. قد ايه ممكن تتحمل عشان ولادك ؟! رد ماما ليا أنها استحملت كل ده عشانى انا واخواتي وعشان حقنا مايضيعش وتيجى واحده زى ديه وتاخده . مقدرتش اقتنع بكل اللى قالته كنت شايفه أنها تسيبه يبقي احسن ليها ولينا .لكن دايما ردها أن لو اتطلقت محدش هيرضي بأخواتى كعرسان ولا حد هيتقدملى لأن ابوهم وأمهم مطلقين .فا الاحسن أنها تفضل متجوزاه ومتبقاش قدام الناس مطلقه من جوزها عشان خاين ومتبقاش هى اللى هدت البيت بأيدها .كنت بسمع كلامها استغرب واقول هو فين البيت ده اصلا . أوقات كانت بتتعامل معاه بحب وأوقات تانيه بتشتكى منه .كنت شايفاها بتتعذب قدامى كل يوم كنت حاسه بوجعها وكنت متدايقه من سلبيتها تجاه الموقف ومش قادرة اسامحه مع كل ألم كانت بتحس بيه كنت بكرهه اكتر واكتر على قد الحب على قد الكرهه اللى بقي جوايا من ناحيه كل الرجاله وقررت أن مش هتجوز ولا هخلف ولا هقدر اكون أم كويسه لأن انا مقدرش اتحمل مسئوليه حد غير نفسي يمكن اكون انانيه فى افكارى ومفكرتش فى ماما اللى طول عمرها مستنيه تشوفنى عروسه وتفرح بيا .انا قررت افرحها بيا بس وانا ناجحه في شغلى واخليها تلف العالم كله معايا واحقق لها أحلامها كلها .ماعدا حلم الجواز لأن مش هقدر اكون زى ماما لانى مش بقوتها عشان استحمل كل ده 😔
