وقعت فى غرام الوحش # Neno

part 2

فى ممر المستشفى تمشى دكتوره و تستمع لكلام الممرضين يقولوا "بجد هى عندنا هنا "
"ايوا يا بنتى و كمان كانت متصابه برصاصه و بيقولوا حالتها كانت خطيره جدا بس الدكتور بحر انقذها "
" ﻻ و كمان الدكتور بحر كان الجراح الاتنين اساسا تركيبه غريبه جدا "
لتقف الدكتوره و تقول للممرضه : ممكن اعرف انتوا سايبين شغلكم و اعدين تتكلموا على ايه؟!
الممرضه : اصل يا دكتوره اريج حضرتك مشوفتيش الوحش كانت هنا
اريج بعدم فهم : الوحش !! وحش مين ؟؟
الممرضه : هو فيه كام وحش فى البلد حضرت الظابط اللى مدوخه المجرمين
اريج بصدمه : ايييه !! هى هنا !! ليه؟!
الممرضه : علشان كانت مصابه برصاصه
اريج :طب هى فين دلوقت ؟؟
الممرضه : خرجت من العمليه من حوالى نص ساعه و دخلت على الاوضه رقم 70
اريج : طب انتى قولتى مين المشرف على حالتها !!
الممرضه برقه شديده : بحر
اريج بنفاذ صبر و هى ترفع حاجبها : نعم !!
الممرضه : اصدى يعنى الدكتور بحر هو المشرف على حالتها
اريج : طب و هو فين الدكتور دلوقتي؟!
الممرضه : فى مكتبه
اريج : طب يلا كل واحد يروح يشوف شغله هنا مستشفى مش كافيه للكلام يلا
لتذهب اريج ناحيه مكتب بحر و تدق الباب ليقول بحر بصوت ضخم و هو يعدل من مجلسه: اتفضل
لتدخل اريج عليه و تقول بكل وقار : اهلا يا دكتور بحر انا سمعت ان الوحش جت هنا وحضرتك كنت الجراح المشرف عليها ، ممكن اعرف هى عامله ايه دلوقتي ؟!
بحر بتعجب شديد و عدم فهم : الوحش !! وحش ايه انا مش بعالج وحوش
اريج : ﻻ ﻻ انا مش اصدى ابدا الوحش بالمعنى ده خالص انا اصدى على الحاله رئال
بحر : طب ما تقولى رئال و خلاص
اريج : ﻻ اصل محدش يعرف اسم رئال ده ابدا كلهم عارفينها باسم الوحش
بحر بتعجب : ليه يعنى هى بتعمل ايه !!؟
اريج : مش بتعمل هى علشان اقوى محارب فى البلد كلها و الكل يتمنى بس انه يشتغل معاها فى مهمه اطلقوا عليها الوحش علشان مفيش مجرم يقدر يهرب منها
بحر : طب و انتى ازاى عارفه اسمها الحقيقى ؟؟
اريج : ده سر و مينفعش حد يعرفه ابدا بس انا جيت علشان اعرف هى حالتها ايه بالظبط ؟؟
بحر بحزم : معلومه بس يا دكتوره اريج علشان شكلك مش عارفه الدكتور بحر انا عمرى ما هطلع اى تصريح للحاله بتاعت المرضى بتوعى غير باوراق رسميه
اريج : لكن يا دكتور
قاطعها بحر : مفيش لكن و يلا عن اذنك علشان عندى شغل كتير
اريج : يا دكتور
بحر بعدم النظر اليها : يلا سﻻم
لتنظر اليه اريج بغضب و تمسك بمقبض الباب و تفتحه و تخرج من الغرفه و تقول فى نفسها : هو فاكر نفسه ايه علشان يتكلم معايا كدا
ليفتح بحر الباب و يقول ببرود : انا الدكتور بحر المعداوى
لتنظر اريج له بصدمه تامه ليغلق بحر الباب لتنظر اريج حولها و من ثم تأخذ نفسها و تذهب الى غرفه رئال و وصلت الى الغرفه و فتحت الباب و قالت لرئال النائمه على السرير :رئال !! انتى عامله ايه دلوقت ؟؟ و ازاى حصل كدا ؟؟
رئال بصوت متعب محاوله ان تنهض :انا تمام
اريج : ﻻ يا رئال خليكى مرتاحه
رئال : ﻻ انا تمام عادى يعنى هى اول مره
اريج : ما هى علشان مش اول مره
رئال : اريج انا عايزه اخرج من هنا
اريج : تخرجى تروحى فين ؟؟ انتى لسه خارجه من العمليه خطيره و عايزه تمشي ﻻ ده مستحيل على الاقل اربع ايام تحت المتابعه
رئال : اريج افهمينى انا عندى مهمه خطيره جدا و لازم اخلصها
اريج : ﻻ ﻻ يا رئال الطلب دا مستحيل
رئال بغضب : هو ايه اللى مستحيل انا بقولك المهمه خطيره و لو مخلصتهاش فى ناس كتير اوى هتتأذى
اريج : رئال اهدى بس كدا ارجوكى علشان الجرح
رئال و هى تحاول النهوض و تمسك بالسرير و تمشي بعض الخطوات و اريج تحاول ان تمنعها و لكن رئال ترفض و تقسوا رئال على نفسها و تمشى كى تخرج من المستشفى و ﻻ تقف حتى رغم الوجع الشديد مكان الجرح لتسقط رئال مغشي عليها ليراها بحر و يركض ناحيتها و تسقط رئال بين يده و تغمض عيناها ليقول بحر : هو ايه اللى خرجها من اوضتها ؟
اريج : هى عندت معايا و قالت انها لازم تخرج و لما منعتها مسمعتش الكلام
بحر بنفاذ صبر : خلاص
ليحملها بين يده و يذهب بها الى غرفتها و يضغها على السرير و يقول لاريج : ممكن تخلى بالك بقى
و جاء كى يخرج من الغرفه وجد ان رئال تمسك بيده جيد كأنها تخاف ان يهرب ليحاول بحر ان يبعد يدها عنه و لكن فشل حاولت اريج ان تبعدها و لكن فشلت هى الاخر حاول بحر ايقاظها و لكن ﻻ حياه لمن ينادى قال بحر لاريج : خلاص روحى انتى شوفى شغلك وانا هعد معاها هنا لغايه اما تصحى
اريج : بس يا دكتور
قاطعها بحر : بس ايه !!! انتى عندك حل تانى يعنى ؟؟
اريج : ﻻ معنديش
بحر : خﻻص روحى و نفذى اللى بقولك عليه
اريج : حاضر
ذهبت اريج من الغرفه و تركت بحر مع رئال ..

الان الساعه الثامنه صباحا
لتذهب مروه ناحيه مكتب بحر و تدق الباب مره و ما من مجيب دقت مره اخرى و قالت متصنعه الحزن : بحر افتح الباب انا عارفه انك مش طايقنى علشان مكنتش جمبك وقت احتياجك ليا  ،انا بجد اسفه حقك عليا انا غلطانه بس و الله لسه بحبك زى الاول و اكتر كمان افتح يا بحر يا اما هفتح انا
و لكن لا يوجد اى رد فعل لتقول : بحر انا هفتح الباب
لتمسك بمقبض الباب و تفتح الباب و القت نظره على الغرفه و لكن لم تجده لتدق باب المرحاض الخاص بالغرفه و تقول : بحر انت جوه ؟! بحر انا هفتح تمام!!
لتفتح الباب و لم تجده ايضا لتخرج من الغرفه باحثه عنه فى كل مكان

عند بحر و رئال
ينام بحر بجانب رئال و يسند رأسه على الحائط و بعد عده دقائق تستيقظ رئال و تنظر حولها و تجد نفسها فى نفس الغرفه الخاصه بالمستشفى لتحاول ان تنهض لتجد يد ماسكه بيدها و تنظر الى الشخص الذى ينام بجانبها لتغضب و تنهض بسرعه و تمسك يده و تلفها الى الخلف و تلقى به على السرير و تضع قدمها على ظهر بحر و تقول بغضب شديد : انت مين يلا انطق ؟؟؟
بحر بوجع : اااا سبينى يا بنت المجنونه ايدى هتتكسر
رئال : تستاهل علشان كنت ماسك بيها ايدى انطق و انجز انت مين؟ و عايز ايه؟
بحر محاولا ان ينهض من تحت قدمها : ابعدى يا بنت المجنونه انا الدكتور بحر المعداوى المشرف على حالتك و عموما انتى اللى كنتى ماسكه ايدى و مش راضيه تبعدى مش انا  رئال : طب ما كنت فوقتنى
بحر : حاولت ، حاولت كتير بس مفيش فايده ابعدى بقى يخربيتك هتموتينى
رئال : انا مش مصدقه
لينهض بحر بكل قوه و يختلف الامر تصبح رئال على السرير و بحر فوق ليسرح فى ملامحها البريئه الغامضه و عيناها بذلك اللون الذى يمتع النظر اليه

و بكدا البارت دا يكون خلص يا ريت لو عحبكم شجعونى بتصويت و تعليييق باااى ..