الوسواس القهري ( روايات ليبية )

حلقة 16🔥 ما قبل النهاية 🔥

#الوسواس القهري 16

بقلم.. القطة الشريرة

وأخيرآ طلعت من الحبس توا قعدلي نهرب من المستشفى
علي.. خشي هذا حوشك ياأسرار
انا.. واقفة وعيوني معبيات دموع أول مرة نخشله من غير بابا
علي .. من اليوم أنا خوك وبوك وسندك ف الدنيا
انا.. نهز براسي مستحيل تتحملني زي بابا
علي.. أعطيني فرصة
انا.. معاش نبي نقعد هنا بنسافر زي ماخططت أنا وبابا
علي.. مدلي يده خشي توا ونحكو الداخل
انا.. مسكت إيده ودخلني
سهيلة.. شن صار
مالك.. وهوا يشرب ف العصير رجعناها
كوثر.. تعرفي ياأمي حاسة انه حبها
سهيلة.. ايه حتى انا لاحظت هيا بينه ربي يهنيه
مالك.. حتى انا حبيتها
كوثر..😱😱 نوض من قدام وجهي
مالك.. خيركم البنت كبيدتي وصاحبتي مش يمشي دماغكم بعيد
سهيلة.. 😂😂😂
علي.. قعمزي وإحكيلي توا شن مخططة إنتي وبوك
انا.. قعمزت ومنزلة راسي ف الارض كنا مخططين نمشو للجزاير عند صاحبتي
علي.. من كان بيرفعكم
انا.. كنت بنمشي ف الحافلة
علي.. صار مخططة لكل شي عشان هكي كنتي مستعجلة ع جوازت السفر
انا.. إيه
علي.. وليش قررتي تهربي
انا.. لأني مليت من حياة العذاب والذل مافيش حد محترمنا ولامقدرنا كنت بنرفع بابا لناس ماتشوفش ان المغولي شخص مجنون ومريض ناس تشوفه انسان تشوف لقبله قبل شكله
علي.. ومزال ف نيتك إنك تمشي
انا .. إيه ورفعت راسي وجت عيني عالظرف وجبدته
علي.. يشوفلي شكله ف تحدي تاني
انا.. من هوا الى مع بوك ف الصورة
علي..😨😨 فتحتيه
انا.. بالغلط
علي.. كيف وهوا ملصق
انا.. من هوا الى ف الصورة مع بوك
علي.. وانتي كيف عرفتي إن الى ف الصورة بوي
انا.. لأني شفته ف حوشكم
علي.. هذا خويا
انا..😨😨😨
علي.. بعد وفات بوي لقيتهم عنده ف الخزنة ولما سألت ع الولد الى ف الصورة طلع خوي بس مافيش عليه أخبار لأن بوي طلق أمه وأمه تزوجت واحد تاني فأكيد تسمى ع إسم راجل أمه
انا.. إسمه باسط ............
علي.. بصدمة كيف
انا.. هذا الى ف الصورة باسط الى حرقلك المخزن
علي.. كيف عرفتي انتي ويسأل فيا وهوا مش مصدق
أنا.. طبعآ باسط كان يقرا معايا وقبل مانحبو بعض كان صديقي كنت نحكيله ويحكيلي ع كل شي وشفت نفس الصورة عنده
على.. معقول الى قاعد يصير من فترة تلاقيت مع خوي وكنا حانقتلو بعض معقولة كرهنا بعض قبل مانتلاقو
انا.. صدفة غريبة تصدق
علي.. بنوض نمشيله ونحكيله ع كل شي
باسط.. الشرطة واقفين ع الباب كيف الراي لازم نطلع قبل مايرجعوني للحبس
أنا.. نمشي معاك
علي.. لاخليك إنتي توا نمشي ونرجع مش معطل
انا.. تمام براحتك
علي.. ركب سيارته وطلع جري زي المجنون
باسط.. ياشرطي ياشرطي
الشرطي .. خشله تفضل
باسط.. تعال قرب نبيك
الشرطي .. قرب ع باسط بسرعة قول شن عندك
باسط.. قرب أكثر
الشرطي .. طبس ع باسط
باسط.. مسك الشرطي من رقبته وسحب منه المسدس وحطه ع راسه توا بتطلع معايا زي الولد الشاطر
الشرطي.. يهز ف راسه
باسط.. طلع وهوا ماسكه وحاط التلفون ع جنب الشرطي افتح الباب وقول لصاحبك يبعد
الشرطي.. فتح الباب أنس أبعد
باسط.. اسمع كلام صاحبك ولانفرغ فيه
انس.. تمام
باسط.. خش للدار وسكرها بسرعة
علي.. بعد مامشى للحبس وقالوله ان باسط ف المستشفى جاء جري وهوا خاش للمستشفى تلاقى مع باسط
باسط.. وقف ف مكانه كنت جايك لكن انت سبقتني
علي.. انت وين ماشي ردبالك دير حاجة تندم عليها
باسط.. انا حانندم ف حالة وحدة نخليك عايش
علي.. معقولة تقتل خوك
باسط.. مستغرب من كلمة علي بس ماحبش يبين زارط حاجة انت
علي.. باسط..........
باسط .. عيونه نفتحو
علي.. انا خوك ياباسط ليا سنين ندور فيك بس مالقيت أخبار عليك
باسط.. رخا الشرطي وواقف ومصدوم وشن يضمن ان كلامك حق
علي.. طلعله الصورة انت خوي ياباسط ردبالك تغلط ودير حاجة تندم عليها وانا حانوقف معاك للأخر بس انت حط المسدس واطلق الراجل راهو مش حاتربح شي لو قتلت حد
باسط.. طلق الشرطي وحدف المسدس
الشرطي .. جبد مسدسه وطيح باسط ع الأرض ورفعوه للحبس
انا.. راقدة ع سرير بابا ونبكي مش مصدقة إني معاش بنشوفك
سهيلة.. وهيا ساكته ودموعها ينزلو
علي .. يانبع الحنان ماتزعليش روحك الله غالب ربي هكي كاتب وهيا الحاجة توا صارت ماعندنا وين نهربو منها
كوثر .. علي عنده الحق وف النهاية هذا خونا والظفر مايطلع من اللحم
سهيلة.. إن شاء الله خير
علي.. وأنا بنعطيه حقه كامل من الورثة ومش ظالمه بكل
كوثر.. بارك الله فيك اي هذا الصح
علي.. نستأذنكم توا
سهيلة.. اقعد مزال الوقت
علي.. أسرار بروحها ف الحوش
سهيلة.. براحتك ياولدي
تهاني.. مقعمزة ف الصالة وتبكي ليش ياربي مازلت صغيرة ع المرض ليش الا أنا
عيشة.. الله غالب يابنتي ربي هكي كاتبلك
تهاني.. يماما هذا السرطان عارفة شن يعني السرطان
عيشة.. تبكي ومش عارفة كيف تواسي بنتها
علي.. خش للفيلا وقعد يدور عليا ولقاني فدار بابا راقدة أسرار أسرار
انا.. نعم
علي.. تغديتي
انا.. ماخاطريش
علي.. هيا نوضي تغدي معايا
انا.. والله ماخاطري
علي.. نوضي بلا دلع جيعان راهو
انا.. برا كول مانبيش
علي.. مش واكل من غيرك هيا نوضي
انا.. تمام ونضت
علي .. ماسك ف يدي ولما وصلنا الدروج طلقها شوفي شن بندير وقعد يتزحلق ع الدروج
انا.. يتبع