الوسواس القهري ( روايات ليبية )

حلقة 6🔥

#الوسواس القهري6

بقلم القطة الشريرة

علي.. كانو عيونه عليا ويتبسم من غير وعي مجنونه البنت هدي
انا.. الليل كله وانا نخدم
علي .. ااوووف فيه ريحة ف الدار
انا.. مبطوحه ع بطني ومقابلة اللابتوب ونكتب
علي.. يدور ف الدار ع مصدر الريحة وحاط ايده ع خشمه بس مافيش شي انا عارف من وراه الموضوع اكيد هيا مافيش غيرها وطلع من داره وفتح عليا باب الدار
انا.. شفتله ورجعت شفت للابتوب
علي .. قعد سرحان ف منظر شعري الى كان مفتوح والقصة الى كانت كل شوي تنزل ع وجهي والقلم الى حاطته ف فمي
انا.. نتكلم والقلم ف فمي ماتخافش الخدمة ماشية تمام
علي.. فاق ع روحه انا مش جاي عشان هكي بس انتي شن حاطة ف الدار
انا.. 😒😒وامتى طلعت انا من هنا باش نحطلك حاجة ف الدار
علي.. متأكد انك ورا الريحة الغريبة الى ف الدار
انا.. حي زعما الحوش مسكون
علي.. انتي ورا الموضوع
انا.. انت جاي وناوي الشر كأنك
علي.. انا جاي وبنرقد هنا
انا.. ف خاطري يافرحة ماتمت لاغير مسموح ارقد ف الصالة ف المطبخ ف اي داهية
علي .. انا بنرقد هنا اوكي
انا.. الحقير يبي يقهرني لعنة الله عليه
علي.. كيف بيرقد ع السرير
انا.. جبدت منه وسادتي
علي.. هاتيها جاي وجبدها
انا.. هذا خير أمه مش موسوس
علي.. ف خاطره ريحتها تهبل
انا.. مريض وااحد
فات الليل وانا نخدم مرة نقعمز ومرة نتكى ومرة نوقف وكل مانشوف ف علي نلقاه راقد سعوده الغبي راقد بس اول مرة نشوفه راقد وقربت عليه وقعدت نحفظ ف ملامحه وجهه معبي ندوب من الجروح رقبته حتى هيا إيديه مسكين بجد ربي يكون ف عونه ونضت كملت شغلي
علي .. فتح عيونه وقعد يضحك مجنونه
الساعة.. 5.59دقيقة
انا.. ههههيييييي كملت كملت كملت
علي.. ناض مقعمز شن هالعياط
انا.. قعدت نقز ع السرير كملت كلمت يلا رجعلي بابا ورجلي تشكلت ف الورغان وطحت ع بطنه
علي.. اااااااااه
انا.. حي اسفة اسفة
علي.. ابعدي من قدامي
انا.. بجد اسفة بس لما نفرح نحب نقز طالعه لعمتي سدينة زي الضفدع
علي.. بدا يضحك وتسند ع السرير
انا.. بترجي علي ومسكتله يده
علي..🥵 حس بروحه سخن نعم
انا.. هيا نوض جيبلي بابا
علي.. حتى الفجر مأذن مزال وبعدين خلي نشوف الشغل كويس ناقص تام يعني حرف واحد يضيع الشغل كله
انا.. اووووف ربعت ايديا وقعدت ننفخ ف قصتي
علي .. بطلي
انا.. قعدت ننفخ فيها هلباااا
علي .. بعياط قتلك بطلي
انا.. نزلت من السرير بنزيد نراجع الشغل
علي.. قاعدة ف باله صورتي وانا ننفخ ف القصة تي انا شن قاعد نديررررر
انا.. قعدت نراجع وخداني النوم من دون مانحس ع روحي
علي .. خيرها سكتت الفرخة هدي وقام راسه باش يشوفني ولقاني راقدة كان اللابتوب جنبي ومفتوح وشعري كله جاي ع وجهي وماسكه القلم بإيدي
علي .. حس بنوع من تأنيب الضمير وناض من السرير وجاء قعد جنبي سكر اللابتوب وبعده وخدا مني القلم وقعد يحولي ف شعري من عن وجهي البنت هدي غريبة كيف قدرت تسيطر عليا ليش بديت نفكر فيها شن هوا الشي الى عندها وماعند غيرها شوفتها تفرح فيا وكان تفارقني شوي نزعل شن الى قاعد يصير معاي شاف الوسادة الى سميتها بابا وقعد يضحك مجنونه قاملي راسي وحط الوسادة وغطاني وخدا اللابتوب وطلع
الساعة 11.00
انا.. فتحت عيوني وحاسة بجسمي متشنج وراسي بينفجر تي توا صبح ولا ليل ونضت مقعمزة حي ماكملت الشغل وشفت يمين ويسار مالقيت اللابتوب ونضت جري غسلت وجهي ونزلت لوطة
علي.. صباح الخير
انا.. بعد مارجعتلي الداكرة بابا وين
علي.. بابا مش حايرجع اليوم
انا.. ليش
علي.. شن قتلك أمس حرف واحد يضيع الشغل كله
انا.. نعدله مش مشكلة
علي.. للأسف لا انا عطيتك مهلة وفاتت توا
انا.. يعني مش حاترجعلي بابا بعد التعب متع امس
علي .. وعشان السمكة الى حطيتيها ف الدار وعفنتلي الدنيا وقعد ينادي ع سلمة
سلمة.. نعم
علي.. رجعي دبشي للدار الى فيها المدام اسرار
انا.. وارفعيلي دبشي لداره عشان مانبيش نقعد معاه
علي.. لاعقابآ ليك حاتقعدي معايا
انا.. نبي بابا ياعلي
علي .. للأسف انتي مافزتي ف التحدي مانقدرش نجيبلك البابا
انا.. 😡😡 لاهكي هلبااااا رجع بابا وطلقني مانبيش نعيش معاك تسمع فيا طلقني
علي.. نرفزاته كلمة طلقني عشان تمشي لحبيب القلب
انا..نبي نمشي لأي مكان مانشوفش فيه وجهك
علي.. بدون مايرد عليا طلع
انا.. وقح لكن توا يشوف شن بندير فيه خشيت لدار
سلمة .. تبي شي
انا.. طاسة قهوة حبي لأن راسي مصدع
سلمة.. تمام
انا.. بديت نفتش ف دولابه عن شي يهمه هلباااا بس مالقيت شي ومع هذا كملت تفتيش لعند لقيت ظرف
سلمة.. كانت جايبة القهوة انتي شنو يدير هذا استاذ علي قال مهم
انا.. نشوفلها حبي سلمة نبي نطلب منك طلب
سلمة.. شنو
انا.. لما يجي يسألك عليه انتي قوليله ماشفت شي تمام
سلمة .. لاانا يخاف
انا.. معقولة تخافي ومعاك اسرار قاهرة الأشرار
مالك .. السلام عليكم
سهيلة.. ناضت تجري حضناته ياعيوني انت وتبوس فيه وتعاود نورت نورت
مالك.. شن حالك ياأميرتهم والله مش هاين عليا نقولك حناي
سهيلة.. ههههه محلاك ومحلا كلامك شن اخبارك وشن حال امك
مالك .. الحمد لله الأسبوع الجاي بتلحق
سهيلة.. بوك وين حتى هوا بيجي
مالك.. مزال ماقرر
ساجدة.. ملوكي وجت حضناته
مالك.. اقسم بالله الحاجة الوحيدة المنرفزتني انك خالتي واصغر مني
ساجدة.. ههههه بسنه بس ياعيوني
مالك.. ليك وحشة والله
ساجدة.. غبر فيك كلامنا كله تعرفه تكلم انجليزي حتى شوية خلي نحس انك جاي من أمريكا
مالك.. للأسف حلمك مش حايتحقق ههههه
سهيلة .. خليه المنجوه احسن مافيش زي لهجتنا
انا.. بعد ماطمنت ولقيت الحاجة الى ندور عليها خشيت رقدت
فات يومي كله وانا راقدة
ام الخير .. بوك تم الدوا متاعه
عمي مؤيد.. وانا شن دخلي شوفي خوتك وخواتك
ام الخير.. كلمتهم الى هذا يقول ماعندي وماعندي
مؤيد.. كلمو اسرار مش راجلها فلوس خلي تبعت حق ماكلت ببلاش
ام الخير .. من يوم طلعت حتى تلفون مارفعاته وطمنت علينا
مؤيد.. كلميها وقوليلها تبعت فلوس والا تنسى بوها
ام الخير .. فكينا منه هذاك المغولي من بيشده
مؤيد.. انتي قولي هكي بس
سلمة.. اسرار اسرار
انا.. نعم
سلمة.. انا يكمل شغل وبيروح
انا.. الساعة كم توا
سلمة.. السعة10
انا.. حي العشرة رقدت هلبااا
سلمة.. استاذ علي مازال مايجي
انا.. غريبة وين نتلف
سلمة.. كان جاء كل شي واتي انتي سخن بس
انا.. منورة حبي تصبحي ع خير
خشيت دوشت ولبست قفطان ازرق قصير وفيه فرشات وخشيت للمطبخ وانا نفكر ف علي خيره عطل اليوم درت قهوه وقعدت ع التلفزيون وانا نراجي ف علي
الساعة..1.30 وينه لتوا اوووف حتى نقال ماعندي وحتى كان عندي ماعنديش رقمه وقعدت طول الليل ندور ف الصالة بروحي شكله وهوا مروح تجمعو عليه مجموعه جراثيم وهوا قاعد يواجه فيهم مرة يضربهم بصابون لايف بوي ومرة بصابون ديتول 😂😂🤭 لامش وقته الكلام هذا الوضع بجديات بدا يخوف
الساعة.. 4.44 ومزال ماروح
يتبع