Tula (2019)

Pagod Pero Lalaban

Isa akong karaniwang mamamayan
Na may pangarap na pilit kinakamtan
Ngunit pilit na binabago ng panahon at kasarinlan
Na hindi lang pisikal, pati mental at emosyonal ay apektado at nasasaktan

Natapat sa isang dako na wala na
Nawala na ang interes dahil may pumalit na iba
Iniisip kong asenso, biglang bumaba
Para bang dahan dahang gumuguho at biglang tumutumba

Ngunit sa kabilang banda, tila may nagbubukas na liwanag
Tila ba'y kulay sa mata, masarap maaninag
Makikitang kasama nilang kumikinang, itong mga pangarap
Kasama ng mga bituin, nagbibigay ilaw sa mga ulap

Alam kong mahirap mabuhay sa kailaliman
Ngunit kailangang magsikap para matustusan ang pangangailangan
Magkaroon ng kaalaman, ano mang kasarian
Pagod man, pero dapat lumaban