Tula (2019)

Huwag Iibig Kung Di Sigurado

Ang pag-ibig ay parang paglalaro ng baraha
Sabihin mang madali, nakabase pa rin ito sa balasa
Hindi alam kung magiging hari ng pinapangarap mo na reyna
O maging alas ng buhay nya

Ang pag-ibig ay parang sugal
Hindi mo alam kung talagang ika'y tatagal
Hindi mo rin alam kung ito'y magiging dahilan ng sagabal
O dulot ng tamang tiempo at pagpapagal

Sa pag-ibig, madalas maraming mahihita
Kung totoo ba, o pawang mga katha
Sa panahon ngayon, mahirap makita
Ang tunay na pag-ibig, hindi na kita sa mata

Sa mundong mapaglaro, kahit pa planado
Madalas matatalo at maging delikado
Kung ika'y madaling mahulog, mas lalong dehado
Huwag iibig kung di pa sigurado

Sa pag-ibig na tila ba'y isang laro
Matakot na maging isang laruan
Dahil paghihirap sa mga ilang tagpo
Ay dulot ng pag-ibig na walang kasiguraduhan