وقعت فى غرام الوحش # Neno

part 4

لينهض بحر بسرعه لانه وجد نفس الاسوار الخاصه برئال التى رأها صباحا ليرقض ناحيتها عندما يجد ان الدماء تخرج من اسفل ملابس رئال ليقول بخوف و هو يلفها اليه : رئاااال .. رئال انتى كويسه ..
رئال : اه اه انا كويسه بس هو هو اتصاب .. بسرعه دخلوه العمليات .. ارجوك خليه يعيش علشان هو اخر كارت ممكن يوصلنى لاهم حاجه فى حياتى ...
بحر : طب خلاص . اهدى بس و انا هساعده ..
ليقول بحر بصوت عالى لمروه : انتى هتفضلى واقفه كدا كتير
مروه بصدمه : ايه !!
بحر : بسرعه روحى هاتى سرير ننقله عليه
مروه و هى مازالت تحت تأثير الصدمه : تمام حاضر
لتذهب و تحضر سرير لينقلوا عليه ممدوح و يدخل غرفه العمليات و معه بحر ...
و بعد حوالى 45 دقيقه خرج بحر و هو مرهق جدا يجد رئال تجلس على الكرسي و هى تبكى بشده اندهش جدا لان هذه هى الامره الاولى التى يرى رئال تبكى ... كانت مثل الطفل الذى فقد امه .. ليذهب و بدون وعى و يأخذها فى حضنه و يقول و هو يربط على شعرها : خلاص .. اهدى كل حاجه تمام اهدى يلا .. اهدى
رئال ببكاء : هو ممدوح كويس مش كدا
بحر : اه حالته مستقره
رئال و هى تنهض : طب انا عايزه اشوفه ..
بحر : مش هينفع اولا علشان هو لسه تحت تأثير المخدر ثانيا علشان هو فى العنايه .. اوعدك اول ما يخرج هدخل على طول تمام ؟؟
رئال : تمام ..
لينهض بحر و يقول : طب اسيبك دلوقت علشان اكمل شغلى .. و كمان انتى روحى ارتاحى و بأذن الله اما يخرج بكره تيجى و تشوفيه
و اعطاها ظهره لتقول رئال : بحر
بحر و هو يلتفت اليها : نعم !!
رئال : اوﻻ انا اسفه جدا على اى حاجه وحشه حصلت منى .. و ثانيا شكرا ليك .. مش هنسي وقفتك دى
بحر بضحك : ههههه اوﻻ انا مش زعلان ابدا بالعكس انا محترمك جدا .. ثانيا انا مش بحب الشكر خالص ﻻن دا واجبى كدكتور ..
رئال : تمام ..
لتذهب رئال و تتركه ليقول : صحيح هو انا مش هشوفك تانى
رئال بابتسامه صافيه : اللى عايزه ربنا هو اللى هيكون .. سلام
بحر : سلام ...
و ذهبت رئال من المستشفى بالكامل
لتأتى مروه و تقول لبحر : بحر ممكن نتكلم شويه ؟؟
بحر ببرود : ﻻ مش ممكن .. ﻻن مفيش حاجه بينى و بينك نتكلم فيها
و جاء كى يذهب امسكت ذراعه و قالت : انت هتفضل تتعامل معايا بالطريقه دى كتير !!!
بحر بتعجب متصنع : طريقه ايه ؟؟
مروه : بحر انت عارف ..
بحر : عايزه ايه طب ؟؟
مروه : عايزه اتكلم معاك شويه
بحر : تمام ..
ليذهب بحر و مروه الى الكافتيريا للتحدث
ليجلس بحر ببرود ليقول : يلا قولى عايزه ايه ؟؟
مروه : هو انت هتفضل تتعامل معايا بالطريقه الرخمه دى كتير ؟؟
بحر : انتى عايزانى اتعامل ازاى معاكى
مروه : يعنى تتعامل عادى .. على الاقل علشان العشره القديمه اللى بينا
بحر بسخريه : العشره !! و القديمه كمان !!
مروه بتعجب : مالك
بحر : انا مستغرب جدا جدا من موقفك دا .. ﻻن انتى اللى بعدتى مش انا .. انتى اللى سبتينى و مشيتى مش انا .. انتى اللى اتخلتى عنى ..
مروه : انت كنت عايزنى اعمل ايه يعنى لما الاقى فرصه زى دا جتلى ؟؟
بحر :انتى عارفه كويس ان انا مكنش عندى مانع ابدا انك تسافرى بس انتى فاكره انتى قولتيلى ايه ساعتها مروه : بحر انا ..
قاطعها بحر بقوله : انتى مغروره و عايزه تكسبى كل حاجه .. انتى عارفه انتى رجعتى تانى ليه تتكلمى معايا .. رجعتى علشان لاقتينى عرفت ازاى اعيش انتى كنتى فاكره انى هدمر و انتحر و اعد استناكى لحد اما تحنى عليا و ترجعى .. انتى عارفه انتى عاملتى ايه ؟؟؟ انتى دمرتنى حرفيا .. خلتينى بستحقر نفسي جدا علشان كنت فى يوم من الايام حبيبك .. تعرفى انا كام مره حاولت انساكى و معرفتش !!! انتى عارفه انا فضلت كام سنه مستنيكى ؟؟ انتى عارفه ان انا معرفتش انى احب حد بعدك ؟؟ انتى وصلتينى لدرجه انى لو شوفت اى بنت ببصلها باستحقار علشانك .. ﻻنتى عارفه ايه هى اكتر حاجه ندمان عليها فى حياتى كلها ؟؟ الحاجه دى هى انتى .. ندمان على كل يوم ضيعته فى حب واحده متعرفش اساسا غير ازاى تحب نفسها و بس ... ندمان على كل كلمه طلعت منى مش من حقك .. ندمان على كل دمعه نزلت منى عليكى و انتى اساسا متستاهليهاش .. بس فى سؤال محيرنى هو انتى ازاى قدرتى تمثلى كل دا انك بتحبينى و انا كنت ساذج و مش شايف حقيقتك !!! ازاى كنت متمسك بيكى حتى بعد ما سبتينى !! انتى عارفه يعنى ايه الشخص اللى كان كل حاجه فى حياتك يوضح انك و لا حاجه فى حياته ؟؟؟ انتى عارفه الشعور دا ؟؟ الشعور دا بيوجع اوى .. تحسى انك عايشه بس بجسد و لكن مش عارفه ازاى تكملى حياتك بشكل طبيعى ... مش عارفه تنسي و تعيش زيه .. مش عارفه تبيعيه زى ما هو باعك .. ببساطه مش عارفه تعامليه بنفس معاملته ليكى .. بالظبط لما تتعاملى باصل مع ناس قليله الاصل .. بالظبط شعور الطفل اللى كل يوم يضرب على حاجه هو ملهوش اى ذنب فيها .. تعرفى انا ايه بقى كان ذنبى ؟؟ ذنبى انى حبيتك .. انتى قولتيلى انا متشرفش اكون زوجه واحد فاشل زيك ... قولتيلى ان انا مش هنفع فى اى حاجه ابدا .. و ان انتى هتكونى دكتوره مشهوره و ناجحه و مينفعش تكونى زوجه واحد فشل حتى فى انه ياخد الثانويه .. سبتينى و سافرتى علشان تكملى دراستك سبتينى و كان فاضل على خطوبتنا اسبوع واحد .. انا بقى حاربت كتير اوى علشان اتفوق عليكى و سافرت و اخدت شهاده.. انتى فشلتى انك تحصلى عليها .. و كأن السيناريو بيتعاد من تانى .. يا مروه انا مينفعش اكون زوج لواحده اقل منى .. اه فعلا انتى دكتوره .. بس مش مشهوره و ناجحه زيى .. عن اذنك يا انسه مروه ..
و جاء بحر كى ينهض من على كرسيه اوقفته مروه و هى تمسكه من معصمه و تقول : بحر بس انا لسه بحبك رغم كل حاجه حصلت
بحر و هو يبعد يده و يكمل بغضب ممذوج بسخريه شديده : طب ما انا زمان كنت بحبك .. و قولتلك متمشيش انا بحبك .. و بردو مشيتى .. هو انا عايز اعرف انتى ليه زعلانه لما بعاملك بمعاملتك ليا زمان نصيحه منى ليكى علشان العشره القديمه زى ما بتقولى محدش بيكسب على طول ﻻن الدنيا مره معاك و مره تانيه مع حد غيرك .. و دى اول نصيحه طلعت بيها بعد ما سيبتك .. ان اللى كسب مره اكيد هيخسر فى التانيه .. و انتى كسبتى مره و تفوقتى عليا و كسرتينى و دلوقت جه دورى علشان اكسب و اتفوق عليكى و ارد كل كسره ليكى الضعف ..
مروه : بحر انت جبت القسوه دى كلها منين ؟؟
بحر : انا مجبتهاش .. انا بس بتعلم منك مش اكتر
مروه : يعنى عايز تفهمنى ان انت مش بتحبنى ؟؟
بحر : حبك مات جوايا من يوم ما سبتينى اساسا .. و ان اللى بيتكسر كتييير بيتعلم ازاى يعرف يكسر .. سلام يا قطه ..
و اعطى ظهره لمروه و قالت : بحر استنى
بحر بغرور : اوﻻ انا اسمى الدكتور بحر .. ثانيا خلص الكلام بينى و نينك .. سلام
و ذهب بحر من الكافتيريا و ترك مروه تستشيط غضب مما قاله بحر .. و قالت فى نفسها : تمام يا بحر انا هوريك ازاى تتعامل معايا بالطريقه دى ..
......................................................
و بكدا يا شباب يكون البارت خلص يا ريت لو عحبكم تصويت و تعليق و متابعه باااااى