا بنجي نسكن معاكم
انا..😍😍 ياريت نعلموك لعبة قدف الحمص
مالك.. كيف هدي
انا.. انت توقف بعيد عني وانا نحدفلك الحمص وانت تحاول تتلقاه
ساجدة.. حياتك بسيطة وحلوة
انا.. التعقيد مستحيل يعيشك
سهيلة.. فعلآ وتشوف لعلي
انا.. يعني انتي بتعيشي مرة وحدة معقولة تفوتي حياتك كلها وانتي تلبسي ع ذوق الناس وتاكلي زي الناس وحارمة نفسك من هلباااا حاجات عشان الناس
مالك.. انتي عظيمة ياأسرار
انا.. 😇😎 انا مش عظيمة انا لحمة 🙄
فات يومي كله وانا مع مالك
علي.. هيا نوضي
سهيلة.. خليكم تعشو
مالك.. لا خليكم
علي.. لامرة تانية
انا.. هيا بابا
سلمنا عليهم وروحنا
ف السيارة
بابا .. رقد وانا وعلي ساكتين
علي.. شن قتلك انا ع مالك
انا.. وانت خيرك زعلان ولاغاير منه
علي .. لا مش غيران
انا.. غيران
علي.. مش غيران
انا..غيران
علي.. مش غيران
انا.. مش غيران
علي.. غيران😳
انا.. 😏😂
علي.. 😡مش تصدقي روحك
انا.. شوف قدامك وبوووم خشينا ف سيارة قدامنا
علي.. ضرب راسه ف الدومان
صاحب السيارة هرب
انا.. بابا ونشوفله فيك شي تحس ف شي
بابا.. كان وضعه كويس
علي.. وهوا يشوفلي انتي كويسة وحط ايده ع وجهي
انا.. متخافش مابيا شي
علي.. الغبي هذا مش عارف خيره وقف فجأة
انا.. حاسة ان باسط ورا الموضوع
وصلنا للفيلا
انا.. بعد طمنت ع بابا انه رقد رجعت للدار ورفعت وسداتي وغطايا
علي.. وهوا مسند ع السرير وين ماشية
انا.. بنرقد مع بابا
علي.. بترقدي هنا
انا.. انا🙄 بنرقد مع بابا
علي .. وقف قلنا بترقدي هنا وتم الموضوع
انا.. بنرقد عند بابا وهنا تم الموضوع
علي.. تمام مش انتي هكي مشى للباب وسكره بالمفتاح أطلعي توا
انا.. مبردك
علي.. المهم مافيش طلوع
انا.. باهي هدرزلي
علي.. ماعنديش نيه
انا.. فتحت تلفوني وفتحت أغاني سعد المجرد سلينا سلينا وبعد وصلت لنص ألاغنية فتحت سورة الجن وبعدها قلت صدق الله العظيم ورجعت فتحت الأغنية شوية وفتحت السورة
علي.. انتي كافرة ولامجنونة ولاشن طينتك بالزبط
انا.. هههه قاعدة نلعب مع الشياطين نفتح ف الأغنية باش يتجمعو كلهم وبعدها نديرلهم ف سبرايز ونشغللهم القرأن
علي.. 🤦‍♂️😂
وفجأة توصلني رسالة
يتبع