#الوسواس القهري14
بقلم.. القطة الشريرة
مسكت الظرف ف يدي وقعدت نشوفله وتشجعت وفتحته حي هذا هذا هذا باسط لما كان صغير مع بوه وهذا نفسه بو علي الى شفته هذاك اليوم شن دير عنده صورة باسط تي متأكدة هوا باسط مرة ورهالي وقالي هذا بوي زعما يكونو خوت ولا أقارب 🤔🤔 وانا شن دخلي بيه ان شاء الله يطلعو ضراير معاش يهمني فيه بعد الإهانة الى تعرضتلها حطيتله الظرف ف الصالة وطلعنا انا وبابا
بابا..ماسك ف يدي وزعلان
انا.. متخافش يابابا نقعدو مؤقت ف الإستديو وبعدها نمشو ف الحافلة لغدامس ومن غادي تجي صاحبتي بيسان ونمشو للجزاير ونودعو حياة العذاب هدي وقفنا تاكسي وركبنا فيه
علي.. ناض ودوش ونزل
سلمة.. صباح الخير
علي.. صباح النور وقعمز فطر
سلمة.. انا اليوم الصبح كيف يجي نشوف ف المدام اسرار رافعة شنطتها هيا وبابا عيسى
علي.. كيف وناض يجري لدار بابا وملقانيش ونزل يجري وهوا ماسك التلفون وقعد يرن عليا بس انا حطيته ف الحظر وشاف للطاولة ولقى الظرف محطوط وقعد يدور يحساب خليتله رسالة هو لو خطي حلو كنت كتبت لكن ماكتبتش
انا.. بعد ماحكيت مع صاحب الإستديو وتفقنا ع كل شي عطاني المفتاح هيا بابا خش
بابا.. قعد واقف ومايبيش يخش
انا.. هيا ومسكته من يده شوووف الله حلو المكان ع الاقل مفرش وعندنا وين نرقدو
بابا .. يهز براسه حطينا دبشنا وطلعنا نشرو قضية
علي.. ركب ف سيارته ورن ع مالك
مالك.. أهلين خالو
علي.. نبيك تتصل بأسرار وتسألها عن مكانها
مالك.. خيرك شن بيك
علي.. حكاله القصة
مالك.. معقولة ياخال انت دير هكي وانا الى نقول عليك عاقل
علي.. ماتقولش لحد وهيا بسرعة شوفها
مالك.. رن عليا ولقاني مقفل
اناوبابا رجعنا للحوش وفات يومنا أقل من عادي جدآ
علي.. مشى لحوش عمامي وخوالي بس مالقانيش غادي ورجع للفيلا وهوا زعلان ومحبط ويلوم ف روحه
انا.. بابا خيرك ماتبيش تاكل
بابا.. مايبيش يكلمني وخش رقد
انا.. غريبة بابا مش من عوايده اكيد عشان تغير عليه المكان
علي.. يدور ف الحوش وهوا يتفكر فيا وف حركاتي ودوشتي انا وبابا
انا.. نتفرج ع صورة علي الى خنبتها من الفيس أكيدا فرحان توا لأنك رتحت مني شفت للساعة لقيتها 1.30 خلي نرقد باش غدوة نمشي للمحطة
ف الصبح
انا.. بابا بابا هيا نوض خلي نفطرو ونمشو للمحطة
بابا.. كان عرقان هلبااااا ويكح
انا.. مريض ياغالي وكانت حرارته مرتفعه توا نجي نجيبلك دوا من الصيدليه ونجي
علي .. ناض وبدون مايفطر طلع ومشى للمطار وقعد يسأل بس بدون ولافايدة
انا.. رجعت عند بابا وعطيته الدواء
تسريع للأحداث
بدا فرح ساجدة وانا مزال مامشيت بابا قاعد مريض ومايبيش لادكتور ولانرفعه للمستشفى رغم ان حرارته نخفضت والكحه مشت بس ماعرفتش خيره
ساجدة.. تبكي توا بيطلعو علينا الإشاعات من ورا الفرخة اسرار
كوثر ام مالك.. انتي ليش تسبقي ف الحاجة العافنة
سهيلة.. انا السبب انا الى جبتها لولدي وشوفو شن دارت
مريم اخت ساجدة .. توا نقولو جدها مريض هلبااا وهذا ليش ماتقدرش تجي
سهيلة.. بنكذبو غصبآ عنا شن بنديرو
مالك.. زعما وين تكون توا
علي.. مش عارف
مالك.. انت الغلطان ياخالو والله انت
علي.. ماتزيدها عليا خاطري نشوفها مرة وحدة بس ف حياتي ونتأسف منها
مالك.. المشكلة قافلة تلفونها
باسط.. لازم نهرب من هنا بس كيف وربي نهايتك ع إيدي ياعلي الكلب
انا.. زعما شن جو العرس اكيدا كرهوني لأني هربت
أم الخير .. ياعارنا ويافضيحتنا بنت الحرام الله لاتسامحها
مؤيد.. والله كان نلقاها الما نقتلها
أم الخير .. الناس كلت وجوهنا
مؤيد.. رن تلفونه وكيف بيفتح طاح منه وقعد يجبد فيه
ام الخير .. تعيط شوف قدامك وبوووم حادث
انا.. بابا خيرك رد عليا بابا ياربي كيف بندير
بابا.. كان فاقد الوعي ومايتنفس
انا.. مسكت تلفوني ورنيت ع مالك
مالك.. أسرار انتي وين وقعد يدور ف علي بعيونه
انا.. ورحمة من عندك غالي ماتقولش لحد انك تكلم فيا
مالك.. تمام
انا.. بابا يامالك بابا بالله تعالي بسرعه
يتبع
أنت تقرأ
الوسواس القهري ( روايات ليبية )
Romanceللكاتبة : القطة الشريرة عندما يقلب الحب الي وسواس قهري فما مصيره ؟ و بدأت ان كان من الطرفين ؟ رواية من داخل المجتمع الليبي ؟❤️🔥
