الوسواس القهري ( روايات ليبية )

حلقة 9🔥

#الوسواس القهري9

بقلم.. القطة الشريرة

علي.. احم احم ورد نعم شن هوا وتغيرو ملامح وجهه جاي توا
انا.. خيرك شن فيه
علي.. شي شي وطلع يجري
انا .. زعما شن فيه وقعدت الليل كله نراجي فيه
علي.. كيف صار هكي ويعيط
باسط.. كان واقف بعيد ويتفرج ويضحك المرة هدي جاتك ف المخزن المرة الجاية حاتجيك ف الشركة ومرات تجيك ف الفيلا من يعرف
انا.. لازم ندير تلفون ف الجديد الوضع زاد عن حده
وبعدين انا ليش مشغولة عليه شن يعنيلي هوا لازم ندكر ليش تزوجته انا عشان مصلحتي انا وبابا بس غدوة حانطلب منه تلفون عشان نكلم بيسو
ساجدة.. اهلين حبي شن أخبارك
يزن.. تمام ياقلبي وإنتي
ساجدة.. تمام التمام
يزن.. اليوم حكيت انا وامي وحددنا موعد العرس
ساجدة.. بجد حبي أمتى
يزن.. بعد أسبوعين حاتكوني مرتي
ساجدة.. تعرف حبي صح نراجي ف اليوم الى حانكون فيه مرتك بس لما قتلي ع الموعد حسيت بخوف ونبي نقعد عند أمي
يزن.. هههههههه متاخفيش ياحبي
فات الليل كله وانا نراجي ف علي تي هذا وينه أذن الفجر وماجاش
علي.. فتح الباب
انا.. نجري وين كنت خيرك عطلت
علي.. بدون ولاكلمة
انا.. خيرك نكلم فيك
علي.. أطلعي منر راسى وفوتيني وخش للدوش
انا.. زعما عرف بالخطة متاعي اوووف نمشي نرقد وخلاص وخشيت لفراشي
علي.. طلع من الدوش وخشلي ف الدار اسرار اسرار
انا.. نعم
علي.. رقدتي
انا.. شن تشوف فيا نرقص مثلآ🙂
علي.. عادي نرقد ف حضنك
انا.. نضت قعمزت وشوفتله خيرك علي شن بيك وليش طلعت مستعجل
علي.. مانبيش نتكلم نبي نرقد ف حضنك بس عادي
انا.. الليلة ع 100د ولو تبي ترقد ف حضني وتبكي ب250 ولوتبي ترقد ف حضني مع الإحساس بالراحة والأمان ب3000
علي.. ههههه حتى مهرك مادفعت فيه 3000
انا.. 😔😔 جيت ف الوقت الى كانو عيلتي مدايرين تخفيضات
علي .. قرب ورقد ف حضني اسسس خلاص نبي نرقد
انا..حسيت بقلبي يدق هلباااا مش عارفة ليش بديت نحس هكي مستحيل نحبه مستحيل
ف الصبح
ساجدة.. ماما ياماما عرسي بعد أسبوعين
سهيلة .. تي غير صبحي قبل
ساجدة.. خايفة ياماما ومتوترة وامس ماجاني النوم بكل
سهيلة .. عادي ماتخافيش ان شاء الله خير
مؤيد.. شني اليوم بتمشي
أم الخير توا بتجي أختك دهيبة وبتقعد مع بوك وانا بنمشي
مؤيد.. كويس بكل وهدديها ع قد ماتقدري ببوها
أم الخير.. إن شاء الله
أنا.. فتحت عيوني ولقيت علي مزال راقد ف حضني كان أحساس حلو هلباااا ليش بنهرب وانا حاسة بالأمان معاه أصلآ حاسة إني مش قادرة نفارقه ليش مانعطي لعلاقتي بيه فرصة ممكن يكون هوا هذا حبي الحقيقي خديت خصلة من شعري وقعدت نحرك فيها ع وجه علي
علي.. قعد يبعد فيها
انا.. رجعتها وقعدت نحرك فيها
علي.. فتح عيونه أعقلي يابنت
انا.. لعلمك انا انسانة مش مخدة نوض راني تشنجت
علي.. زاد خش ف حضني لا مش نايض
انا .. شن هالصقة بعد عني وبديت نحول فيه
علي.. اعقلي يابنت احسلك
انا .. للأسف مزال ماطلعلي ضرس العقل بعد
علي .. رخاني وجاء فوق مني ومسكلي ايديا الفوق
انا..😳😳
علي.. شن قتلك أنا
انا.. 🥺🥺 بعد من عني انا انسانة عندي ضغوطات نفسية وانت زايد عليا الحمل
علي..😂😂😂 ومش مبعد عليك وبدا يقرب
انا.. ماحكيتلي خيرك امس زعلان
علي.. ناض من فوقي 😠😠يعني لازم تنكدي عليا
انا.. شي طبيعي كان مانكدت عليك منستاهل الجنسية الليبية
علي.. 🤦‍♂️🤦‍♂️غبية
انا.. قولي خيرك امس باه
علي.. المخزن الى نخزنو فيه ف البضاعة نحرق وخسارتنا كبيرة
انا..😟كيف نحرق
علي.. بفعل فاعل
انا.. منصوب ولامجرور
علي😠😒الحق فيا انا الى نحكيلك
انا.. بجديات كيف بفعل فاعل
علي.. الغفير لقيناه مغمى عليه ولما فاق قال فيه من ضربه
انا.. متعارك مع حد انت
علي.. لا اصلآ مانخالط ف حد
انا.. هذا كله عقاب ليك لأنك تحارب ف الجراثيم
علي.. لاحول الله
انا..نبصر عليك شن رايك توكلني محامية
علي.. كيف نوكلك
انا.. توكلني لحوم اسماك عصاير 😒
علي.. ونبي هني روحك على اساس محامية وجو
انا.. انت شن فهمك مافيش من يفهم ف قدراتي الا مالك
علي😡😡 صكري ع الموضع وخلينا صحاب
انا.. تمام
خشيت دوشت ولبست بلوزة وردية وبنطلون ابيض ف الوردي ومشيت صبحت ع بابا وتيتله دبشه وخش دوش وطلع
علي.. يدوش ويفكر كيف بيعوض الخسارة الى خسرها
سلمة وتت الفطور ونادتنا
انا.. بابا شن رأيك نمشو للملاهي اليوم
بابا .. عجباته الفكرة
علي.. كان جاي وسمعنا وكان لابس سروال امريكي وقميص ازرق كحلي مافيش مشي
انا.. 🥺ليش
علي.. مش صغيرة إنتي باش تمشي للملاهي
انا.. اسمها ملاهي يعني ترفيه وتغيير جو للكبار والصغار
علي.. قلنا لا
انا.. باهي بنمشو للملها
علي ..شرق شن هوا
انا.. الملها
علي.. قصدك الملها الليلي
انا.. ايه غير هذا ف النهار ويمشوله جميع الفئات العمرية
علي..😒 مش كان غيرتي الإسم معناها مسموحلك لا يعني لا
انا.. ربعت ايديا وقعدت ننفخ ف القصة
بابا .. ربع يديه وبدا يقلد فيا
علي.. حط ايديه ع الطاولة وقعد يشوفلي ومرقي حاجب واحد شن قلت ع الحركة هدي
انا.. نوض بابا نمشو لدار
بابا.. مسكلي ف يدي وركبنا
علي.. مجنونه ومسك التلفون وقعد يدير ف اتصالاته
انا.. بابا كبر الخط عشان لما يقرا يفهم
بابا.. هز براسه
دهيبة .. أحسن ماديرولها خلوها تخصصلكم مصروف هيا بتعيش ف نعيم وانتو بتتشحورو
أم الخير .. ماتوصيني بنطلعه من عينها
انا.. هيا بابا امسكها الورقة زي وإمشي ورايا باهي
بابا.. باه
انا.. فتحت الباب ورفعت الورقة فوق وبديت نعيط الشعب يريد اسقاط النظام الشعب يريد اسقاط النظام
بابا.. كان ماشي ورايا ويقول ف كلمات مش مفهومه
انا.. بدنا نعيش بحرية وعلي رمز الدكاتورية
علي.. قاعد ع اللابتوب ويسمع فينا وناض وقف جنب الدروج
انا وبابا .. كنا نازلين ونشوفوله ارحل ارحل ارحل
علي.. يقرا شن كاتبين علي عدو الإنسانية وعدو الضحكة والتسلية وشاف لروقه بابا الى كانت عبارة عن رسومات ورموز
علي..🤦‍♂️وقعد يضحك
انا.. شن تضحك
علي .. مافيش طلوع
انا.. قعدت ع الدروج وبابا قعد بجني وقعدنا نتسخفو
انا.. الله غالب يابابا انا وياك طول عمرنا بنقعدو من غير حظ وين مانمشو يحبسو فينا بس وين بيمشو من ربي ارفع يديك خلي نتحسبو فيهم
علي .. لاااااا فكينا بوك نية مش ناقص انا
انا.. معناها طلعنا
علي.. مش تبي زواج سفر
انا..🙄 انت قاعد متفكر
علي.. اكيد عشان الظرف بس نوضي ألبسي توا كلمني صاحبي يخدم غادي وبيديرلي واسطة
انا.. ليش مستعجل باه
علي.. عشان الظرف ياهمي
انا.. تمام ونبي تلفون
علي.. 😒 عشان تكلمي حبيب القلب
انا.. لو نبي نكلمه عادي ندير تلفون سري من وراك مش حاجة صعبة عليا
علي.. 😒😒 بعدين مصيرك حايكون المووت امشي ألبسي
انا.. تمام وركبت لبست عبايتي
مشينا لمصلحة الجوزات وخشينا ع طول
رائد صديق علي .. رحب بينا
علي.. قعمز ياعمي عيسى هي
بابا.. قعمز وخدوله الصورة متع الكمبيوتر
علي .. هيا إنتي
انا.. قعمزت وصورت
علي .. منور ياقدر
رائد.. مادور شي وف أقرب وقت حاتستلمهم
ورجعنا للبيت
علي .. فتح الباب ودخلنا
انا.. ووووه أم العمايل
ام الخير .. وقفت هيا والرداء الأسود الى زي قلبها
علي.. خيرك انتي
انا.. مش وقته توا
أم الخير .. يابنتي وبدت دمع
انا.. اللهم نسألك حسن الخاتمة شكله المسيح الدجال طلع ع الدنيا وسلمت عليها
علي.. وهوا ماسك الضحكه سلم عليها من بعيد
ام الخير .. شن حالك يابنتي وشن مدايرة والله الحوش من غيرك فاضي
بابا.. حدف عليها الشبش صارلها زي لقطت جورج بوش والعراقي
علي..يفنصلي
أم الخير .. هههه بسلامته وخي قاعد زي ماهو
انا.. ساكته ونشوفلها عارفة ورا جيتها شي
أم الخير .. جدك ديما يسأل عليك تعرفي الفترة هدي كلها تاعب وماعندنا حتى حق الدوا
علي .. كان مستغرب كيف انا ساكته ومانتكلمش
بابا .. جاء من وراها وحط وشاحي ع رقبتها وجبدها
علي .. وقف لا
انا..😂😂😂😂😂
ام الخير تفطفط بيقتلني بيقتلني
علي.. يجري بعد عليها بابا ورفعه للدار
ام الخير تضحكي صار عاجبك يعني اسمعيني كويس جدك مريض ويبي شمالات ودوا أطلبي من راجلك وخليه يخصصلك مصروف
انا.. بوكم وانتو ملزومين بيه
ام الخير .. وخالك مؤيد قالك يبي حق سيارة وحتى هدي اطلبي حقها من راجلك ع الأقل ردي الجميل الى قدمناهولك عانيناك انتي وبوك لين طلع الشيب من روسنا
انا.. الحمد لله خدمت ع روحي وعلى بوي وماعمري خديت منكم قرش
أم الخير.. ديري الى قتلك عليه وماتخلينا ناخدو بوك غصبآ عنك وقدام عيونك وانتي ساكته تسمعي فيا
انا .. الى بديروه ديروه بوي خط أحمر وياويلكم مني لو حاولتو تقربو عليه
أم الخير.. معناها ماتعرفيش عمامك من
انا..ف خاطري يبو يحشموني مع الراجل باش يقول خاشة ع طمع وبيستغلو بابا عشان يضغطو عليا خلي نسايرهم لعند يطلعو الزواجات الواضح مش حايخلوني ف حالي
ام الخير.. كلمت مؤيد وجاء روح بيها
علي.. خيرها ماقعدت تغدت
انا.. سم الهاري يمحمطها
علي.. عيب عليك عمتك
انا.. هدي ابو لهب متعنا
علي ..😂😂 عيب
انا.. ركبت وخليته
علي .. طلع
انا.. تعرف يابابا نحنا لازم نطلعو من هنا خوتك يبو ياخدوك مني
بابا .. يشوفلي
انا .. توا نرفعك لمكان بعيد عليهم
مالك.. حنينا ليش خالو مايجي ويجيب اسرار
سهيلة.. علي مايرتاح الا ف حوشه
مالك.. باهي ع الأقل يجيب أسرار
ساجدة.. تشوفله وشن بدير بيها
مالك.. جوها عجبني
ساجدة.. 😒 وانا مش عاجباتك يعني
مالك.. هيا جوها ضحك وانتي من لما حددو العرس بديتي نكدية
سهيلة .. والله صدقلك مش عارفة خيرك
علي.. أسرار ياأسرار
انا.. نزلتله نعم
علي.. خيرك جوك مش عاجبني
انا.. شي
علي.. شوفي شن جبتلك
انا.. شنو جبتلي
علي .. تلفون
انا..😍 وأخيرآ
علي.. وجبتلك شفرة
انا.. لامانبيش شفرة شفرتي قاعدة
علي.. عشان لما يتصل حبيب القلب يلقاك
انا.. لإنها شفرة أمي الله يرحمها وتاني شي نقدر نكلمه حبيب القلب بالشفرة الجديدة عادي
انا.. انت خيرك معايا مش خاينة أنى راه
علي.. ركبي الشفرة وهاتي رقمك
انا .. شفرتي الفوق وتاني شي مش حافظة الرقم
علي.. كيف مش حافظة الرقم
انا.. لأن مافيش اي سبب حايخليني نتصل بروحي
علي..🤦‍♂️ حق ماقتلك
انا.. شنو
علي .. ساجدة حددولها العرس بعد أسبوعين
انا.. ربي يتمملها ع خير
علي.. من غدوة بنرفعك غادي
انا .. تمام
سالم.. مش حرام الى درته حرقتله المخزن
باسط.. انا متأكد ماحركت فيه شعرة حرقت المخزن
سالم.. وليش حرقته
باسط.. نبي النار تقعد تاكل فيه شوي شوي
انا.. سرحانة ونفكر كيف بنهرب وأمتى توا عرس ساجدة بعد أسبوعين ولو هربت قبل العرس أكيد حانديرلهم فضيحه ونفسد عليها فرحتها حرام هما مايستاهلو
علي.. كان طول الوقت يشوفلي
انا.. أحسن شى نهرب بعد العرس
علي.. يابنت إنتي يابنت
انا.. نعم
علي.. الأكل برد وإنتي ماكليتي
أنا.. ماعنديش نيه
علي..خيرك اليوم مش عاجبتني
انا.. شي ناقصة نوم بس ونضت ركبت للدار
علي.. زعما خيرها
انا.. فتحت الوتس وتصلت ببيسان
بيسو.. أهلين يابنت وينك انتي
انا.. تلفوني كان فاسد وتوا صلحته شن جوك
بيسو.. تمام وانتي
انا.. تمام حبي بس نبي منك خدمة
بيسو ..عيوني ليك
انا.. بعد أسبوعين بنهرب من هنا مع بابا ونبيك دبريلي ف مكان عندك ف الجزاير
بيسو.. ياكلبة معقولة انا قاعدة وندبرلك ف مكان بس ليش بتهربي
انا.. توا مانقدرش نحكي صكري ونكملو كتابه
بيسو.. تمام
انا.. كيف بديت نكتب رن عليا رقم غريب ورديت الو
علي.. خلي نوض نشوف خيرها شغلتني هالبنت
انا.. انت ليش متصل بيا ياواطي
باسط..ليا هلبا نتصل ونلقى فيك مقفل ستاحشتك تعرفي
انا.. انت شن تبي مني خليني ف حالي
باسط.. انا نبيك إنتي ياأسرار
انا.. ياباسط ارجوك أسمعني
علي .. ياحقيرة
يتبع