Tula (2019)

Eprot

Lima, apat, tatlo, dalawa, isa
Pakiramdam na naikubli ay hindi na naipadama
Sa simpleng pag amin, ako'y biglang tumutumba
Yung sasabihin ko, hanggang ngayon, sasabihin parin, hindi ko makaya

Lumipas ang panahon ngunit wala pa rin
Yung gusto kong sabihin, hanggang ngayon, nanatiling sasabihin
Gusto kita, gustong gusto
Pero anong nangyayari? Nauutal, nawawala at nanghihina ako

Hindi na lingid sakin kung maunahan
Dahil sa ito rin naman ay aking kasalanan
Mahal kita, pero wala itong papupuntahan
Pagkatorpeng umiiral, nananatili at patuloy na dumadaloy sa aking katawan

Sa mundong madaya, pangarap ay imposible
Pagkat ang nararamdaman, hindi malahad kahit tingin nila'y ito'y simple
Pangarap na sinisinta, mapasakin ay imposible
Gusto kong umamin, kaso ako'y torpe

Tatahimik nalang muna
Obligahin ang sarili
Rarason ang takot na ika'y mawala
Pakiramdam ay ikukubli
Eto ma'y masakit, pilit itatago para sa ating dalawa