الصفحه الثالثه عشر . فرح جوزى ؟! انا : استاذ سليم قسم الحسابات مجاش النهارده برضوا . السكرتيرة : لا اتصلنا بيه فى البيت قالوا أنه سافر . انا : تمام اسبوع لو مجاش نفذى الشروط اللى فى عقد تعينه . السكرتيرة : تحت أمر حضرتك فى واحد مستنى حضرتك فى المكتب . انا : مين . السكرتيرة :اسمه بسام . انا: تمام بس تانى مرة ماتدخليش حد مكتبى من غير اذنى السكرتيرة : حاضر😔 انا : انا قولت اننا خلاص انتهينا ! بسام : هننتهى اكيد بس مش هنا الكلام انا هنا جايلك فى شغل . انا : ايه جاى عشان اعملك فرحك ولا إيه . بسام: بالظبط كده . انا : ده انت كنت بتتكلم بجد بقى . بسام : الجواز فى هزار . انا : مبروك طيب فين العروسه عشان تختار اللى هى عايزاه وتقولنا بتحلم بأيه واحنا ننفذه . بسام : المرة الجاية هجبها معايا . المرة دى جاى عشان اعرف هتعملى ايه . انا : انت مش قولت الكلام مش هنا . بسام : قصدي فى نظام التجهيزات والفلوس. انا : اه انتى جايه تتفق على العروض قبل ما تيجى هي وتدبسك يعنى . متخافش لما يرجع مدير قسم الحسابات هخلى يعملك تخفيض للنص . بسام : تمام بس انا مستعجل الفرح الشهر الجاى. انا : متخافش كله هيكون مظبوط على الشهر الجاى حلو كده . بسام: اه حلو هبقى اعدى عليكى بليل نتكلم . انا : تمام . الساعه ١١ وصل . انا : المفروض ماتبقاش هنا انت خلاص هتتجوز . بسام : وحشتيني . انا : انت عارف اخر مرة كنت فيها هنا امتى . بسام : اه من شهرين . انا : مظبوط والشهرين دول حصل فيهم ايه بقي . بسام : محصلش فيهم حاجه . انا : لا حصل خطبت فيهم يعنى اللى بينا انتهى يا روحى . بسام : اللى بينا مالوش علاقه إذا اتجوزت أو لا . انا : لا ليه علاقه أنها مالهاش ذنب انك تخونها وتبقي على علاقة بيا .بسام : لا معاها هبقي بخونك انتى مش هى . انا : لا مش صح انت بالنسبالها جوزها وحبيبها لكن انا لا انت بالنسبالى ولا حاجه مجرد واحد قضينا. وقت لطيف سوا وخلاص انتهى . بسام : انا مقدرش استغنى عنك . انا : انت عايز ايه وجاى ليه ماتقولش وحشتيني وبحبك والهبل دة انا عارفاك كويس اووى ؟!
