الوسواس القهري ( روايات ليبية )

حلقة 4🔥

#الوسواس القهري4

بقلم.. القطة الشريرة

علي.. مسك التلفون علقوه من رجليه واتصل بيا فيديو بعدها
تهاني .. العانس اسرار تزوجت واحد معبي مش مصدقة والله
يسرى.. حتى انا زيك الحقيرة حطت عينها ع رجلتنا وقعدت تحكي معاهم لين شبعت وتوا متزوجة وعايشة مع واحد عنده فلوس
تهاني.. شن رايك نديرولها زيارة
يسرى .. شن بنديرو عندها
تهاني.. نشوفو هيا كيف ووين عايشة
يسرى .. تمام
علي .. اسرار وهوا يعيط
انا.. خيرك تعيط
علي.. لأخر مرة بتنظفي والا لا
انا.. والله هذا وين بديت ف الشغل مليح
علي.. معناها شوفي وحط تلفونه قدام عيوني
انا.. بابا وكان معلق من رجليه وايديه مربوطات الخلف ياحقير ياواطي بابا ماعنده دخل نزله ونعيط
علي.. بتنظفي والا نقوللهم يضربوه
انا.. نبكي لابالله عليك لا نزله خلاص نزله
علي.. بتنظفي معناها الى درتيه
انا.. هزيت براسي باهي تمام
علي.. تمام نزلوه وسكر
انا.. مسكته من رقبت القميص وحق ربي حاتندم ومش حانفوتهالك بالساهل
علي .. مسكلي يديا وبعدهم وقعد يشوفلي
انا.. فكيت ايديا ومشيت
علي.. خش وقعد يدوش
انا.. دوشت ولبست قفطان ابيض قصير للركبه ودرت شعري كعكة الفوق وخشيت عند سلمة ف المطبخ
سلمة.. ياريت يقدر يساعد انت
انا.. شايلة العدة متع التنظيف وبديت ف التنظيف لو نحساب روحي انى الى بنظف هذا كله كنت وسخت شويا
علي.. طلع من الدوش وقعد يفكر فيا ليش كل مانقرب منها ننسى الوسواس ونبطل نفكر انها معبية جراثيم نبي نشوفها خاطري نشوفها
انا.. اااوووف وأخيرآ كملت الصالة
علي.. كان ماسك اللابتوب ونازل وهوا لابس سروال بيج وتشيرت أسود وقعد واقف يشوفلي
انا.. ولاكأنه موجود كملت التنظيف
علي .. قعمز ع الصالون وفتح اللابتوب وبدا يشتغل
انا.. مصح وجهه وخلاص وكأنه مافيش مكان تاني يخدم فيه أحسن شي نسببله ازعاج باش يفك عن مدهبي ع قولة التوانسة وبديت نقربع ونغني زعما نحرق ولا ليلا نخمم ف الحرقة ف بالي زعما نحرق ولا ليلا عايشة مع واحد حرامي اسمه علي بابا مداير روحه شخصية وخاطف بابا ويعاقب فيا لكن انا منه مش خايفا
علي.. وقف وجاني ضمي فمك وهوا ضاغط ع سنونه
انا.. مش قتلي نظفي اهو نظف لكن ماقتلي ماتغني
علي.. هذا مش غناء هذا تلقيح
انا.. يااي جرحت مشاعرك كأنو
علي.. بطلي تستفزيني
انا.. عطيته بالظهر وقعدت نشف ف الأرض على بابا ياسراق وجهك زي مفتاح الباب
علي .. مسكني من كعكتي ونفتحت
انا .. شفتله خيرك انت لاصق فيا تبي شي
علي .. تعرفي تسكتي ولانكلمهم يعلقو بوك
انا..ناكل ف روحي خاطري نهجم عليه وندبحه ونديره بورديم
علي.. حط ايده ع راسي تسلملي الشطورة خليكي هكي تسمعي ف الكلام وعطاني بالظهر وكان ماشي
انا.. مسكت سطل المية وبزعته عليه
علي ..🤬😡
انا🤭 نظف وانت جيت ف طريقي
علي .. كيف بدا يقرب مني 😡
انا.. 🏃‍♀️هربت
علي.. يشوف لروحه وهوا مبلول ويشوفلي كيف نجري وقعد يتبسم
انا.. ياربي عطيني صبر الأرملة وهيا ف العدة
يسرى .. هيا وتيت
تهاني .. ساعة وانا نراجي
يسرى .. هيا طلعنا
انا.. مقعمزة ع السرير وحاطة ايدي ع خدي ونفكر كيف نخليه يرجع بابا لازم ناخد منه أهم شي بس شن هوا الأهم شي هذا وقطعت حبل أفكاري سلمة
سلمة.. ف جماعه البرا يبوك انتي
انا.. جماعة منو الجماعة ماتقوليش جماعة الإخوان المسلمين
سلمة.. يسرى ومعاها نفر تاني
انا.. معناها صدقت لما قلت جماعة الإخوان تمام توا ننزل
يسرى .. ريتي وين عايشة الى ماتتسمى
تهاني.. شوفي الرخام والكريستال حاجات خيال لاوعندها خدامة عشنا وشفنا
انا.. غيرت دبشي ولبست بنطلون اسود وبلوزة صفرا خليت شعري مفتوح ودرت شويه مكياج وبخيت عطر ومشيت جري عند علي عشان مصلحتي وفتحت عليه الباب
علي.. ماتعرفيش تخبطي قبل ماتخشي
انا.. مشيتله جري وقعدت جنبه ع السرير
علي.. رافع حاجب واحد🤨 ويشوفلي
انا.. نبي نقلده بس كانو يرقو حواجبي الزوز
علي.. 😂منظرك عار
انا.. مش زي العار الى دير فيه
علي.. 😠
انا.. مش جاية بنتعارك
علي.. شنو امالا
انا.. فيه زوز من عيلتي وهما نفس فصيلتك oسم وحقد وكفر تمام جايات بيشوفو انا كيف عايشة وراجلي شن شكله بس انا مانبيك تنزل ولاتوري وجهك تمام
علي.. يشوفلي لا
انا.. خلي خلافاتنا العائليه ع جنب وبطل حركات اطفال ودير زي ماقتلك لأنى مانبيش ندير حاجات غلط
علي..🤦‍♂️🤔 وضحي أكثر
انا.. يعني مانبيش نقول عليك راجلي ولاحبي ومانبيش نمسك ايدك بحداهم لأني نعرف روحي مش حانمسك نفسي قدام حقارتهم وبنبدا حقيرة زيهم
علي.. 😏 بخبث أوكي
انا .. تمام ونزلت
يسرى .. كان قعدتي الفوق أحسن
انا.. والله مشغولة الحق يعني لو خديتو موعد كنت ستقبلتكم ع الباب
تهاني.. وين كنا وكيف أصبحنا
انا.. الحمد لله كل حد ياخد ع قيس نيته
يسرى.. شن قصدك ان انتي نيتك صافية ونحنا نيتنا خبيثة
انا.. الحمد لله انتي قلتيها
تهاني .. عمومآ مش وقتها الدوة هدي وين راجلك ناديه خلي نتعرفو عليه ولاغير انتي مسموحلك تتعرفي ع رجالتنا
انا.. قصدك العويل مش رجالتكم
يسرى.. لاهكي هلبااااا
انا.. نبصر ياودي سلمة ياسلمة جيبيلهم عصير خلي يبردو بيه
علي.. كان يسمع ف هدرزتنا ونزل
انا.. نفنص فيه
علي..السلام عليكم
يسرى وتهاني .. وقفو وفتحو فامهم
يعني كانو مستغربات كيف واحد بجمال علي طول وهيبة وشخصية تزوجني طبعآ معروفة الشينه يأخدها القنين والقنينه ياخدها الشين 😍😍😂
علي .. قعمز جنبي كيف حالكم
تهانى ويسرى الحمد لله
علي .. عرفيني
انا.. بنات السلطانه اااا قصدي بنات خالتي هدي يسرى وهدي تهاني
علي.. بجودة بيكم
يسرى .. مشاء الله عليك أسلوبك يهبل مش زي بعض الناس
علي .. تسلمي هذا من ذوقك من عيلة من انتو
انا.. من عيلة عمك كوين (Queen )
علي.. عندنا ف ليبيا عيلة بالإسم هذا
انا.. طبعآ اهما بنات خالتي وحدة سوسو كوين ووحدة ميمي كوين غير مسعودة كوين ودهيبة كوين وجمعه كوين يعني كلهم من بنيQueen
علي.. ماسك ضحكته اي مشاء الله
يسرى.. وهيا قريب تبكي ع فكرة راجلك احلا منك
انا.. ايه حبي مشاء الله عليه الحق مش غير حلو ويهبل ونشوفله بحقد مع ابتسامة
علي.. احم وهوا بيضحك
تهاني.. وين بوك ان شاء الله غير مش محشمك معاه
انا.. كيف بنسخن فيها مسكني علي من يدي
علي.. عمي عيسى الصراحه مافيش منه ينحط ع الجرح يبرا
انا..😧 ونشوفله
علي.. زيه زي الحلوة هدي
انا.. هذا شكله سكران
يسرى .. حتى نحنا ننحطو ع الجرح يبرا ع طول
انا.. لا الصراحة انتو تنحطو ع الجرح يلتهب
علي.. قعد يضحك
تهاني .. نوضي وخيتي نروحو
انا.. خيركم مزال الوقت
تهاني ويسرى طلعو من غير ولاكلمه
انا.. ههههاي منور علي وحضنته
علي..😳😳
انا.. حي غبية وبعدت عنه وركبت للدار
باسط .. رقمها مقفل كيف بنوصل فيها
سالم.. فوتها خلاص
باسط.. ناخدها من العيل هذاك وبعدها نفوتها توا بنجيب معلومات عليه وندور كيف نودره
علي.. كيف انا نزلت للمستوى هذا كيف سمحت لروحي اني نحط روحي ف موقف زي هذا حاس روحي بديت نولي زيها
سلمة.. نادتنا ع الغداء
علي.. نزل وقعد يراجي فيا
انا.. نازلة من الدروج عادي و مانتزحلق
علي .. يشوفلي مش ماشي معاها الزعل بكل
انا.. قعدت ع الطاولة ومسكت الكاشيك وقاعدة نلعب بالأكل
علي .. يشوفلي كولي
انا.. رجعلي بابا
علي.. 😒مزال ماتربيتي
انا.. متربية وغصبآ عنك رجعلي بابا هوا ماعنده ذنب
علي.. ذنبه انه أبوك
انا.. بترجي عاقبني انا عادي نتحمل لكن بابا طلعه من الموضوع
علي.. نديرلك تحديات لو فزتي فيهم نطلعه
انا.. تمام موافقة
علي.. مرات مش حاتقدري عليهم
انا.. نقدر ندير كل شي
علي .. متأكدة
انا.. درتله💪بإيدي البطلة اسرار لاتخشى الاشرار
علي.. يتبع