# الوسواس القهري 17 والأخيرة
بقلم.. القطة الشريرة
علي .. ماسك ف يدي ولما وصلنا الدروج طلقها شوفي شن بندير وقعد يتزحلق ع الدروج
انا.. 😨😨😨😱
علي.. هيا دورك
انا.. أنت مني
علي.. خيرك هيا إنزلي
انا.. نزلت من الدروج عادي
علي.. ف خاطره فشلت انى نضحكها
انا.. وين سرحان هيا كول
علي.. الزيتون الطائر وبدا يحدف ف الزيتون ويتلقى بفمه وبعدها بدا يأكل ويطلع ف صوت من فمه
انا.. ههههههههههه
علي.. يشوفلي وانى نضحك
انا..يضحك منظرك تعرف
علي.. ستاحشت نشوفك تضحكي
انا.. 😳😳
علي.. ستاحشتك أسف ع كل لحظة زعلتك فيها أسف ع كل لحظة بكيتك فيها ماتستغربي من كلامي غيرتيني بدون مانحس قدرتي تسيطري عليا أكثر من المرض نفسه كنت نفكر فيك ف كل لحظة وكل دقيقة لما سيبتيني ضعت من غيرك رجعت لهبلة عادات كنت مسيبها وإنتي معايا تعرفي شن معنى كلامي الى نحكي فيه معناه انى نحبك ياأسرار وياريت تعطيني فرصة نعوضك ع كل شي
انا.. ساكته وخلاص
باسط.. معقولة الصدفة هدي علي الى خدا حبي مني يطلع خوي ممكن هدي فرصتي عشان نتغير بس كيف ننسى حبي لأسرار كيف خلاص لازم ننساها ونطلعها من دماغي هيا توا زوجة خوي
علي.. شن قلتي
انا.. لازم تقنعني أكثر بحبك
علي..🙄🙄 كيف
انا.. جيب كلب مضروب ف راسه بطلقة كلاشن معوجة وجناح دبانة حولة وشهادة وفاة مختومة وعنز بكوشة ودحية فروج
علي.. هههههه وأخيرآ رجعتي لبرادتك
انا.. نتكلم جديات
علي.. ناض من الطاولة تعالي معايا نوريك
انا.. لا
علي.. شدلي يدي وجبدني بقوة
انا.. وين بنمشو
علي.. هيا معايا بس
انا.. تمام ركبنا لدار ولبست عبايتي وطلعنا
علي.. هيا إنزلي
انا.. شن نديرو ف المقبرة
علي.. بندفنك وإنتي حية
انا.. كان قلبي حاسس من كلامك الى بكري
علي.. هيا إنزلي
انا.. حرام المراءة تخش للمقابر
علي.. عينك هذا كانها بتبكي وتنوح
انا.. باهي ليش جينا
علي.. مسكني من يدي تعالي معايا وخشينا
انا.. كيف حالكم ياأهل القبور عقبال لعلي يارب
علي.. ضمي فمك ووقفنا قدام قبر بابا
انا.. عيوني دمعو بابا حبيبي ياروحي انت وين مشيت وخليتني
علي.. جبتك هنا باش نعاهدك قدام عمي عيسى اني حانحبك وحانصونك وحاندير كل شي عشان نرضيك
انا.. نشوفله ونبكي نبي بابا يرجع
علي .. جبتك هنا باش تدعيله وطمنيه عليك لعلمك راهو يسمع فيك أحكيله حاجة تفرحه
انا.. بجديات تحكي
علي.. ايه
انا .. نمسح ف دموعي بابي ستاحشتك والحيوان علي اليوم لعب لعبتنا متع الزيتون الطائر وطحن الطعام لكنه مايعرفش ونوعدك يابابا ان لعبتنا حاتنشهر زي كأس العالم
علي .. هههه هيا نوضي خلاص
انا.. باي بابا كل فترة وفترة حانجيك زيارة
علي.. مدلي يده هيا مشينا
انا.. كاتر شدان الإيدين عندك
علي.. هياااا
انا.. 😒 حبك زي الفار الى لصق ف لصقة
علي.. يامقرفة
انا.. مسكتله يده هيا
رجعنا للبيت وركبنا للدار
انا.. حضنت علي شكرآ لأنك رفعتني عند بابا
علي.. امتى ماتحبي نرفعك قوليلي
انا.. نشوفله بجديات امتى مانبي ترفعني
علي.. أكيد
انا.. وحق ربي محلاك نحبك هلبة 😳قصدي محلاك بس
علي.. بعدني من عنه وحط إيديه ع وجهي نحبك صار
انا..ماقلت نحبك قلت محلاك بس
علي .. قلتي
انا.. ماقلت
علي.. قلتي
انا ماقلت
علي .. ماقلتي
انا.. قلت
علي.. وقبل مانتكمل قرب مني وباسني بوسة طويلة الى مالانهاية 😂 وفاتت عليا احلا ليلة وكأني عروسة جديدة تزوجت بعد علاقة حب طويله
بعد مرور سنة
علي.. مبروك ياحبي عيسى الصغير جاء
انا.. حبيبي نبي نشوف ولدي
علي.. والله ياحبي نسخة من عمي عيسى
ساجدة.. ياماما كيف ولدك فرحان بولد مغولي
سهيلة.. اسمه متلازمة دايون فرحت خوك بولده خلتني نتأكد انه عايش مع المراءة الصح بعدين المرض مش عيب ولاحرام العيب كله ف العقول المريضة
مالك.. وهوا خاش للمستشفى وماسك هدية البيبي وكان مستعجل هوووب يخش ف وحدة
البنت .. انت اعمى ولاشن
مالك.. رفع راسه وشافلها وعيونه😍😍 أسف
أم البنت اسماء ياأسماء هيا شن عندك واقفة غادي
اسماء .. تمام جاية وكيف بتمشي
مالك.. اسماء
اسماء .. وقفت نعم
مالك.. اشر بصبعه ع الأرض طاح منك إسم
اسماء.. 😳😂
مالك.. مللها رقمه ع السريع لو انتي ليا مش حاتنسيه وترني عليا وفات
اسماء .. ضحكت وفاتت وهيا تردد ف الرقم
مالك .. اسراري وين واخيرآ طلع منها سر صغير
انا.. طلع حبل سري مش سر
علي.. يفنص فيا خلاص انت شن تبي ماد وجهك روح خلاص
مالك.. بنهدرز مع اسراري
علي.. مرة تانية وخدا منه الهدية منور بكل وطلعه وسكر عليه الباب
انا.. حرام عليك الولد جو عليه
علي.. انسيه الفرخ هذا ومزال نشوفك تحكي معاه نقتلك
جابولي عيسى الصغير وكان يهبل
رجعنا للبيت وكانت حياتي تهبل فاتو السنين وعيسى كبر وبدا يمشي مالك تزوج اسماء
سلمة.. استاذ علي ف واحد يبي انت
علي.. تمام واول مانزل لقاه باسط
باسط.. السلام عليكم
علي.. وعليكم السلام وكان مستغرب من جية باسط الى كان طول الفترة المحبوس فيها مايبيش يشوف لعلي
باسط.. مستغرب صح جاي بنستسمح منك وبنقولك إني ماشي للعمرة وبنرفع امي
علي.. لو تبي فلوس تفضل وحصتك من الورثة ف الحفظ والصون
باسط .. جيت نطلب ف السماح بس وقرب حضنه
علي.. تفضل اشرب طاسة قهوة
باسط.. مدله هدية هيا صح متأخرة بس هدي لولدك
علي.. سلمة جيبي عيسي
سلمة.. ركبت تجري جابت عيسى
باسط.. مشاء الله ربي يصون ومسحله ع راسه
انا.. نراقب فيهم من فوق الدروج
باسط.. هيا بالسلامة توا
علي.. ماتنسى تدعيلنا
باسط.. ان شاء الله ومشى
انا.. نزلت نجري باسط شن كان يدير هنا
علي.. مش قتلك معاش تتجسسي عليا
انا.. ماتجسست كنت نازله صدفة
علي .. كذابه
انا.. قول باهي
علي.. جا يطلب ف السماح وقال ماشي للعمرة بس
انا.. يهدي من يشاء ويضل من يشاء
علي.. الحمد لله ع كل حال
انا.. مسكت عيسى من يده تعال نعلمك لعبة الزيتون الطائر
علي.. حتى انا نبي نتعلم🥺
انا.. هيا حتى إنت
علي .. نحبك
انا .. نموت فيك
النهاية
حلوة الحياة لما تجمعك بالشخص الصح الشخص الى يقدر يغيرلك حياتك للأحسن شخص رغم مشاكل الحياة والصعوبات يقعد متمسك بيك الوسواس القهري مرض بس مش معدي وعنده علاج علاجه انك تلقى شخص يصبر عليك ويتحملك ويحس بيك والشخص المغولي انسان يحس زي مانحسو يفرح ويحزن زينا يعني هوا مش كائن غريب راعو مشاعر الناس وبطلو عنصرية ودكرو ديما ان الله يمهل ولايهمل
ان شاء الله تكون عجبتكم الرواية وبجد مشكورين ع تفاعلكم وربي يخليكم ليا 😍😍😍😍😍😍
أنت تقرأ
الوسواس القهري ( روايات ليبية )
Romansaللكاتبة : القطة الشريرة عندما يقلب الحب الي وسواس قهري فما مصيره ؟ و بدأت ان كان من الطرفين ؟ رواية من داخل المجتمع الليبي ؟❤️🔥
