Wild Heart

Chapter Sixteen

Sabay na napatili at napatayo ang dalawang babae sa pagkagulat sa pag unday niya ng suntok sa mukha ni Kevin. Si Beatrix ay mabilis siyang nilapitan upang awatin.

"Tangina pare! ano'ng problema mo?!" nanlilisik ang matang tanong ni Kevin, hawak pa rin nito ang pangang nasaktan. Nilapitan ito ni Frances upang tulungang makatayo.

"Huwag kang mambabastos dito sa pamamahay ko!" malakas na bulyaw niya rito

"puta! ano bang ginawa ko?"

Naningkit ang mga mata niya at nais pa itong suguring muli kung hindi lamang siya mahigpit na hinahawakan ni Beatrix sa braso upang pigilan. "kitang kita ko kung ano ang ginagawa mo kay Beatrix!"

"Bakit ka ba galit na galit? may gusto ka ba kay Bea?!" nanlalaki ang matang ganting hiyaw nito.

He clenched his jaws, ganoon din ang mga kamao niya "Beatrix is a guest in this house! Hindi ko mapapayagang may mabastos sa sinomang panauhin habang nasa pamamahay ko!"

Nakakainsultong tumawa si Kevin, mukhang malakas na ang impluwensya ng alak sa sistema nito dahil medyo mabuway na rin ang pagtayo nito "sus! Xander! kilala ko ang likaw ng bituka mo! You like Bea! Pero paano naman itong nobya mo? Namamangka ka ba sa dalawang ilog?"

"Umalis ka na Kevin. Lasing ka na" nagawang sabihin ni Beatrix

"alam mo Bea...type talaga kita eh!" itinaas nito ang isang kamay to point at her "just give me a chance, paliligayahin kita. I will make you taste the best- " hindi nito natapos ang sinasabi ng muli itong suntukin ni Xander.

"Son of a bitch!" nanggigigil niyang gustong muling sunggaban si Kevin.

"Xander ano ba?! lasing na si Kevin! Huwag mo ng patulan! " galit na awat ni Frances. Nag aapoy sa galit at panibugho ang mga mata nitong pinaglipat lipat ang tingin sa kanilang dalawa ni Beatrix bago inalalayang palabas ng bahay si Kevin.

Nang makaalis ang dalawa ay binalingan niya si Beatrix.

"Ikaw!" his eyes turned to slits "sino ang may sabi sa 'yong pwede kang makipag inuman? kababae mo pa namang tao!"

"Well I didn't intend to!" nakasimangot na sagot nito sa kanya "pero paano ko kayong iiwan na tatlo kung yung babaeng may lahi yatang ahas eh kulang na lang linggisin ka!" humalukipkip ito at parang bata na lumabi.

Kinabig niyo ito papunta sa dibdib niya "I told you I like you. And that means I will not do anything to be unfaithful to you, habang kasal tayo. Kaya walang dahilan para magselos ka"

Naramdaman niyang niyakap siya nito ng mahigpit "you like me...but I love you Xander...magkaiba iyon"

Bumuntong hininga siya. Hindi rin niya masiguro sa sarili ang nararamdaman sa ngayon. He knows he likes her, cares about her, pero para masabi niyang mahal niya ito sa paraang nais nito? Hindi niya alam. In the 2 years he had been in a relationship with Frances, he had never been as confused as now. Ang alam lamang niya noon ay convenient at easy going ang relasyon nila. He cares about Frances, she was like his safe haven, kapag naroon ito noon, pakiramdam niya ay lagi siyang may kakampi. Frances is very passive and they agree on almost everything, kaya nga siguro nang magtanong itong magpakasal sila ay hindi siya tumutol.

Bahagya niyang inilayo ang sarili sa dalaga upang tignan ito nang lumuwag ang pagkakayakap nito sa kanya. Her eyes were closed and it looks like she's fallen asleep.

Oh princess... what am I going to do with you?

He gently lifted her into his arms at iniakyat ito sa silid.

Magbuhat ng aminin ni Xander sa kanyang gusto siya nito ay tila mas naging normal ang pagsasama nila sa bahay. Bagaman hindi nito inilipat sa silid niya ang mga personal na gamit ay doon naman ito palagiang nagpapalipas ng gabi sa kanyang silid. They chat more, do things more together at madalas ay tinuturuan pa siya nito sa mga projects at assignment niya. Ang lumipas na mga linggo ay tila wala na siyang mahihiling pa, ang kulang na lamang ay marinig niya mula ritong mahal siya nito.