Snowflakes Scattered by Wind (Kalopsia Series #2)

Kabanata 19

Kabanata 19

College Days
July 21 2021

Abala sa paghahanap ng libro si Chontelle sa loob ng library. Pilit niyang hinahanap ang librong pinapahanap sa kaniya ng professor niya. Isa ito sa pangaraw-araw na gawain niya sa loob ng University na iyon bilang scholar. Hinahayaan niya ang sariling utus-utusan ng mga ito. Hindi naman din iyon labag sa loob niya dahil hindi rin naman ganon kahihirap ang mga inuutos ng mga ito.

Agad siyang napangisi nang makita na ang hinahanap. Medyo mataas ang kinalalagyan nito pero abot naman niya. Bahagya siyang tumingkayad para kunin iyon subalit hindi pa man ay agad niya itong nabitawan nang biglang may humawak sa paa niya.

"Ay! Puke mo!" Ang mabigat na libro ay bumagsak sa mukha niya bago ito bumagsak sa sahig.

"Shhhhh!" rinig niyang saway ng Librarian na masama pa ang tingin sa kaniya mula sa counter. Habang ang taong anak yata ni Satanas ay walang tunog na tumatawa habang nakalupagi sa sahig kung saan hindi ito nakikita. Ang walang hiyang si Nick Dale Palma ang humawak ng paa niya.

Napaka talaga ng isang 'to.

Sa inis niya ay pinulot na lang niya ang libro bago iyon malakas na pinukpok sa ulo nito.

"Aray ko!" Padabog niya itong iniwan doon. Matapos hiramin ang libro ay walang lingon likod siyang naglakad palabas.

"Elle, wait!" rinig niyang hiyaw ni Nick. Alam niya na panay ang tawa nito sa kaniya. Napairap na lang siya sa hangin. Bakit ba siya nagkagusto sa taong ito.

Hay, wala na siyang pagasa.

Kagaya nang nakagawian ni Nick ay umakbay na naman ito sa kaniya. Pero dahil hindi siya marupok ng slight ay siniko niya ito nang medyo malakas.