الصفحه العاشره . يوم الجمعة ؟! ده بقى اليوم اللى مش بقضيه لوحدى نوعا ما . الساعه ٦ المغرب بيجى بسام جوزى . انا اه بكرهه الرجاله والجواز بس اللى بينى انا وبسام مش جواز دى حاجة كده عشان نحلل بيها علاقتنا مش اكتر .هو عارف كل حاجه عنى وراضى لانه باختصار مالوش دعوه .لا احنا عايشين مع بعض ولا لينا علاقه بحياة بعض وهما الساعتين بتوع كل اسبوع وخلاص شكرا على كده اتعرفت على بسام فى البار ماهو طبيعي يكون البار اكيد مش هيكون جامع يعنى ونبقى عاملين كده . بسام : بقولك ايه ماما جايبالى عروسه انتى ايه رايك ؟! انا: وبعدين .بسام : بقولك جايبالى عروسه يعنى عايزانى اتجوز . انا: تمام الف مبروك ابقى عدى عليا انت وهى فى الشركة عشان انظملكو فرحكو .بسام : ماتيجى نتجوز .انا : لو فرضنا أن قولت موافقه ماما هتبقى موافقه ؟! بسام : انتى بتتكلمى بجد يعنى انتى موافقه .انا : رد على سؤالى ماما اللى جايباك عروسه هتبقى موافقه ؟! بسام: مالناش دعوة بيها المهم احنا موافقين .انا،: ومين قال إن انا موافقه أنا بتكلم معاك بالافتراض يعنى من الاخر بفكرك احنا ايه وايه كان الاتفاق بينا .بسام: الاتفاق ممكن يتغير وبدل ما نبقى بنتقابل ساعتين كل اسبوع نعيش طول الوقت سوا ونخلف عيال .انا : ويبقى عندنا عيله صغيره سعيدة ومليانه حب ودفا وتيجى انت فى يوم تلاقينى اهتميت بالعيال اكتر فا تروح تخونى واسكت عشان العيال وتعدى الليله وتتكرر على طول وتبقى نمط حياتى لحد ماتيجى بنتى تقولى انا هسبلكو البيت وبعدين اتقهر انا واموت وعيالى يتشردوا وانت تعيش حياتك عادى وبعد سنين ترجع لعيالك تقولهم انا اسف لما تحس بالندم ده لو حسيت مش كده لا ياروحى انا مش كده ولا هبقى كده مهما كان انا مش ماما . بسام: وانا مش ابوكى صدقينى مش هعمل كده .انا : انت كداب انت مش بابا بس راجل زيك زيه بالظبط عايش عشان رغباتك وبس .بسام : انا مش كده . انا : لو ماكنتش كده ماكنش زمانك هنا من الاول ولا قبلت بأى حاجه من اللى قولتهالك ولا قبلت على كرامتك كراجل . بسام : عشان بحبك .انا : وانا مابحبكش انا معنديش قلب احب بيه افهم . انا تلك الفتاة الخائفة من أن تصبح مثل امها.
