الصفحه التاسعه .يوم لنفسي ؟! بستنى نهايه الاسبوع بفارغ الصبر يوم اجازتى يوم الخميس اليوم الوحيد اللى بقعد فى مع نفسى وبعمل كل اللى نفسى فيه ببدأ يومى بالجيم بحاول اطلع كل طاقتى فيه بالرياضه والرقص . وبروح النادى اتفرج على الاطفال وهى بتلعب بالرغم أن بكرهم بس بحب اتفرج على الأمهات وهى بتلعب مع ولادها بشوف فى كل واحدة منهم ماما .انا ماليش صحاب كلهم اهاليهم خلوهم يبعدوا عنى لمجرد أن بقيت لوحدى خايفين على سمعت بناتهم وكأنهم مسكونى فى قضيه دعاره .بتحاسب على ذنب مش ذنبى ويجى فى الاخر يقولى سامحينى . كده بقضى نهارى واخر اليوم بروح البار اسمع حكاوى الرجاله السكرانه . بكتشف أن كلهم عندهم نفس الكلام والمبررات .كل واحد منهم بيكدب على نفسه ويصدق كدبته . بعد مابينتهى اليوم بقف قدامى نفسى فى المرايا وبستحقر نفسى أن كنت قاعده مع ناس زيهم . وكأنى ببرر لنفسى انا كمان . من أكون ؟!
